رساله غفران

بارت 2

_ثــمَّ مـاذا ؟!
_ثـمَّ نَنفضُ غبـارَ الماضي ونـنهضُ بـعزمٍ؛ فـنحنُ لـمْ نـخلقْ لـننظرَ خَلْفنـَا.👌🤍

______________________________________

#زهراء الشمري
#رساله غفران

_من رخصتك عيوني ابو عمار جايك بطلب وما اضن راح تردني

_كول عيوني ابو سيف ميردك غير لسانك

_تسلم والله ابو عمار اني اليوم جايك ورايد. اطلب ايد بنتك ترانيم لابني سيف

_انصدمت من حجه هيج راسن رفعت راسي وفتحت عيني على وسعه لا لا مستحيل يمكن يسف اخر واحد افكر بي او لا مستحيل حتى افكر بي يارب دخيلك شراح يكول ابويه

_والله يا ابو سيف مارح الكه مثل سيف لبنتي ترانيم بس بالاول ولاخير القرار للبنيه

_اباوع على احمد صار احمر من العصبيه
باوعت البابه وكلت

_بابه اني رافضه..... الحمد الله...... كمت من الصينيه تحت انضار اهلي وبيت خالي وصلت يم الباب جان يحجي سيف

_اكيد عندج شي او عندج واحد لذالك مترديني مو صح

_انداريت اباوع عليه بصدمه وعلى بابه الي صفن على كلامه كلت..... اني اشرف منك ومن غيرك عمري كله منزلت راس اهلي ولا راح اسويه اذا مو عمودهم فاني اخاف من ربي فمستحيل اسويه ولو تبقه انت الوحيد مارح اوافق عليك

_ ليش بله متواففين عليه شنو الناقصني

_هه اوافق عليك لا وبكل عين صلفه تجي وتخطبني وكل العالم تعرف انت شنو واخلاقك شنو ومن غير ملاهي مالتك وشربك وابو نسوان برائيك ليش رفضتك

_ما احس غير راجدي اجه من عمار وكال.... انجبي حقيره امشي اصعدي فوك حسابج يمي اله اكسر هذه خشمج الشايلته علينه

_صعدت فوك واني ابجي ضليت ابجي الى ان سمعت يتسالمون ويطلعون

راسن رحت قفلت باب غرفتي عليه لان اعرف ما راح اطلع منه سلامات وفعلا وره دقايق اسمع الباب تندك بكل قوته وصوت بابه وعمار يتوعدولي

واحمد يهدا بيهم الى ان دفع عمار الباب كسره وفات شافني كاعده بزاويه وابجي اجه عليه وضربني راشدي وكمت ما اعرف الضرب منين يجي عليه التموا عليه هو وبابه

واسمع امي تغلط عليه واحمد يحاول يوخرهم عني بس ميكدر لان هم ثنين وهو واحد

انتهيت من الضرب وقبل لا اغمض عيني اسمع عمار يكول

_هاي الكلبه يوم الخميس خطوبته يابه كول الخالي يوم الخميس خلي يجون هي مشيه وهيه عقد

_اهنا انتهيت وغمضت عيني وبعد محسيت بشي... كعدت بعد فتره مدري شكد شفت نفسي على جربايه وكمادات على كصتي (جبهتي) باوع على ساعه جانت ١١ليلا