#حبيبتي_فصليتي
#البارت1
مرحبا اسمي مها عمري 20سنه ساكنه ويه امي وابي واخواني 2علاء ومحمدواختي الزغيره زمن عائله حلوه وهادئه بس بابا شويه معقدلان بعده على تقاليد اهل كبل ماما فقيره كلش واني اقرب وحده اله من اخواني طبعاً ماكملت دراسه بس السادس اعدادي وبطلت بابا ماقبل اكمل نرجع لمواصفاتي طولي وسط 163 وجسمي حلومرتب موسمين ولاضعيف وزني 53 عيوني كبار ولونهم اخضرفاتح طالعه على بابا لان بابا كردي وعدهم وراثه بالعيون شعري طوله للورك لونه تمري
اليوم اني وماما طلعنه للزياره لاحدالمراقد وهي شريفه بنت الحسن (عليه السلام)هي بالحله قريبه علينه خلصنه زياره وكعدنه ورحت للسوك اجيب اكل لان مامكلين شي وكفت على الكافتريا طلبت لفات واريداخذمن الرجال اخذت الطلب افتريت ماانتبهت شخص واكف يمي انظربت بي وكع الجاي من ايده واندمر واني وكع على رجليه حجيت
اسفه اسفه والله مامنتبه
الشاب/لاعادي ماصارشي
مها/حجيت ويه ابوالكافتريا عموانطيني بطل مي وكلاص جاي
ابوالكافتريا/اي عمو اتفضلي
مها /انطيت للولد المي تفضل هذا مي غسل رجليك وهذا جاي بدل الي وكع واعتذر مره ثانيه
الشاب/لاشنوالسالفه والله ماكوداعي
مها/لاعفيه اخذه
الشاب/ماشي انطيني
مها/اترخص منك رجعت كبل لامي انطيته الاكل
ام مها زهره/يمه ليش اتأخرتي
مها/هوسه السوك واخذتلي كم شغله شويه وشفت نفس الشاب اقترب علينه واكوعائله قريب علينه كعديمهم جانت مره جبيره وبنات 2وشباب 2من غيره
نروح للبطل
اسمي مصطفى عمري 28 متخرج وحالياً معلم هاي اول سنه اتعينت حالتنه الماديه كلش زينه احنه معروفين بالمنطقه بيت السيداوبيت الشيخ مواصفاتي موطويل كلش 170بشرتي حنطاويه عيوني لونهم اسود
اليوم اجيت ويه العائله امي واخواني وخواتي زياره لمرقد شريفه بنت الحسن(عليه السلام )خلصنه زياره واتغدينه رحت اشرب جاي واجيبلهم وكفت وجانت بنيه بصفي انظربت بيه بس سبحان الخالقه تموت عيونه خضر وتلمع ثلج حجت وياي واعتذرت واني طيرت عقلي عيونه سحرني اعتذرت وراحت اني رجعت لهلي شفت نفس البنت كاعده هي ومره يمكن امه بقيت صافن عليه انتبهت عليه ابتسمت اله
مها/صارعندي فضول اشوفهم شلون كاعدين اجت عيني بعينه هوابتسم اني ماتحملت هم ابتسمت ودنكت استحيت درت وجهي
مصطفى/ماما شوفي هاي البنيه الوراج شكدحلوه دخيل الله
ام مصطفى نوال/ولك شوصاير ماتستحي
مصطفى /عليج الله باوعي عليه تخبل تجبر الواحد يباوع عليه
نوال/خليني اشوفه بله درت وجهي عليه سبحان الله صدك تخبل الله يخليه لهله
زيد/اوووف شنوياالله من شنومخلوقه عسل وكيمر هاي ماطالعه للشمس
ماهر/خلي اروح ارقمه حرامات افوته مني
مصطفى/شنوانتم من بشر يعني ابتليت كلت لامي شوفيه
