حب بعد الزواج

35

لين. راح اموت يا ربي
علاء. اششش ماكو شي هسه نروح للمستشفى
لين. بصياح يلااا نروح بسرعه بعد ما اتحمل
علاء. ماشي ماشي يلا تكدرين تمشين
لين. كمت اصيح لك ساعدني امشي هوه ضل صافن بوجهي
علاء.يلا يلا اجيت
لين. اخذني للسياره وصاح لعمتي ورحنه الالم جان فضيع كلش كلش دخلت غرفه الولاده وبعد 3 ساعات من المعانات واخيراً ولدت ملاكي والحمد الله بدون عمليه ههه بنتي جانت مستعجله علا الجيه صحتهة زينه بس لازم تضل بلخدج لفتره
عمتي. علاء يمه ولدت لين
علاء. الحمد الله شلونهة زينه
ام علاء. اي زينه والبنيه هم زينه يمه شراح تسميهة
علاء. ما ادري بعدنه ما حددنه الاسم
ام علاء. اختار الاسم وطلع شهاده الولاده
علاء. ماشي ما اكدر ادخل اشوف لين
ام علاء. الصاله خاصه للنساء ممنوع الدخول ما تكدر انتظر شوي صحيح علاء الطفله لازم تضل بلخدج كم يوم لأن صارت ولادتهة مبكره
علاء. اي خليهة اصلن رادت الدكتوره تكويلهة عمليه بس الحمد الله ولدت طبيعي

