#حبيبتي_فصليتي
#البارت6
الاخير
مصطفى/بقينه ننتظر وندعيله وامي تقره قرآن مرساعه ونص وماكوخبر مااحدطلع شويه وشفت الدكتوره ركضت عليه هابشري
الدكتوره/سويتله قيصريه يلاكدرت اولده وهسه بالافاقه وحالت الاطفال زينه
مصطفى/عوفي الاطفال هي شلون حالته
الدكتوره/بخير بس شويه تعبت لان حاولت اولده طبيعي بس ايست بس حالته مستقره وشويه تصحه واصعده للغرفه
مصطفى/مشكوره دكتوره فرحه لاتوصف ركضت لامي حظنته لان مااعرف شسوي
نوال/بالخير يتربون بعزك
مصطفى/اشكرج يمه رحت حظنت زيد وهو هم فرحان
زيد/واخيراً صرت عم مبروك عليه ومبروك عليك صوفي
مصطفى/يوم الك خلي اروح بعد مااكدر اريد اشوفه ركضت دخلت للغرفه اني حجزت غرفه خاصه يبعد روحي نايمه وتعبانه اتقربت عليه بست راسه وايده
الممرضه/ممكن تتفضل وياي نكمل الاجرائات
مصطفى/ماشي اجيت ماما خليج يمه هسه اكمل الاجرائات وارجعرحت ويه الممرضه
الممرضه/شوف هذوله جهالك هذا الولد الجبير وهذا الوسطاني والبنيه الزغيره هسه لازم نسوي بيان ولاده انطيني اسمائهم
مصطفى/تمام الجبير أيان والازغر أمان والبنت ليان
الممرضه /فدوه يخبلون هم واسمائهم
مصطفى/اتقربت اشوفهم ياالله يخبلون ناعمين حتى عيونهم مغمضه ست شوكت اكد اخذهم
الممرضه /تكدرهسه تاخذهم لان كملنه فحص وصحتهم ممتازه خلي اصيح البنات تاخذهم وياك
مصطفى/اشكرج اخذت الجهال وصعدت استقبلتهم امي وفرحت بيهم شفت مها بعده نايمه شويه صحت ركضت عليه حمدالله على السلامه ام أيان
مها/الله يسلمك بس أيان منو
مصطفى/ابنه الجبير
مها/حلوالاسم والباقين شلونهم
مصطفى/أمان وليان هم بخير ومحتاجين بس حظنج
مها/يروحي فدوه انطيني اشوفهم
مصطفى/خلي اعدل كعدتج تكدرين مو
مها/ماادري بس متوجعه كلش
مصطفى/خليج بهاي نومتج واني اجيبهم لحظنج جبت الاول شوفي هذا حزام ظهري الجبير أيان
مها/يروحي بوسته وشميته
مصطفى/وهذا الفصعون الوسطاني أمان
مها/هم بوسته وشميته
مصطفى/وهاي اميرتنه المدلله ليان
مها/يروح امج هم بوسته وشميته
مصطفى/واني ماالي بوسه وشمه مثلهم
مها/اوووف منك حتى هنا ماتبطل سوالفك عيب كاعدين باركواي وتحمدولي على السلامه
الدكتوره/مهاوي تكدرين اطلعين راح اكتبلج خروج لان صحتج ممتازه و10 ايام تعالي للعياده افتح الخياط
مها/شكراً دكتوره
مصطفى/يلايروحي نطلع جهزوا كلشي
مها/اني ماعندي شي اوووي متوجعه شلون انزل من السديه
مصطفى/عدلي نفسج واني اصرف
مها/عدلت حجابي والله حتى كوه ارفع اديه خلصت حبيبي
مصطفى/اجيت شلته وتعلكت بركبتي
مها/عيب صوفي والله نزلني
مصطفى/ماكوعيب مرتي واخاف عليه
زيد/لحظه رومانسيه اوكف اخذلكم صوره طلعت تلفوني اخذت صور
مصطفى/كافي ولك راح اموتك اخذته وطلعت وامي وزيد وماهر كل واحدشايل طفل
مها/شكدعيب شوف الناس تباوع علينه
مصطفى/خلي يباوعن بيهم خيريسون مثلي
