ထိမ်းမြှား လက်ထပ်ခြင်း (Myanmar Translation)

ဘဝ အသစ်စခြင်း

Unicode

Draco ဟာ သူ့ရဲ့ တစ်နှစ်​ကျော်ကြာတွဲလာတဲ့ Theodore Nott (သီအို​ဒေါ ​နော့) နဲ့ လှပတဲ့ည​လေးကို ဖြတ်သန်းပြီး​နောက် မနက်​စော​စောမှာ( ၂နာရီ၊ ၃နာရီ) အိမ်ကို ပြန်လာလိုက်တယ်။ Draco ဟာ ​နေ့တိုင်း ရုံးကပြန်လာပြီး သူ့မိဘ​တွေ အိပ်ချိန်​နောက်ပိုင်းမှာ Theodore နဲ့ အမြဲ သွား​တွေ့​​လေ့ရှိတယ်။

Nott ရဲ့ ကုမ္ပဏီဟာ အရင်ကတည်းက Malfoy ကုမ္ပဏီနဲ့ ရန်ဘက်​တွေဖြစ်ကြတဲ့အတွက် Draco အ​နေနဲ့ ဒီ ဆက်ဆံ​ရေးကို လျို့ဝှက်ထားဖို့လိုတယ်။ သူ့မိဘ​တွေက သူတို့ ၂​ ​ယောက်ကို ဘယ်​တော့မှ လက်ခံ​ပေးနိုင်ကြမှာ မဟုတ်ဘူးဆိုတာ သူသိပါတယ်။ ဒါ​ပေမဲ့ သူ ​ကောင်​လေးကို ရူးသွပ်စွာ ချစ်​နေမိပြီ။ Theo လည်း သူနဲ့ ထပ်တူဘဲ​ပေါ့။

Draco သူ့မိဘ​တွေ အခန်း​​ရှေ့က​နေ ဖြတ်လိုက်ချိန် မထင်မှတ်ဘဲ အ​မေ့ရဲ့ အသံကိုကြားလိုက်ရတယ်။

" အဲ့လို မရဘူး Lucius... ရှင် ​ကောင်​လေးတစ်​ယောက်ရဲ့ ဘဝကို အဲ့လို ဖျက်ဆီးလို့မရဘူး "

" ဒါ​ပေမဲ့ အဲ့တာ Draco အတွက်​လေ.. မင်း​ရော သူ့ကို လမ်းမှားမ​ရောက်​စေချင်ဘူးမလား .. "

" ဒါ​ပေမဲ့.. ​ကောင်​လေးအတွက်ကျ​တော့​ရော..."

" Draco ကလွဲပြီး အဲ့​ကောင်​လေးအ​ကြောင်းကို မင်း ဘာလို့​တွေး​ပေး​နေရတာလဲ.. ပြီး​တော့ ငါ အဲ့​ကောင်​လေး မိသားစုကို ပိုက်ဆံ​ပေးပြီးသွားပြီ "

" ပိုက်ဆံ!...."

Narcissa အံ့သြစွာ ပြန်​မေးလိုက်မိတယ်။

" ဟုတ်တယ်.. ငါ သူ့ ဦး​လေးနဲ့ စကား​ပြောဖို့ သွား​တွေ့တဲ့အချိန် သူတို့က ပိုက်ဆံဘဲ ​တောင်းတာ​ကြောင့် ငါ​ပေးခဲ့လိုက်တယ် ... ပြီး​တော့ ဒီအိမ်​ထောင်​ရေးကလည်း အဆင်​ပြေသွားမှာပါ.. Harry က Draco အတွက် ပြီးပြည့်စုံတဲ့​ကောင်​လေးဆိုတဲ့အ​ကြောင်း ငါ့ကို Severus ​ပြောထားတယ် .. ငါ သူ့ကို ယုံတယ် "

Draco ဒီအ​ကြောင်း​တွေကို ၂ ခါ ပြန်ကြားစရာ မလို​တော့​ပါ။ အခန်းဆီကိုဘဲ အမြန်တက်သွားလိုက်မိတယ်။
သူ့အ​ဖေက လက်ထပ်ဖို့ကို သူ့ကိုမ​မေးဘဲ အစကတည်းက ဆုံးဖြတ်ထားပြီးသားလား။ ဘာဖြစ်လို့လဲ။