لين. كعدت شوي بلغرفه وجابو بنتي من شفتهة والله حته الالم نسيه شوي واخذتهة الممرضى
ام علاء. يلا يمه نروح للبيت
لين. شلون اروح وعوف بنتي هنااا
ام علاء. كل يوم نجي صبح والعصر ويمته ما تردين
لين. خاف يبدلونهة
ام علاء. هههه والله عليج سوالف شي بدلون بعد شفناها وثانياً احنه بيا زمن وبدلون الاطفال 😂
لين. هاااا عمه ساعديني امشي
ام علاء. يلاا علاء منتظرنه خارج الردهة
لين. هااا جنت امشي بطيى كلش من طلعنه شافني علاء واجه بسرعه باسني كدام الناس 😚 خجلني الغبي.وخر شجاي تسوي
علاء. الحمد الله علا سلامتج شلونج
لين. زينه يلا وصلني ما بيه اضل واكفه هواي
علاء. يلا يلا
لين. ضل لازم ايدي ويمشيني عمتي سبقتنه للسياره لأن خطيه تعبت هواي وهيه مره جبيره
علاء. لولو شنو نسمي بتنه
لين. لولو لا صدك مبين بسرعه تنسه
علاء. اريد انسه كلشي ونبلش من هسه حياه جديده من البدايه
لين. انته تكدر تنسه اني ما اكدر
علاء. لين الله يخليج خلينه ننسه كلشي ونبدي من جديد
لين. لا علاء لا اني اريد اطلك منك
علاء. كتلج طلاك ماكو انتي الي مالتي ما مسموحلح تخرجين من بيتي او من عائلتي انتي الي وانه الج
لين. منو كال انته الي هااا الحد الان شاركتني بيك 2
علاء. لين اسف والله اسف سامحيني واوعدج ما راح تشوفين شي مو زين مني لا تهلينه كل واحد بمكان وتكون بتنه الضحيه
لين. ليش ما فكرت بهاي الامور سابقاً
علاء. هسه مو وكت هاذه الحجي خلي من نوصل للبيت هسه نرجع لموضوعنه شنو نسمي البنوته
لين. امممم اريد اسم اماني
علاء. شنو منين جبتي هاذه 😒
لين. من راسي منين جبته
علاء. لا
لين. اريده
علاء. لا يعني لا شنو هاذه هم اسم بلا بربج
لين. هاااا اممم لعد نسمي ياقوت
علاء. بللاه عليج شنو هاذه منين جاي اطلعين هذن صدك جذب
لين. لعد شنو يعجب جنابك
علاء. انسميهة استبرق
لين. لا والله
علاء. لعد شمس
لين. لا قمر شنو هاذه
علاء. يلا صعدي
لين. صعدت كوه وعلاء هم جان يساعدني
ام علاء. خااا ختاريتو اسم
علاء. لا يمه اسماء كلهة مدري شكول عليهن ههه
لين. عمه شنو رائيج باسم فاطمه
ام علاء. حلو
علاء. هااااا راح تسمينه
لين . نسميهة علا ام الحسنين عليها السلام 
علاء. ما عندي مانع
ام علاء. تتربه بهزكم
لين علاء. مشكوره
لين. رجعنه البيت عمتي راحت ترتاح اني رحت للغرفه تمددت شوي ودخل علاء بيده صينيه اكل
علاء. يلا اكعدي اكلي اليوم خسرتي طاقه ودم هواي
لين. اول شي صاير قليل ادب ثانياً ما اكدر اكعد
علاء. وين قله الادب بكلامي
لين. ما بيه اتجادل وياك
علاء. صدك ذكرتيني مساع شبيج وياي نزلتي عليه صايح ولا كانو زلمه مشورب كبالج
لين. الي سويته بيك شوي الممرضات مسحت بيهن الميز من الحجي
علاء. خل اخابر ريمووو
لين. انطيني جهازي
علاء. لماذه
لين. اووف اريد ان اكلم اهلي اني ولدت اكو مانع يا استاذ
علاء. هههه والله حلوه الفصحه
لين. يلا
علاء. اكلي اول
لين. العصر اريد اروح اشوف بنتي
علاء. ماشي اني اريد اشوفهة
لين. ماشي ماشي
علاء. لين صافينه مو
لين. لا
علاء. ليش
لين. انته السبب
علاء. شلون انتحر ياله ترتاحين
لين. ما دخلني بيك اني بس خل اتعافه اخذ بنتي واروح وارقع قضيه خلع
علاء. لين ليين  انتي ليش جاي تحجين هيج ليش تردين ادمرين مستقبلج مستقبلي ومستقبل الجاهله وياج لين  الطلاك مو حل خل نتفاهم اول انطبني فرصه ثانيه
لين. نطيتك هواي بس انته ما تغيرات صرت اسوء
علاء. الله يخليج لين لا ادمرين حياتنه
لين. صرت اني الادمر حياتكم الله الله لك حالتي هسه وحالت بنتي بسببك منو دمر حياه الثاني هااا
علاء.كتلج غلطت وعترفت بغلطي اني مو معصوم لين فهميني اذا اجه واحد ويكول اني حبيب مرتك شتردين مني اخذه بلحضان وكله تفضل
