الخاتم

الروايه كامله

الحكايه بدات من خاتم مجرد خاتم عادى جدا ولكن الخاتم ده عرفنى حاجات انا اتصدمت منها وحاجات مكنتش اعرفها خالص ولا اعرف انها موجوده اصلا و فعلا الخاتم ده عرفنى كل حاجه عايزه اعرفها اينعم فى حاجات زعلت لما عرفتها ولكن خلاص المهم انى عرفت كل حاجه وبس

فى حى سكنى متوسط كانت عايشه فيه بنت ولما كانت صغيره أهلها ماتوا فى حادث عربيه وكان عندها صاحبه وهى صحبتها المقربه هى معاها دايما وبتزرها وساعات بتبات معاها ودايما مع بعض وهى متعرفش حد غيرها

منار فى نفسها:هى هاجر مجتش لى النهارده المفروض ان ده المعاد الى بتيجى فيه انا هكلمها واشوفها فين
واتصلت بهاجر بس كان تليفونها مغلق وحست منار بلخوف على صحبتها غيرت هدومها وراحت لبيت صحبتها وعرفت انها تعبانه قعدت معاها شوايه وبعدها مشيت

منار:يارب اشفيها يارب طب انا هجيب حاجات ليا وبعدين هروح بقى اى ده البيت الحلو ده انا من ساعت ما جيت هنا وانا بشوف البيت ده بس اهلى كانوا رافضين انا حد يقرب منه معرفش ليه مع انه مش مرعب ولا حتى فيه عفاريت انا نفسى اعرف الى فى البيت ده فضولى هيموتنى بجد طب خليها وقت تانى خلينى اجيب الحاجات وبعدين اروح
راحت للسوبر ماركت واشترت كل الى هى عايزاه وخرجت ولكن قبلت

هشام:ازيك يا منار

منار:هشام انت جيت هنا امتى

هشام:انا نقلت هنا من فتره صغيره

منار:بجد وحصل مشاكل فى البيت التانى ولا حاجه

هشام:لا بس احنا مكناش مرتحين وجينا هنا وانتى اى الى جابك هنا

منار:يا دى حكايه طويله اوى هبقى احكيهالك بعدين انا همشى بقى علشان الوقت اتأخر باى

هشام:ماشى باى

رجعت منار لبيتها وجهزت العشاء

منار:اى الى جابك هنا يا هشام انا مصدقت بعدت علشان مشوفكش تانى مش قادره اشوفك وانا عارفه انك بتحب واحده تانيه غيرى كان نفسى تبقى معايا دلوقتى يا هاجر حاسه انى مش مرتاحه انا هقرأ شوايه قرآن وبعدين هنام

تانى يوم صحيت منار واستحمت وادت فريضتها وجهزت الفطار وكلمت صحبتها علشان تطمن عليها

منار:ازيك ياهاجر اخبارك اى دلوقتى

هاجر:الحمدلله بخير يا حبيبتى انا خمسه وهبقى عندك

منار:انتى تعبانه هتيجى ازاى خليكى ورايحى فى البيت

هاجر:انا بخير الحمدلله يلا سلام بقى علشان خلاص قربت اوصل

منار:ماشى وانا مستنياكى

واستنت منار لحد ما جت هاجر واستقبلها وقعدو يتكلمو مع بعض

هاجر:مالك يا منار شكلك متغير عن امبارح