حب بعد الزواج

البارت 1

بدت القصتي من ام محمد الاربعاء الصبح ام لين كومي اليوم راح تجي ام محمد
لين. ليش شنو تريد جايه علا شنو طبعن اني ما احبه لئن بس هيه يكلولهة دلاله يعني تعرف واحد بواحد ويتزوجون وما تجي علا الخالي يمه اني ما عليه واذا اجت مدخلني ام لين. كومي عيب من المره
لين. امري الله كمت قسلت وتريكت وبدلت طبعن خواني 2 بعدهم ما متزوجين نضل الصبح بس اني ولوالده خواني بلشغل واني تاركه الدراسه كلش ما احبهة المهم رحت لغرفتي احجي ويه خواتي طبعن ليلى اختي القرب علا كلبي كلشي احجيلهة وساره همين بس مو هواي اختي الثالثه بما هيه الكبيره بينه فاني وياها مو هلكد
ليلى.شلونج شو ماكو امس اراسلج ما تردين
لين.اي ما بيه تعبت ونمت محسيت علا شي
ليلى.هااا ماشي امي شلونها
لين.ولج امج راح يجيلهة ابليس
ليلى.ههه ومنو ابليس هاذه
لين. الطيرج وطير ساره ههه
ليلى. بس لا
لين.اي اي
ليلى.ولج لعد والله ما تعوفج
لين. اي هيه هاي المشكله
ليلى.يلا خل نفرح بيج عادي ضجنه كلش نريد اعراس
لين. اي تردين اعراس وانه شنو ذنبي اذا طلع احول هههههه
ليلى. ههه احسن علمود اذا راد يخونج واطلعين انتي الخاينج وياج
لين.ههه ولج ليش هيج تحجين عليه خطيه
ليلى.بدينه من هسه ندافعله
لين
غير دودي
ليلى. امداج وامده دودج هه
لين. يلا راح اروح اني خاف تجي ام ابليس
ليلى. هههه عود شنو يصير كليلي ماشي اذا احول ههه
لين.ماشي ماشي باي
ليلى. بايات
لين. رحت سبحت وبدلت ونزلت سويت ماي وجهزت العصير وكيكه ضيافه
ام لين. هااا يمه كملتي
لين. اي كملت يمه
ام لين .راح تجي وياها مره ثانيه حسبي حسابهة وياج
لين. ماشي يمه من عيوني
ام لين.عفيه بنيتي
لين.يمه تره اني خايفه من هاي بنيتي احس اكو شي وراها
ام لين. ماكو شي شنو اكو
لين
هااااا بس ما مطمنه الكم ابد
ام لين. روحي اجت ام محمد
لين.ماشي دخلتهم للصالون ودينه لضيافه عزه وياهم بنيه محد حجه صبيتلهم همين امي صاحتلي ورحت كعدت يمهم
ام علاء.هلا يمه تكدي يمي تعاي شنو اسمج
لين. خاله اسمي لين
ام علاء.يمه شلون اسم شكد عمرج انتي
لين. 18 سنه
ام علاء. الله يطول عمرج حبيبتي انتي ادرسين
لين.لا ما ادرس تاركه ابالي حجيه امي كلتلج كلشي ليش ترجعين اسئلين واني ميته خجل اريد اخلص واروح
ام علاء. يلااااا ليش تاركه
لين.خاله اني ما احب المدرسه
ام علاء. هههه اخ منجن انتن حته بنتي طلعت من المدرسه وليش كالت ما احبهة ولكل ههه
لين. اني ردت اطلع لئن كلش استحيت منهن واول مره اطلع لوادم كمت ترخصت وطلعت
ام علاء. اني هاي البنيه كلش عجبتني وحبيته
ام لين. حبتج العافيه اي هيه بس هاي ضلتلي
ام علاء. ونشاء الله تصير من قسمت ابني
ام لين.الله كريم البي نصيب يقدمه الله
ام علاء.ابني عمري 30 وهوه بلجيش وعنده بيتهة لوحده واسمه علاء وانشاء الله من تشورين البنيه وخوانهة اتصلي عليه هاذه رقمي 0771..........
ام لين.انشاء الله

