#حبيبتي_فصليتي
#البارت5
مرشهرين
مها/عايشين احلى ايام وصوفي مدللني ويأخذني يونسني ومرتاحه كلش بقيت اتواصل ويه اهلي صاركم يوم احس روحي مدري شبيه ومااكل حتى ضعفت يمكن فقر الدم صار حاد
مصطفى/مريتي مامقصره عني بشي عيشتني بسعاده عودتني اكل الصبح فبل لااطلع للدوام عنوديه مااكدرعليه ومن تستقبلني بضحكته وملكاه الحلو عبالك ماشايفتني صارسنه
نوال/مهاوي يمه احجزي يم الدكتوره حتى اخذج اسويلج تحاليل وضعج ماعاجبني صايره صفره
مها/ماما كلشي مابيه بس يجوز من فقر الدم شويه مشيت اجاني الدوار لزمت الميز
مصطفى/هاوادكولين مابيه شي شلته واخذته للغرفه كعدته على رجليه .ليش تعاندين شوفي حالتج صايره صفره وضعفانه بس اوكفي صدك الشهريه شوكت اجت
مها/كعدني بحضنه وسألني فتحت عيوني 😳ياا شبيك عيب والله
مصطفى/لاتستحين قابل غريب غير مرتي ولازم اعرف كلشي بيه
مها/همممم خلي اذكرهممم صارهواي وحتى فايت موعده
مصطفى/اوك اليوم نروح ونعرف كون يطلع شكي صحيح
مها/بشنوتشك بله
مصطفى/خليت ايدي على بطنه يمكن راح تجي الاميرة مهاوي الزغيره
مها/معقوله يربي الله احلى شي اذا صدك بس اوكف يجوز يجي صوفي زغير اني واحد مااكدر عليه انوب اثنين الااروح للشماعيه
مصطفى/هم وياج للشماعيه مانعوفج
مها/حياتي شنو تتمنه ولد لوبنيه
مصطفى/كل اليجي من الله نعمه من رب العالمين
مها/اني اتمنى ولد ويطلع مثل ابو حنون وطيب
مصطفى/ان شاء الله تتحقق امنيتج
مها/خلصنه الوقت واتغدينه والساعه ب4 بدلت ونزلت وماما ويانه وصلنه كبل دخلنه لان حاجزين حجيتله اعراضي كالت اسويلج سونار صعدت على السديه وبدت تاخذلي ورجعت مره ثانيه .هادكتوره اكوشي
الدكتورة/لاماما بس اتأكدت اكثر مبروك انت حامل
مها/صدك دكتوره الله احلى خبر مشكوره بشرج الله بالخير
الدكتور/الله يسلمج ديربالج لاتشيلين ثقل ولاتعبين وهاي فيتامينات اخذيه
مها/مانكدر نعرف جنس الجنين
الدكتوره/لامااكدر بعد على المراجعه الثانيه زورين بعدشهرين
مها/ماشي اشكرج طلعت من يمه الفرحه ماواسعتني
مصطفى/هاحياتي شنوكالت الدكتوره
مها/راح اكولك شغله بس موتخبص العياده
مصطفى/كولي والله كلبي راح يوكف
مها/هممم اني حامل
مصطفى/بقيت ساكت من الصدمه لان هذا احلى خبر شويه استوعبت صدك ميمو انت حامل
مها/اي
مصطفى/كوه سيطرت على روحي ماخبصت العياده مبروك علينه يكلبي
نوال/بالخيرعليكم
مصطفى/تسلمينه يمه الله يخليج النه
مها/رجعنه للبيت وصوفي خبصني بس يحظني ويبوس بيه اخرشي خلاني بحظنه ونمت
مصطفى/بعدهذا الخبر كعدت الصبح واني مفكر لازم اعقد محكمه واسويله زفه خطيه هم حلمه مثل اي بنيه رحت لابوي صبحت عليه وحجيت يابه اني اريد اعقد على مها محكمه لان تدري اني احبه وهسه صارت حامل واذا ولدت ما يطلعون جنسيه للطفل
ابوزياد/اي بيه الخير
مها/مراسبوع وعقدنه محكمه والفرحه ماتنوصف
مصطفى/رحت للسوك جهزت كلشي جهاز مال عروس من ذهب وملابس رجعت للبيت التمينه كلنه