مها/مااكدرلك والله وصلنه للسياره كعدني يمه بالصدر
مصطفى/كعدته يمي بالصدر وامي واخواني وره والجهال عدهم
ماهر/ابتليت صرت عم يعني تخلوني اشيل طفل
مصطفى/وين لاكيه شايل اميرة ابوه
ماهر/والله اميرتك مواميرتي
زيد/انطينياه اني اريده عندي حظنهم مثل العسل اروحلهم فدوه بعد عمهم
مصطفى/هذا العم
زيد/اني موبحالك بس علمود ازواج بناتي
مصطفى/انت جيل ام بناتك وبعدين خلي يجن بناتك
زيد/موجوده ياخوي
مصطفى/وهاي منو تعيست الحظ اقصد سعيدت الحظ
زيد/بنت خالة مها الي تشبه
مها/هاي وين شفته
زيد/بيوم الزفه شفته وزحفت عليه بس صدك حبيته ورايده
مصطفى/خلي تكوم مها بخير ونروح نخطبه وصلنه لبيت نزلت مها ونيمته بغرفة امي لان ناس راح تجي يباركون
محمد/بويه ذبحوا بقره وسوه عشه لوجه الله بسلامة بنيتي وجهاله وناس راح تجي للعزيمه هم ياالله تبلشون
مها/اول مااجيت بدلت ملابسي لان لعبت نفسي من ريحت المستشفى مددت ونمت مدري شكد كعدت على صوت هوسه وناس هواي نسوان مكومات يمي عزاا كله ظلت تباركلي واكوهدايا وفلوس يم الجهال وخطيه كلهم يبجون طلعن النسوان بقت ماما نوال
نوال/يمه جاعوا رضعيهم خطيه
مها/ماما والله اخاف الزمهم حتى انوب ارضعهم
نوال/اني مااكدرلج اصيح رجلج هويقنعج رحت اكوطفل كلتله يصيحه من بره اجه يركض
مصطفى /هايمه خوماكوشي
نوال/مرتك عنوديه راح تموتني ماترضه ترضع الجهال ادكول اخاف
مصطفى/هسه اشوفه اعذريه غير ماتعرف
نوال/اي بس انت تكدر تقنعه تسمع كلامك
مصطفى/دخلت عليه هايروحي
مها/يبعد كلبي تعال يمي خايفه
مصطفى/من شنو خايفه مواني يمج
مها/اخاف ارضعهم مااعرف شسوي
مصطفى/هي بس اول مره وتتعودين خلي اعدلج كعدتج كعدته وخليت مخده وره ظهره وجبت مخده ناصيه خليته بحظنه وجبت ايام بحظنه يلاهسه رضعي
مها/شنووو وانت
مصطفى/بس لابعدج تستحين مني يلا على اساس ماشايف كلشي مواني يوميه بمكان هذا الفصعون
مها/يااا كافي فضحتنه امري لالله بديت ارضع ايان وشعور حلو شعور الامومه وصوفي صافن علينه اكلك حياتي وين امان وليان
مصطفى/بره امان يم زيد وليان يم امي سوتلهم مميه خطيه لان ماتكدرين 3
مها/همزين موجوده ماما وزيودي يساعدوني
مصطفى/زيد طاير بيهم حتى يمكن اكثر مني
مها/الله يخلي واخيراً نام الحلو
مصطفى/انطيني انيمه بفراشه اخذته نيمته ورحت اجيب امان
مها/رضعتهم وشبعوا وناموا فدوه يخبلون اني هم على نومتهم نمت ماحسيت غير الاعلى ايد حظنتني فتحت عيوني صوفي
مصطفى/تمبل مال نوم شكدنايمه
مها/ليش شكد نمت صدك
مصطفى/لاحبي هي ساعه نمتي بس حبيت اوكح لان مشتاقلج ومشتاق لحظنج
مها/احبك واموت عليك واني بعد مشتاقه لحظنك
مصطفى/قربت على شفته اريد ابوسه وصرخ واحد من الجهاى ايا مخرب الملذات ولك بعدكم صغارهيج اذا تكبرون شسون
مها/كوم انطيني راح يكعداخوته وياه جابه خليته بحظني رضعته اووف يربي ينام واحد يكعدواحد
