لين. شلون قبلت تجي عليه اذكر جنت رافض حته تشوفني
سليم. كلالي سعد اروح عليج ولو اني زعلان منج كلش
لين. انسه الي صار خلينه نكون اصدقاء
سليم. تمام صديقتي
لين. بس لا تحجي لاحد خاف يحجون عليك او عليه
سليم. مثل ما تردين
قبل اربع سنوات
جان عمري 14 سنه اني اروح لبيت جيرانه يم بناتهم صارت مصادفه اكثر من مره ومواقف بيني وبين سليم جان عمره بذاك الوقت 20 سنه جنت كلش اكرها لئن ما يخلي خواته يجن لبيتنه واذا يجن يجي عليهن ياخذهن بسرعه واني اروح عادي واضل المهم من بعد كره شديد حبينه بعض بلنسبه اله حبيته بجنون وما حجيت الي احد ابد حته خواتي صح احجيلهن كلشي بس بهاي الامور ما يقبلن ابد وخاصه جنت صغيره لذالك ما حجيت صديقه طفولتي ورفيقه دربي حنين للاسف جانت تحبه وقبل لا يرتبط بيه جانو مرتبطين انه ما عندي فكره عن الموضوع صح كلالي جان يحب وحده بس ما كالي منو المهم اني كلت لحنين عن سليم هيه ضلت تصيح عليهة وتسب وتشتم اني تركتهة ورحت ومر اسبوع ما حجيت لا ويا ولا وياها بدون علمي اجه يخطبني من خواني اتصلت عليه حنين فكرت راح تفرحلي تتأسف علا الي سوته وياي بس خاب ضني بيهة كالتلي خطفتي مني وخطبج الله لا يوفقج ومن هلحجي لحظتهة كرهت سليم وحنين وكرهت حته روحي رفظته اخوي كال ليش كتله بعدني صغيره ما اريد اتزوج هسه ما ضقطو عليه بليل من عرف جوابي ضل يتصل هواي اني ما ارد حظرت رقمه ضل يجيلي من ارقام ثانيه فضطريت اغير رقمي وما كمت اطلع واهملت صديقاتي وقطعت علاقتي بلعالم الي خارج البيت مالتنه وصرت منعزله جدا مرت السنتين وثلاثه سمعت زواجه هوه وحنين نقهرت وفرحت بنفس الوقت اجت اخته عزمتني بس ما رحت ما اتحمل اشوفه يتزوج يعني ما اعرف شنو ممكن يصير بيه لذالك ما رحت ضليت بلبيت كضيتهة بس بجي وبمرور الوقت تجاوزت الموضوع
نرجع للواقع
سليم. لين زوجج يعرف بيه
لين. شنو اكيد لا اذا اعرف ما ادري شنو ممكن يسوي علاء خطير واذا عصب الله يستر منه خبل
سليم. شمسويلج وهلكد تخافين منه
لين. لان اعرفه واعرف تصرفاته علاء شخصيته نرجسي متملك لذالك ما احجيله اي شي عني
سليم. هاااا تمام وصلنه
لين. وانه انزل .شكرا سليم
سليم. العفو بس تعاي لبيتنه
لين. خاف حنين ما ترحب بيه
سليم. لا ترحب اكيد مرت سنوات وانتي تزوجتي اعتقد ما ضل شي يستاهل الزعل وثانيا انتي اخت زوج اختي قصبن عليه تجين
لين. الله كريم يمكن نجي اني واسماء باجر ما اعرف
سليم. هلا بيج ابي وقت
لين. شكرا سلام
سليم. الله وياج
لين. راح واني دخلت لبيت اهلي سلمت علا البنات كعدت يم امي ونمت شوي علا رجليهة
بليل سوينه عشه تعشينه وغسلنه المواعين وكعدنه كلنه بلستقبال ضلينه نسولف سئلني سعد ليش تعاركنه امس وعلا شنو ضربني
لين. كالي رجعي للبيت ويه مرته الثانيه واني ما قبلت
سعد. بس هيج
لين. من ما قبلت ضل يحجي عليه المن ضاله هنا فشلتيني ومن هلحجي كتله اني من الاول كتلك ما اضل وياها وهوه عصب وضربني
سعد. هاااا انتي تردينه
لين. سعد اني الي اريده ابني ما يعيش بدون ابو واذا عليه فأني ما اريده بس اصبر واذا ما نفع اطلك احسن
ام لين. ضربج قوي
لين. يعني مو كلش
رائد. بلنسبه اله خاي اخر مره اعوفج هناك اذا مد ايده عليج مره الثانيه اتعامل بلمثل
لين. لا ما تصير مره الثانيه انشاء الله ما اريدكم تحتكون ويا
سعد. لين تره خوانج يعجبونج
لين. الله يخليكم
ساره. طلع نسيبي ثور مضلع الشكل
والكل. هههههه بدلنه الموضوع وضلينه سهرانين 12
بعدهة نمنه ومر اسبوع عادي ماكو شي يذكر سهى وليلى راحن بقينه اني وساره اقترحت نروح وره العشه لبيت اهل اسماء امي وافقت واسمااء طالت من الفرح وساره ما عترضت سوينه عشه من وكت تعشينه جهزت نفسي خليت ميكاب خفيف حلو
ولبست هاذ
أنت تقرأ
حب بعد الزواج
Randomالقصه حقيقيه تحكي عن بنت تتزوج زواج تقليني من شاب ما يحبها ويحب بنت اخره متزوجه من شاب اخر فيحصل بينهم اتفاق لمده محدوده فلي هاذه المده كفيله بئن تجعل قلبه يحبها ام لا ارجو الستمتاع بلقصه ولا تنسوني بلدعم