نوال/راح اندارعليهم واسألهم منين لان مامعقوله من الحله اندارت عليهم وحجت شلونج عيني ام منو بالخير
زهره/اهلاً عيوني اني ام علاء
نوال/هلابيج خيه اني ام زياد صدك انتم منين
زهره/اني من الحله بس ابوعلاء من سليمانيه اصله بس استقرهنا
نوال/ياعيني هاي بنتج
زهره/اي بنيتي الجبيره
نوال/الله يخليه الج ويحرسه
مها/صافنه على المره وهي تحجي وعرفتنه على بناته وطلع هذا الولد الي انظربت بي ابنه واسمه مصطفى
ايه/ماما خلي نروح للسوك شويه
نوال/يمه مصطفى اخذخواتك مهاوي يمه اذا تردين روحي وياهن
مها/ماما اروح
زهره/روحي يبعدامج
مها/شكراً ماما طلعنه للسوك نمشي
ايه/مها تعالي امشي بالنص لان انت الحلوه وخاف يخطفوج منه لو يتحرشون
مها/يمعوده ولااهتم اسمع وابلع اني دائماً البس نقاب بس اليوم ذبيته لان كلت زياره
تبارك/فدوه لوعندي عيونج احرك الدنيه
مصطفى /اكعدي راحه همزين ماعندج جان شلتي خشمج علينه
الجميع 😂😂😂
مصطفى/بهمس ايه حبابه اخذي رقمه لخاطر اخوج
ايه/ماشي بس اريدسوار عليه اسمي
مصطفى /ادللي هسه نوكف على المطبعه واشتريلج
ايه/ماشي اكلج مها عندج تلفون
مها/اي عندي بس هوبالاصل لامي لان بابا مأيقبل
ايه/ياعيني خطيه هسه انطيني رقمج حتى نتواصل لان حبيتج هواي
مها/تمام اكتبي078 وحساب الفيس اسمه عيون المها
ايه/شكراً يكلبي وانت وقت فراغج راسليني
مها/تمام
مصطفى/تعالن اوكفن خلي اجيب سوارات الكم رحت للرجال السلام عليكم
البياع /وعليكم السلام
مصطفى/اريد سوارات اسم ايه وتبارك ومها وواحدمختلف اريدهيجM❤M
البياع/تمام انتظر اطبع الك
مصطفى/خلص الطلب وانطيته فلوس ورجعت للبنات اشتريت الكم بعدشتردون وزعته عليهم حتى انت مها اتفضلي
مها/اني ليش
مصطفى/اممم اعتبري هدية مني
مها/شكراً على الهديه
ايه/هذا الرابع المنو
مصطفى /شكدفضوليه اسكتي ماعليج
ايه/اكلج مها انت مخطوبه مرتبطه شي
مها/لاحبي مااريد اخاف تصير مشاكل واهلي يعرفون مالي خلك بقوا يشترون وهذا مصطفى ياخذ لخواته وياخذاليه حتى كلت فشله اكلكم ترى كافي مااريدشي قبل شويت اجيت اخذت شغلات
مصطفى/ اعتبري عربون صداقه حتى ماتنسينه
مها/لاشلون انساكم اصلا راح اظل على كلبكم
ايه/والله ياريت لان كلش حبيناج
مصطفى/هسه خلصتن شرايه يلانرجع
البنات يلا
مصطفى/لعد يلا كدامي رجعنه يم العائله
نوال/هاشنواشتريتوا راوني
مصطفى/زعاطيط حتى بالشرايه ياخذن جبس ومدري شنو
ايه/شوفي اشتره النه هذني الاسوارات
نوال/اي حلوات
زيد/لعدغير تذكر اخوتك وياك
مصطفى/شبيك انت عندك فلوس وروح اشتري
زيد/عابتلك
مها/خلصنه من السوك ورجعنه كعدت يم امي لكيته ادك سوالف ويه ام زياد بسرعه صارن صحبه
نوال/اكلك مصطفى اخذت واحدلمها