نوال/بنيتي اجو اهلج
مها/صدك ماما الله مشتاقتلهم بس هذوله موتوني انيم واحديكعدواحد
نوال/مستغربين الدنيا يحسون شي جديد كم يوم يتعودون
مها/خوش لعد لان جنت خايفه اجوي اهلي للغرفه سلموا عليهوبقوا للعشه وجايه غاده بنت خالتي وزيد بقه مكابله ابد ماراح وجانت ليله حلوه اهلي راحوا اتوسلت لخالتي حتى تبقه غاده وقبلت
غاده/هذا حماج مو
مها/قصدج هذا الطويل الجان يم الكنتور كاعد
غاده/اي هو
مها/فدوه الله يخلي زيد اخومصطفى الزغير للعلم زيد يختلف عن مصطفى بهواي لان طويل وعظلات وصوفي اقصرمنه
غاده/بيوم زفتج زحف عليه بس مادرت بال
مها/حجالي عنج وميت عليج وكم يوم اصير زينه وراح نجيكم نخطبج راح اجيبج يمي
غاده/الله واخيراً الحلم راح يتحقق واثنينه ناخذالاخوان فجأه رفعت راسي 😳مصطفى كدامي شكدفشله
مصطفى/اي شلون حلم هذا مخابيل
مها/حياتي تحنه متعلقات ابعضنه كلش نتمنه مانفترك لهذا حلمنه هيج
مصطفى/والحلم راح يصير حقيقه بعد اكواحلام ثانيه
زيد/اليوم صايرالمارد السحري يلا حقق حلمي
مصطفى/شنوحلمك بله
زيد/اريد ازوج شبيهت مرتك واخلف منه بنات حتى ازوجهم لولدك هاشلوني
مصطفى/عابت الك ولأحلامك
زيد/هيج صارت اكلج غاده شعندج هنا
غاده/☺️هاا غير يم اختي
مصطفى/شتريد من البنيه
زيد/اريده عندي شغله وياه وانت اخذراحتك ويه ملكتك سحبت غاده من ايده وطلعت للسطح
غاده/هاي شبيك وين ماخذني
زيد/تعالي اكعدي هنا اكوقنفه على السطح على طول اكعدهنا من ضايج
غاده/شنوتريد مني خلي اروح ردت امشي لزم ايدي سحبني لصدره ولزمني من خصري خجلت كلش نزلت راسي بس اووف عطره عطره يسطر سطر
زيد/لزمته سحبته لصدري كلش دنكت رفعت راسه من حنجه واخذت شفافه اول مره قاومت بس شويه بادلتني سويته البوسه مفصل حتى نتنفس
غاده/من باسني حاولت اقاومه بس فشلت لان مشاعري غلبتني بادلته شويه ابتعد اريد افلت من ايده ماكوهوضخم واني ناعمه
زيد/احبج والله من اول ماشفتج دخلتي كلبي
غاده /اريد الكلمه تطلع مني حنجرتي يابسه كوه حجيت ااااني
زيد/انت هم شنو
غاده/اني هم احبك
زيد/فدوه لليخجل حضري نفسج بس مها تكوم بالسلامه تلكيني يمكم
غاده/شنوليش
زيد/غبيه غيراخطبج راح ابقه على تواصل وياج لحدمااكلج واخلي مها تخابر امج وتبلغه بجيتنه
غاده/تمام خلي انزل اشوف مها
زيد/عوفيهم هسه ذايبين بالحب وين كاطعه عليهم اللحظه خلي نسولف هنا ونتعرف اكثر
غاده/كعدنه نسولف ونضحك وكل شويه بوسه مايكعدراحه بس اني عاجبني لان مرتب وحلوومثقف
نروح للعشاق
مصطفى/مريتي اليوم احتلينه غرفة الحجيه اتهجروا
مها/والله خطيه خلي نرجع لغرفتنه
مصطفى/لابس كم يوم لان الناس يجون عوفي السوالف اريدانام بحظنج هذوله الزغار اخذوا مكاني
مها/مااحدياخذمكانك كلي الك تعال نام حط راسه على صدري والعب بشعره حبي تدري كل الجنت احلم بي صار