مها/شفت علاكات هواي جاب مصطفى هاي شنو حبي
مصطفى/تعالي اوكفي كدامي ممكن تعيرون انتباهكم اني اليوم راح ارجع اخطب مها من جديد طلعت الحلقه لبسته ورجعت لبسته كلاده وتراجي ومحبس ونزلت بالكاع لبسته حجل
مها/يلبسني واني ميته خجل انوب نزل على رجلي لبسني حجل
زيد/هذا الحب نزل على رجله شكدرومانسي
ايه/الله يسعدهم شكدحلوين
مصطفى/هاي جهاز العرس لان ماجبتلج شي بسبب الضوف الصارت
مها/اباوع على روحي على الذهب بس والله هواي ماكوداعي
نوال/لايمه الذهب زينه وخزينه وثانياً هذا حقج
ايه/باركت لمها وبوسته ومصطفى هم باركتله
مصطفى/بعدمفاجئه حجزتلج بدله باجر تروحين للصالون واجي اخذج من الصالون لهلج واجي اخذج زفه
مها/صدك صوفي
مصطفى/اي صدك لان هذا الشي من حقج ولازم اخليج اسعدانسانه بالدنيا
مها/شكراً صوفي بس اهلي مايدرون
مصطفى/رحت بلغتهم واخذت غراض هواي للحفله حتى لايحتارون ويتأزمون
مها/دمعت عيوني صدك مااعرف شلون اشكرك
مصطفى/بدون بجي لايطلع ابني معقد
مها/ضربته على صدره خفيف هاخايف على ابنك موعليه
مصطفى/شعندي غيركم انت ام زعاطيطي
صباح اليوم التالي
مها/نايمه بسابع نومه حسيت على لمسات ابطني
مصطفى/كعدت الصبح عجبني اتلمس بطنه شويه حست عليه كعدت صباح الخير
مها/بعيون ناعسه صباح النور شدسوي
مصطفى/صبحت على ابني
مها/صايرتحبه اكثرمني
مصطفى/من هسه تغارين منه غيرانت امه
مها/ماعليه انت تحبني اليه وبعدين همه عود
مصطفى/اروح فدوه لليغار حتى من جهاله يلاننزل وراج روحه للصالون بس اهم شي ديربالج ولاتعبين روحج
مها/ماشي يروحي دخلت سبحت واخذت ملابس وبدلت وطلعنه للصالون ويايه ايه وتبارك وماما سويت ترتيبات تسريحه نازكه ومكياج موقوي لبست البدله طلعت اخبل ماما ضلت تصلي على النبي وتقره المعوذات ايه اتصلت عل مصطفى شويه واجه ماشافني لان لابسه كب وصلت للبيت دخلني وراح كبل جانت هواي نسوان اقاربنه وجيرانه صارت حفله تخبل
مصطفى/رحت رتبت يم الحلاق ورجعت سبحت ولبست قاط اسود وقميص ابيض ورباط احمر وجماعتي معلمين وياي اجوي بسياراتهم وظلوا يهوسون ويرمون ورحت زفه لبيتهم
مها/وره 3ساعات تعبت حتى من الكعده كالوا اجت الزفت بس شنواني خفت وظليت ارجف واتوترت عبالك ماجنت عايشه يمه وحامل منه دخل للبيت وطالع يجنن ويركص ويه الشباب
مصطفى/دخلت شفته ملاك كاعد بسته من راسه رجعت خليت الكب على راسه شويه كعدت وبقوا يهوسون بعدماتعبوا اخذته وطلعنه
مها/ودعت اهلي وطلعنه بعدنص ساعه وصلنه للبيت والكل فرحان صعدت للغرفه تعبانه كلش شويه واجه مصطفى
مصطفى/تعبت وجماعتي كوه راحوا اريد اصعد اشوف مرتي دخلت للغرفه وشفته كاعده كمر مضوي اتوجهت عليه طالعه تموت حظنته وبسته مبروك يروحي
مها/مبروك الك حياتي اريد ابدل متت من الظهر على كعده وحده
مصطفى/كومي اساعدج
مها/يساعدني ولمساته صارت جريئه وبوساته لحدماجردني من كلشي