مصطفى/اي يمه شلون مااخذبس والله تعاند
نوال/ليش يمه واذا اخذلج ويه البنات
مها/لاخاله مومااريد اكلفه
مصطفى /هسه هوقحط مايغله عليج
مها/☺️شكراً
ايه/ماما تدرين مها شكدحبابه ومحبوبه وهادئه من تمشي
نوال/مبين عليه الله يخليه
زهره/هي على طوال هادئه وسوالفه ويانه قليله بس تحب تختلط بالناس وتكون صداقه
نوال/شكداحب هيج بنات
زهره/هسه احنه لازم نروح لان اتأخرنه
نوال/ياكلبي وآلله حبيتكم ان شاء الله نلتقي وهذا رقمي خلينه على تواصل
زهره /ان شاء الله وهذا هم رقمي دكيت عليج
مها/من كالت ماما نروح ضجت تمنيت ابقه بعد وياهم انتبهت لمصطفى هم ضاج بس بعدين انتبه عليه عيني عليه ابتسم بوست ام زياد وتبارك وايه وسلمت على الولد ودعناهم وطلعنه اجرنه سياره ورجعنه للبيت مر تقريباً شهر اتواصل ويه ايه ونبقه نسهر للصبح نتراسل بيوم اجوا عمامي وعماتي لبيتنه يربي دخيلك جيتهم مااطمن لان دائماً مشاكل شويه وصاحوا على امي
ابومها حسين/تعالي زهره اكعدي عندي حجي وياج
زهره/خيرفهموني شكو
حسين/ابن اخوي ضارب واحد بالسياره والولد اتوفه بنفس الوقت
زهره/وهس اهل الولد شراح يسون
حسين/ايكولون دم بدم اذا موهو اي شخص من اخوته اولادعمه اهم شي ياخذون دم ابنهم
زهره/يمه ولدي ولطمت على صدره اني شعليه بأبن اخوك شنوذنب ولدي يتأذون من وراه هو واحدسكير
حسين/اسكتي راح اكوم اموتج هذا ابن اخوي
زهره/اني شعليه عساهم نارهم تاكل حطبهم
حسين/انطونه عطوه لحدماتخلص الفاتحه يسون كعده ونشوف شيصير
مها/من الحادث خفت على اخواني هواي شنوذنبهم يتحملون ذنب شخص غيرهم باليل دخلت للفيس اريد احجي ويه ايه كلبي طك شفت حسابه مغيره الصوره حداد شبسرعه الصبح حجيت وياه راسلته ماجاوبت وره نص ساعه جاوبت
ايه/💬هلومهاوي
مها/💬شكو شومغيره صورت حسابج
ايه/💬اخوي الجبير دعمته سياره واتوفه
مها/💬ياكلبي البقيه بحياتج اخرالاحزان
ايه/💬اشكرج يكلبي
مها/💬امج شنووضعه خطيه
ايه/💬كلش انهارت وصاعد الظغط مالته
مها/💬الله ينطيه الصبر
بقينه نسولف للساعه4 الصبح وبعده سديته ونمت مرت4 ايام واليوم الكعده الله يستر كلبي ناغزني مدري ليش هسه اني شعليه المغرب اجه بابا وعمامي وكالوا
العم عباس/شلون بيه منين اجيب فصليه انطيهم بناتي كلهن مزوجات والزغيره عاقده
حسين/هم رادوا50 مليون وفصليه انت عليك الفلوس واني عليه الفصليه
زهره/شنوعليك الفصليه
حسين/يعني مها تروح فصليه وفضت السالفه
مها/احس احد ظربني طلقه من كال اروح فصليه شنوشفت من حياتي وهسه ابوي يضحي بيه علمود واحدسكير شنوذنبي كمت صرخت انتتتت شنووو من بشررر اضحي بيه علمود ابن اخوك اني شعليه بي هوساقط اني شنوذنبي اروح خدامه خاف الله اني بنتك موغريبه