مصطفى/ماطول اني يمج كل احلامج تتحقق عدلت روحي بسته بشفافه لان كلش مشتاقله نزلت لركبته بس مااكدراتقربله مايصير
مها/مرت فتره وصرت احسن والجهال بينت ملامحهم وكلهم نفس لون عيوني اخضر وليان ماما ادكول تشبهني واني زغيره اليوم خطوبة غاده وزيد فرحانه كلش وناويه اركص ركص حبي صوفي شنورأيك بهذا الفستان لونه احمر وقصير للركبه وياه حذاء كعب وشعري اخلي مفتوح
مصطفى/ماعاجبني الفستان بس انت عاجبتني حبي والله اغار شلون هيج اطلعين
مها/ياعمري هم نسوان ومن يدخلون البس صايه وحجاب
مصطفى/اغارحتى من النسوان والله تدرين من ترضعين الاطفال اغار منهم
مها/بدلع وحظنته حباب لخاطري وين رايحه بي والله هن نسوان
مصطفى/ماشي بس حسابج بعدين
مها/بطلت ماالبسه راح البس كلبيه واروح وبرطمت شفافي واتوجهت للكنتور اطلع ملابس
مصطفى/اتخبل من تزعل رحت حظنته من ظهره ودفنت راسي بركبته لاتغيري اشاقه وياج بس شسوي اغار عليج
مها/ابتعد عني اريد ابدل فرني عليه واني مبرطمه
مصطفى/اويلي اافقد على هاي الحركه بست شفافه بوسه سريعه يلا اتأخرنه البسي صايه وخلي نطلع
مها/ماشي يروحي لبست صايه سوده ولفيت الشال واخذت الجهال بالسلات وصوفي وايه ساعدوني مااكدر وحدي اخذت غراضهم وصلنه لبيت خالتي كعدت بغرفة غاده لان الجهال انومهم وهي طالعه تخبل كيكه وتشبهني بس الفرق عيونه سود واني على بابا خضر هذا الفرق نزلنه وبدت الحفله وشبعنه ركص وكل شويه يبجون الجهال موتوني لحدماخلصت الحفله انهدينه رجعنه بالطريق
مصطفى /اليوم مرتي شابعه ركص بعرسه ماركصت هيج
مها/فرحانه بزيودي وغاده ولازم اركص لان هي ماقصرت وياي بعرسي
مصطفى/ردالدين يعني هسه لازم اني هم اركص لان زيد شبع ركص بعرسي والله عليجن سوالف
مها/اي اركص حبي عاجبني اشوفك
مصطفى/ليش ماانت تركصيلي لوحرام
مها/لاموحرام وصلنه للبيت كبل للغرفه لان ميته تعب حبي شويه خلي عينك على الجهال بس ادخل اسبح ميته تعب دخلت سبحت ولبست دشداشة نوم قصيره ربع ردن الدلعه مال الصدر جبيره لونه ماروني دخل صوفي للحمام نشفت شعري وبديت انوم الجهال نومت ايان وامان وهسه ليان وصوفي صافن عليه
مصطفى/يلاعاد مانامت يلابابا نامي بسته من راسه
مها/اصبرشبيك هسه راح تنام كامت تغمض عيونه شويه نامت وانطيته لصوفي خلاه بفراشه واجه يمي
مصطفى/نيمت ليون واجيت يم مها حظنته مشتاقلج بكدرحمة الله موخلص الحصار ترى صار هواي
مها/اي صح كلامك من زمان خلص بعدني مامكمله كلامي صار فوكاي واخذ شفافي
مصطفى /اليوم اكلج طلعت القهر مال الاشهر الفاتت ماتركته ل3الفجر وحظنته ونمنه
مها/ماكوتفاهم عده موتني تعبني يلاتركني خليت راسي على صدره ونمت
مرت الايام وصار زواج غاده وزيد وفرحانين وعايشين احلى حياة والجهال كبروا صارعمرهم سنه ونص ويمشون موتوني اركض وراهم مرات اربطهم اخاف عليهم كلش حركين وغاده هم تعبت وياي ماتعوفني هي صح بيت وحده بس تكضي النهار يمي على مايرجع زيد من دوامه