مصطفى/ساعدته واني نزعت القاط ورحنه لعالمنه الثاني
مرت 3اشهر والدمتوره كالت شهرين اني ماحبيت اروح بس المشكله بطني كلش جبيره موطبيعيه حتى ظليت اخاف عبالك بشهر التاسع
زيد/مرت اخوي صايره نفاخه على تنفجرين
مصطفى/ولك تقلدعلى مرتي ترى اكوم اموتك
زيد/لاصدك احجي معقوله هي 5 اشهر
مصطفى/اي 5 لعدشكد
زيد/زين معقوله بيه طفل واحد
مها/واحد لعد شكد يعني
زيد/مااتصور هذا واحد شاك اكو بعد
مصطفى/شوكت اشتغلت سونار حظرتك
نوال/واحداكثر كله نعمه
مصطفى/اليوم موعد المراجعه ونتأكد
مها/تمام للعصر رحت للدكتوره بدت تاخذ سونار
الدكتوره/سبحان الله
مها/شنودكتوره
الدكتوره/مهاوي انت حامل بتوؤم وموبس هيج لا3 سبحان الله
مها/لحظه دكتوره شنو 3
الدكتوره/شوفي كدامج بالشاشه هذوله 3 وجنسهم 2ولد وبنيه هاي الزغيره
مها/لالا شي مايصدك مامستعوبه كل هذا بس حسيت بفرحه موطبيعيه اتشكرته وطلعت
مصطفى/هاكلبي بشري شكالت على هذا كبربطنج
مها/اي كالت
مصطفى/شنوموانشلع كلبي
مها/احم حامل بتوؤم او
مصطفى/اوشنو
مها/عفت كلمة توؤم وركزت على الحرف
مصطفى/دكولي فدوه اروحلج
مها/حامل توؤم 3
مصطفى/😳بربج تحجين صدك لوتشاقين
مها/احجي صدك طبعاً
مصطفى/هيج انجلط اني عرفت بيج حامل صعدت ضغطي اذا هسه 3 شسوي اركص اهلهل هنا يربي مامصدك حظنته بالعياده وبوسته وبست اديه
مها/حبي احنه موبالبيت
مصطفى/والله نسيت روحي امشي نرجع حتى رجليه مااكدر امشي عليهم احس طاير مااعرف شسوي بس عرفتي شنوجنسهم
مها/اي2 ولد وبنيه
مصطفى/صدك راح انجلط مبروك يعافيتي الله يحفظكم اليه
مها/رجعنه بشرناهم والكل فرح
زيد/شنوبزونه حامل ب3
مصطفى/اني كم مره كلت لاتقلد على مرتي
زيد/لك خويه وين اكو وحده تحمل ب3 بس البزونه
مها/ليش ماكو ترى احنه عدنه وراثه يعني خالتي وبنت خالتي وبيبي كلهم عدهم على 3 توؤم
زيد/اي شلون وراثه
مصطفى/بسيطه الامااخذبنتك لابني
زيد/على اساس كاتل روحي انطي لابنك
مصطفى/يجي يوم ونشوف هسه بنتك تزحف على ابني لان اكيد يطلع على امه
مها/مرت ايام وتعبت هواي ثكل عليه هي المره واحد تتعذب شلون اني 3 اليوم دخلت بشهر التاسع وخايفه كلش وعندي تقلصات وظربات بظهري قويه يوميه هيج بس اليوم زاد وبعد اكدر اتحمل جنه كاعدين كلنه صوفي الحكلي بعدمااكدر الم كلش قوي
مصطفى/اتوترت مااعرف شسوي شوكومي على كيف وينج ايه سنديه وياي
ايه/يلا خيتي كوه سندناه للسياره خطيه كلش تقهر
مصطفى/حاولت اريد اسوق مااكدر زيد انت سوق ايدي ترجف صدك انطلقنه للمستشفى نزلناه
مها/صوفي خايفه فدوه لاتتركني واذا صارلي شي ديربالك على روحك وعلى جهالي وربيهم وكبرهم
مصطفى/كافي لاتحجين هيج هسه ادكومين بالسلامه ونربيهم سوه بوسته واخذوه كعدت بالكاع خايف عليه كلش حتى عيوني من الخوف مااسيطر عليهم ظلن يصبن
زيد/اهدء وادعيله ماكوشي
نوال/هي سباعيه هسه تولد وتكوم بالسلامه
😘😘😘😘😘😘😘😘😘😘😘😘😘😘😘😘😍💙💙💙💙😍😍😍😍😍😍😍😍😍😍😍😍😍😍😍💙💙💙💙💙💙💙
💏💏💏💏💏💏💏💏💏
#ميمي_جوية 🦅