لين.يمه كلبي هاي شلون شعور يموت حته الموت احسن دخيلك ربي ضلن يسولفن وتالي راحن
ام لين.لين تعاي
لين .هااا يمه شنو
ام لين.هه يمه كبرتي وراح تتزوجين وشوفج عروس يمه ام الولد حبتج ورايدتج
لين.هه يمه حبتني روايدتني ليش هيه راح تتزوجني
ام لين.ههه بطلي من هاي سوالفج اذا الام رادت البنيه معناته الولد قابل
لين.يمه هسه انه ما يهمني كليلي خاف هاذه مريض لو احول
ام لين.اسم الله شبيج تفاولين الولد اسمه علاء وبلجيش وعنده بيت لوحده يم اهله وعمره يمكن خاله لو 25 لو 26
لين.يمه علاء ايصير زوجي اصلن هاذه الاسم ما احبه وبلجيش علمود يموت واترمل وانه اباول شبابي وشنو عمري 25 بعد هاذه بيبي ادري اربي اربي نفسي يمه كايلهم ما تريده وسدي الموضوع
ام لين. سكتي ما تريده هسه شوفي واذا ما عجبج رفضي
لين.هيج رائيج
ام لين.اي يمه يلا بعد شكم ساعه ويجيون خوانج خل نسوي غده
لين.ماشي طبهنه اني ولوالده وكملنه وره ساعتين اجو خواني صبينه غده وخلصنه اخذت المواعين قسلتهم ورحت لغرفتي امي حجت ويه خواني كالو هلا بيهم بس شوفيه قابله لو لا امي كالت قابله وحجيت ويه خواتي علا كروبنه وخواتي يصنفن عليه وشي احول وشي عسكري وحجن هواي خلصت منهن ونمت كعدتني امي صليت وسوينه عشه ورجعت راسلت خواتي شوي تركتهن ضليت تابع مسلسل علا اليوتيوب صارت 12 ونمت مرت يومين عادي ماكو شي اليوم الثالث صادف سبت دكت ام محمد علا امي كالت اليوم العصر راح تجي ام علاء وبنهة علمود يشوف لين وخوانهة موجودين ماشي
ام لين.يمه لين تعاي شوي
لين.جيت جيت بس دقيقه هااا يمه شنو تردين
ام لين.يمه اليوم راح تجي ام علاء وابنهة
لين.يا ام علاء ما اعرفتها من تكون
ام لين.يمه شبيج المره الجت خطبتج
لين. من سمعت راح يجي كلبي رعش اخاف اني يمه جا ليش يجي هوه
ام لين.يمه شبيج غير يشوفج
لين.وهاي يمته اسم الله
ام لين.اليوم العصر علا فرغه خوانج
لين.يمه كلبي ليش يمه ليش مو مستعجلين غير ويكولون قبل يومين
ام لين.بدلي وبلا دلع وجهزي نفسج وجهزي ضيافه
لين. ماشي ماشي ماشي هسه شلون اطلع يم رجال ما اعرفه الزواج التقليدي يموت البنيه بمكانهة خل اروح اكول الخواتي واخذ منهن معلومات لا اخربط الدنيه
حجيت وياهم ورفعن معنوياتي شوي
العصر 3 سبحت وبدلت ولبست هاذه احب هيج استايل

صارت 4 اجو الولد دخل ويه خواني وام علاء وام محمد وامي بلصالون طبعن اني ميته خوف علا خجل علا مشاعر مبعثره ما اعرف اوصف شعوري طبعن الي ماره بهاذه الموقف تعرف مشاعري حاليا المهم اجه اخوي سعد كال راح يجي الولد للعلم بلبصره يجي الولد يشوف البنيه ويطلع بسرعه لا يكعد ولا اي شي المهم صاحتلي امي وكفت يمهة كلش بحيث ما ابين
ام لين. بهمس يمه اطلعي شوي لا يدخل الولد وشيشوف منج هاا علساس اني قويه واثقه من نفسج وين ثقتج
لين.يمه يا ثقه حاليا كبالج صرصار يخاف ينكتل
ام لين.ههه اولج اطلعي عني شوي لا اروح وعوفج
لين.ماشي ماشي بس لا تروحين دخل الولد واني اشوف جمال يمه سبحان لمصوره بس مخليت احد ينتبه عليه ابد ومشفته باوعلي كلت يمكن خجلان مني هماتين المهم وره شوي طلع راحت امه يمه لئن ما تريد اطول السالفه واجت كالت موافق اني بصراحه نصدمت كلت معقوله هاذه راح يكول زوجي بس ما ادري الراح ينتضرني
اجت. امه يمي
ام علاء. يمه بنيتي ابني قبل وانتي موافقه عليه
لين.هوه اني ميته من الخوف وبطني كمت توجعني واجت ام علاء بسؤالهة زودتهة عليه كتلهة اذا خواني موافقين اني موافقه ما اطلع عن شور خواني
ام لين.يمه شورج انتي شنو
لين. يمه مثل ما كتلج
ام علاء. خيه روحي شوفي وخوانهة شنو راهم
ام لين. انشاء الله خيه
لين.طبعن احنه سائلين عليه وماكو شي محلو عنه
ام لين. خوانهة موافقين
ام علاء. يااا يمه لين هسه انتي موافقه
لين. موافقه بلكوه طلعت 😂 وشتغل الهلاهل وحددو موعد يجون الزلم يوم الاثنين ..........

شنو تتوقعون راح يصير

وراح تمشي الموضوع بلساهل

وهل علاء مقتنع بهاذه الزواج اصلن

اتركم تتوقعون انتم وكتبولي للتعليقات

طبعن اسفه اذا اكو اخطاء املائيه

💕💕💕💕💕💕