مها/اكلك حبي خلي نروح لبغداد نزور ومناك نمر على السوك ونشتري ملابس وشغلات للجهال
مصطفى/يعني الابغداد خلي نشتري من الحله
مها/بداعتي موااريد ازور الامام الكاظم (عليه السلام) بحياتي ماراحيه
مصطفى/تدللين يروحي الصبح تحظري ونطلع
مها/هسه اروح اكتب تكمله للروايه
مصطفى/شوكت تخلصيه
مها/ماادري بس يجوز انت تخلصه بمكاني
مصطفى/اني شمعرفني اكتب روايات انت اعرف
مها/هي الروايه اصلاً عن حياتنه
مصطفى/راحت كملت شويه كتابه واجت نامت بحظني ونمنه من وكت الصبح كعدنه ب6 بدلنه يلا ميمو اتأخرنه خلي نلحك على وكت
مها/اي كملت حبي
مصطفى/اجت تركض حظنتني وتبوس بيه وتشمني شنواليوم الحنيه صاعده من الصبح
مها/احس روحي مخنوكه واريد اتنفس
مصطفى/سلامتج يروحي شنوخوفتيني عليج اخذج للدكتور
مها/لاحبي مابيه شي نروح يلا
مصطفى/ماعاجبني وضعه راحت بوست الجهال وبوست البقيه صعدنه للسياره وهي لازم ايدي
مها/حبي اذا صارلي شي ديربالك على الجهال واريدك ادلاهم وماتحرمهم من شي وتخليهم يكملون دراسه واريد ليان تصير دكتوره وتحقق حلمي واحجيلهم عني وعن حبنه واول موقف تعرفنه بي
مصطفى/شبيج يروحي اسم الله عليج عمرج طويل ونربيهم سوه ونكبرهم نزلنه زرنه وبعده طلعنه للسوك اخذنه التريده وهي ابد ماهدت ايدي مدري شلون بالازدحام فلتت ايده ادور عليه اختفت فجأه صوت انفجار قوي هز المكان والناس تركض تشرد من الانفجار واني ارجع ارجع ادور على مها كلش خفت بلحظته ربي لاتكسرني بيه وتحرمني منه بقيت اركض بين بين الناس والجثث واصرخ اجت الاسعاف وبدوا يشلون بالجرحه والشهداء الدم تارس المكان وهي ماكوفص ملح وذاب كعدت بالكاع اصرخ وينج مها يربي لاتحرمني منه مابقه احدالكل شالوهم ركضت للمستشفى دورت بين الجرحى ماكو مر3 ساعات وماكوخبر شفت دكتور سألته مرتي جانت وياي واختفت بالانفجار
الدكتور/شفته بالجرحى
مصطفى/مالكيته ابد
الدمتور/زين شفته بالثلاجه ويه الي استشهدوا
مصطفى/لامستحيل شنويه الشهداء
الدكتور/اذا مستشهده ماتكدر تعترض على حكم ربك
مصطفى/وصلنه للثلاجه وادعي كون ماكو وكلما اكشف واحد اموت لحد ما جانت اللحظه الي كرهت حياتي الدنيا كله اليوم الاسود شفت حبيبتي لايربي جنه ملاك ادكول نايمه وكعت بالكاع حسيت روحي طلعت من جسمي ميمو بداعتي لاتعوفيني اموت بدونج كومي جهالنه بعدهم زغار ماشبعوا منج انت موكلتي مااتركك لخاطري كومي كولي جذب اني بعدني عايشه زين مولخاطري لخاطر جهالنه مايكدرون بدونج وللللللج كووووومي لاتعوفيني كوه حصلت عليج فتحت الغطه عنه فتحه بصدره واكوحروق هواي حتى طالعه الاحشاء لالالا فدوه اروحلج مواجيتي تزورين الكاظم ليش ياباب الحوائج اجتك تزورك ربي لوماخذني بمكانه ولاهي سحلوني من الغرفه كوه بعده فقدت ماحسيت على شي صحيت على اصوات يمي شفت اخوتي وامي واهل مها كمزت وين مها اكيد جنت احلم اباوع الكل يبجي دااسألكم وين مها حاجوني