لين. لا بس علا الاقل افتهم مني اسئلني قبل ما تتصرف مثل المخبل الي سويته يدل علا انو ما عندك ثقه بيه ابد وغير هاذه نزل عليه غلط وعلا والدي
علاء. اسف منج ومن عمي وبعد ما تتكرر وعد
لين. فات الاوان علا هاذه الكلام حسمت الامر اني بعد ما اريدك علاء انته صرت جلاد مو انسان لحد الان منظرك كدم عيني وانته تشوفني جاي اموت من الوجع وانته ما مهتم وتضحك شلون انسة هاذه هااا كلي
علاء. كتلج اسف غير الاسف ما عندي بس ارجع وكلج ما جنت بوكيي صدكيني فقدت السيطره علا نفسي بهديج الحظه اني احبج واريدج الي اريدج تبقين وياي اريدج وياي بكل حالاتي حزني فرحي عصبيتي عفويتي بكل الامور اريدج وياي ما اريد احد غيرج انتي تحملتيني هواي ولو وحده غيرج جان حجت كلشي من اول يوم النه ولحد الان بس انتي ما طلع منج شي ولا كلمه حته بس لختي وهاي من حقج لأن الكتم علا هيج امر وتحمله لوحدج مو سهل لين اني ما اريد افقدج لو اطلعين من حياتي انتي صرتي عمود اساسي بحياتي اذا رحتي راح انهار والله
لين. اهااا وين جنت عن هاذه الحجي هاااا وين
علاء. ما جنت اعرف قيمه العندي بس لمه افكر راح اخسره ما اعرف شنو جاي احس شعور لا يوصف لذالك خل نبدي صفحه جديده بدون مشكال هاااا توافقين
لين. اسمع علاء اسمعني زين وركز وياي اوكي اني ما راح اسامحك ابد وحياتك وعمودك خل ينهد ما يهمني تمام شفت علااء نزل راسه اي واسمع الباقي وما ذالك اني ما راح اعوفك لئن احبك وما اكدر ابتعد عنك .رفع عيونه علي جان مدمعات
علاء. بفرح صدك لين ههه
لين. اجه عليه اخخخ وخر عني
علاء. اسف اسف بس ما جاي اصدك والله هههه لين
لين. اسمع لو ما انه احبك ما بقين وياك لحد االان وثاني لا تكرر الي سويته وياي لأن يجوز المره الخ تخسرني نهائي
علاء. ماشي ماشي لا ابد ما اكرر اي شي لا تخافين
لين. شبكني قوي وباسني علا شفتي عده بوسات اخخ ابتعد عني جاي اتالم
علاء. ماشي لج والله فرحان
لين. ههه منضره جان ما ادري شكول يفرح مدري يضحك مدري يبجي ما اعرف شنو تكول عنه علاء انسان بسيط وعفوي. ويصدك بسرعه والي حواله من اسيل او عبير استغلنه وهوه مو من النوع الي يكدر يعرف نوايه هيج نسااء ولا عنده خبره بلنساء ولوالفهن لذالك انطلت عليه خديعتهن. المهم بعد مرور شهرين الحمد الله بنتي رجعت الحضني من زمان وصحتهة جيده الحمد الله ورجعت لغرفتي وسويت الغرفه مالت علاء للطفال وقررنه نسوي طابق ثاني للبيت وعلاء ابد ما يعوفني او يعوف شوشو بنته ههه صار انسان ثاني تماماً مو علاء الي تزوجته اول بدايه لا تغير صار واعي ويعرف الي حواليه شنو من اناس الحمد الله علا انو جان نهايتي ويه علاء حلوه وتختمت بحبي اله وحبه الي ما عده جان زواجنه منهار تماماَ بس الله تاتبه الي واني اله
وبمرور الزمن اخوي رائد تزوج وسعد صار عنده توئم
ريم جابت ولد وحالياً حامل مره الخ 😂
سليم علاقته تحسنت ويه علاء صارو اصدقاء جدا ويجون لبيتنه هوه وحنين واحنه نروحلهم

امه احنه حالياً بهاي السنه جاي ننتظر المولود الثالث النه 😂 ادعولي اكوم بسلامه
وشكرا لكل من قرء قصتي
هاذي كانت قصه بنت تزوجت زواج تقليدي فوقعت بحب زوجها رغم الاذه الذي احدثه لها

نصيحه لكل بنيه حسب تحربتي اني وقصتي مو دائمن الزواج التقليدي صحيح ولا كل زواج عن حب صحيح اذا ارتي ان ترتبطين بانسان اول اعرفي شوفي اني ما شفت ولا عرفت علاء لاكن الحمد الله جان انسان ما تكول دللني بلبدايه بس بعدين عوضني خلي ختيارج صح والشخص الصح وشكرا
الكم وشكرا ل نور محمد لئن قبلت بنشر القصه مع تصحيح بعد الاحداثيات

نور محمد الكاتبه
راح ابدي بكتابه القصه الي تركتهة صار فتره
رحله علا الحرب ارجو دعمكم لقصصي
شكرا من القلب
احبكــــــ💘ـــــــم