حسين/انجبي مااريد اسمع حسج لاوالله اذبحج وظربه راشدي
مها/بابا صح مرات يصيح ويغلط بس مايضرب اول مره يضربني راشدي لزمت خدي وسكتت وظليت ابجي
زهره/ماانطي بنتي هي تايه روح حله بغير شي
حسين/كاااافي لغووووه زاااايده ماكوحل ثاني قافلين على الاخير
عباس/هاي فلوس5 ملايين جهزيه جهاز كامل مال عروس واخذيه صالون
زهره/لابارك الله بيكم كومي بنتي
مها/ماما فدوه اني شنوذنبي اتعذب خلصيني
علاء/ياخيتي والله صيحت اعترضت حتى ضربني شكدراسوي اخذج واشرد ماكوغيرحل فهميني شسوي
مها/😭😭خويه لاتتركني فدوه اروحلك
محمد/حبي ميمو ادعي لربج ينتقم منهم
مها/بقيت نايمه على رجل علاء وابجي لحدمانمت كعدت على صوت احديكعدبيه
زهره/كومي يمه اتريكي حتى نطلع للسوك
مها/مااشتهي انت اكلي على مااسبح وابدل رحت سبحت وبدلت لبست بنطرون اسود وبدي وعليهم جبه سوده وشال اسود شويه وطلعنه للسوك امي اشترت كلشي هي وخالتي اني مجرد جسم بدون روح اخذتني للصالون سوتلي تنظيفات ماقبلت اصبغ شعري لان هو حلو على حمار رجعنه للبيت نرتأح لان الظهر اروح لبيت الناس
زهره /يمه لاتعذبيني كومي اكلي راح تموتين صاريومين ماحاطه لكمه بحلكج
مها/مااريد عسى الله ياخذني واخلص طول عمري متعذبه كمت لميت ملابسي وغراضي ودفتر مذكراتي خليته بالجنطه
حسين/يلانروح
مها/ودعت امي واخوتي وبقوايبجون ابوي ماباوعت بوجه لان صدك حقدت عليه مااهتم اليه علمود ابن اخو
عباس/يلا نتوكل
مها/صعدت السياره ودموعي مانشفن فتحت جام السياره اريد اشتم هوى ماكومخنوكه يربي دخلنه بمنطقه شبه ريفيه بس كلش حلوه خضار وهوى وصلنه لبيت حلو وجبير نزلنه يمه اكوهواي زلم دنكت ومشيت وبابا وعمي وياي كالوا راح نعقد بسرعه مارفعت راسي ابد ولاشفت منو بس العرفته اسمه مصطفى عقدنه وخلصنه صاحوا على مره اجه ابوي يريد يحظني عفته ومشيت ويه المره
المره/تعالي عيني طبي جوه تعالي نورس اخذيه لغرفة اخوج
نورس/اي خاله تعالي حبي شنواسمج شكدعمرج
مها/اني مها عمري 20
نورس/ياكلبي الله يخليج تخبلين والعيون تجنن
مها/من ذوقج كلبي
نورس/ادخلي كلبي هاي غرفة مصطفى وغرفتج هسه صارت ترى صوفي حباب كلش ومايقبل على شغلة الفصل هومثقف بس عمامي ضغطوا عليه
مها/والله اني مالي ذنب وعائلتي مااله ذنب هذا ابن عمي هوسكير وسواه😭😭وابجي بحركه
نورس/اصبري يكلبي موكلتلج مصطفى حباب مايأذيج اطمئني هسه اني اروح اجيب شي تاكلي لان مبين عليج ماممكله
مها/مااشتهي عافتني وراحت وبقيت ابجي والوم بروحي شسوي يربي ابوي ذبني بنار الله يسامحك كعدت بالكاع وانتجيت على الجربايه ولميت رجليه ودفنت راسي بنصهم وابجي اندكت الباب حجيت بصوت مبحوح اتفضل
#ميمي_جوية