محمد/بويه هذا امر ربك
مصطفى/شنو لاماتعوفني هاي روحي
ابومها/ابني الله يصبرك ويصبرنه
مصطفى/شصبر مااكدر بدونه اموت كعدت بالكاع ابجي وزيد حظني واخوت مها حظنوني ويبجون
الدكتور/لازم تخلصون اجرئات شهادة الوفاة
ابومها/اني رايح اسويه
مصطفى/نمت على رجل امي بالكاع ماتعوفني مها وعدتني مانتفارك
نوال/يمه اصبر حكم ربك لازم تصير قوي جهالك بحاجه الك
مصطفى/بس بحاجه لامهم مواليه ليش تركتهم موادكول احبهم وقطعه مني
زهرة/ولك يمه كوم لجهالك خليك سندهم خطيه بس انت الهم موهين عليه اشوف بنيتي ميته كبال عيني جانت عزيزه عندي وتخاف عليه من الهوى
مصطفى/كمت طلعت من الغرفه واني بس جسد يتحرك لان روحي ماتت كملنه الاجرائات وانطلقنه للنجف حفرت قبره بيدي ونزلته واني دموعي مانشفن ذبيت عليه التراب شلون راح تنام بحضن التراب وتفارك حظني بقيت حاظن ترابه ونايم ماقبلت اروح
محمد/كوم للبيت مايصير هيج تسوي
مصطفى/كل عقلكم اتركه هنا وحده بظلمه وهي تخاف
محمد/بويه لاتشلع كلبي
مصطفى/عوووفني ماارووووح اررريد ابقه يمه عجزوا مني وراحوا مرات انام احسه بحظني وتحاجيني جنت نايم شفته كاعده يمي اليوم الثالث بالقبر هاميمو ليش عفتيني ردت عليه اني وياك ابدماعوفك لاتبقى هنا روح اولدنه محتاجيك كلتله شلون اتركج مااكدر اعرفج تخافين بالظلمه ردت لاروح اني ماخايفه ومرتاحه هنا روح اولادنه بحاجتك فزيت ماكويمي مهامها وينج رجعت حظنت التراب بقيت للسابع اجواهلي جابوا الجهال حتى يقنعوني بيهم
نوال/يمه ماقرىت ترجع لبيتك
مصطفى/شلون ادخل البيت وهي ماكو لاظحكته لامشيته لاسوالفه
محمد/لاترجع لبيتنه روح لبيت زيد اكعديمه
زيد/اي صوفي تعال اليتنه احنه بيتنه جبير وطابقين اذا اتريد اخذ الطابق الفوك انت وجهالك والجوه اني ومرتي
مصطفى/ماادري
زيد/يلا يخوي كوم
مصطفى/حظنت قبره ميمو مثل ماكلتي راح اروح واربي جهالنه وانفذوصيتج بس انطيج وعد وكدام الله وكدام هذا الامام علي (عليه السلام ) وكدام اهلنه تحرم اي مره عليه ولااخلي وحده بمكانج
الكاتبه /هاي احداث صارت ب2014ولحدالان مصطفى على وعده ويربي جهاله وكلش تغير ضحكته راحت وملابسه كله سواد ولحيته عاليه والجكاره ماتفارك ايده وذكر مها مايفاركه ابد ويسولف لجهاله عنه وشلون تعرف عليه
ليان صايره نسخه عن مها وغاده تعتني بيهم ويه جهاله صارعده 2بنات إو ولد
القصه بلشت بكتابته مها والي كتب النهايه مصطفى مثل ماهي كالتله اعتقدانت راح تكمل نهايه الراويه
لهنا انتهت قصتنه نهايته حزينه وهواي انتهت قصتهم بهيج حدث الله يرحم شهدائنا شوف كم بيت يوميه ينفجع الله يصبر اهلهم
😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭
#ميمي_جوية 🦅
