ထိမ်းမြှား လက်ထပ်ခြင်း (Myanmar Translation)

ခင်ပွန်းဖြစ်သူရဲ့ ချစ်သူ

Unicode

အခုဆို Harry , Malfoy Manor မှာ​နေတာ သုံးလ​တောင်ရှိခဲ့ပြီ။ Draco မိဘ​တွေက သူတို့ရဲ့ အ​ရေးကြီး အလုပ်ကိစ္စ​တွေ​ကြောင့် ​​ကျေးလက်​ဒေသက လယ်ယာအိမ်ကို ပြန်သွားကြတယ်။

အဲ့​တော့ Harry နဲ့ Draco ဘဲ ဒီအိမ်ကြီးမှာ အတူ​နေကြတယ်။ Harry က Draco သူငယ်ချင်း​​တွေအပါအဝင်၊ အားလုံးကို သူဟာ ​ပျော်ရွှင်ဖွယ်ရာ အိမ်​ထောင်​ရေး ပိုင်ဆိုင်ထား​ကြောင်းကိုဘဲ သိ​စေတယ်။
Draco နဲ့အတူ မလိုချင်တဲ့အိမ်​ထောင်​ရေးကို ​ရှေ့ဆက်​နေရပါတယ်ဆိုတဲ့ သူ့ရဲ့ ခံစားချက်တွေကို ​ပေးမသိချင်ဘူး။ Draco က သူ့ကို အရာအားလုံးထက်ပိုမုန်းတယ်ဆိုတာ သူသိပါတယ်။ Dursleys ​တွေ ထက်​တောင် ပိုမုန်းပုံရ​သေးတယ်။

Draco ဘာလို့ သူ့ကို အမြဲမုန်း​နေရသလဲဆိုတာ Harry သိချင်မိတယ်။ ညဘက်​တွေတိုင်း အိပ်ယာ​ပေါ်မှာ တစ်​ယောက်တည်း မျက်ရည်​တွေနဲ့ဘဲ အမြဲအိပ်​ပျော်​နေရတယ်။ ဒီလို ဘဝကို Harry ဘယ်တုန်းကမှ မမက်​မောခဲ့ပါဘူး။

Draco က သူ့ရဲ့ ချစ်သူ Theodore Nott အတူ​နေဖို့ ညဥ့်နက်မှပြန်လာတယ်ဆိုတာ အပြစ်ကင်းစင်တဲ့​ကောင်​လေးက​တော့ မသိရှာပါ။

မသိနိုင်ပါဘူး၊ သူတို့က တစ်ခန်းထဲမှာ အတူမ​နေကြဘူး​လေ။ ဒါ​ပေမဲ့ Harry က ​နေ့တိုင်း ဧည့်ခန်း ဆိုဖာ​ပေါ်မှာထိုင်ပြီး သူ့ ခင်ပွန်းဖြစ်သူ ပြန်လာမဲ့ အချိန်ကို ​စောင့်​နေတတ်တယ်။ လူ​တွေ အိပ်ချိန် ညသန်း​ခေါင်ရောက်မှသာ Draco က ပြန်လာတတ်ပြီး ​စောင့်​နေတဲ့ Harry ကို တချက်သာစူးစိုက်ကြည့်ပြီး သူ့အခန်းတည့်တည့်ကို ​ဝင်သွား​​လေ့ရှိတယ်တယ်။ အဲ့အချိန်ကျမှ သနားစရာ​ကောင်​လေးက သူ့ရဲ့ အခန်းကို ပြန်အိပ်​တော့တယ်။

Narcissa နဲ့ Lucius တို့က သူတို့ လက်ထပ်ပြီး တစ်လအကြာမှာ ပြန်သွားကြတယ်။ အဲ့​နေ့မှာ Draco က Harry ပစ္စည်း​တွေကို သူ့အခန်းထဲက ပစ်ထုတ်ပစ်တဲ့အတွက် Harry တခြားအခန်းမှာ သွား​နေခဲ့ရတယ်။

မနက်အ​စောမှာ Draco က အလုပ်သွားဖို့ ပြင်ဆင်​နေတယ်။ Harry က အခန်းထဲကို ဝင်လာပြီး သူလုပ်ဖို့မလိုတဲ့ မနက်စာကို ယူလာ​ပေးတယ်။

" ကျွန်​တော့်မှာ ​မေးစရာတစ်ခုရှိတယ် "

Harry က မနက်စာကို အိပ်ရာ​ဘေးက စားပွဲမှာချပြီး ​ပြောလာတယ်။ Harry သက်ပြင်းတစ်ချက်ချလိုက်ကာ...