𝐒𝐩𝐫𝐢𝐧𝐠'𝐬 𝐒𝐮𝐧𝐬𝐞𝐭

𝘿𝙪𝙚

Please don't be in love with someone else
Please don't have somebody waiting on you

-Enchanted

Song by Taylor swift

•••

"စာလာတယ်"

အိမ်ရှေ့တံခါးဝမှ တိုးဝှေ့လာသည့် အဆိုပြုသံအချိို့။အီသန် ဖောင်တိန်အား ရေးလက်စအနက်ရောင်စာသားတို့ တည်ရှိရာ ဖြူလွှလွှ စာရွက်ပြင်ပေါ်သို့ ချလိုက်သည်။ အိမ်ရှေ့ဘက်သို့ လျှောက်သွားကာ စာပို့သမားထံမှ စာတစ်စောင်အား လက်ခံယူလိုက်သည်။

တရွေ့ရွေ့ မောင်းနှင်ထွက်သွားသည့် စာပို့သမား၏ စက်ဘီးနောက် ဖြူလွှလွှ စာအိတ်အား စပ်စေ့စေ့ကြည့်လိုက်သည့်အခါ။

' To
Ethan Lee '

ဆိုသည့် စာကြောင်းတို့က သပ်သပ်ရပ်ရပ် နေရာယူလို့။ သူမျက်ခုံးများ စုကြုံ့မိကာ မကြာသေးခင်မှ ထိုင်နေခဲ့သည့် သစ်ပင်ခပ်မြင့်မြင့် အောက်ရှိသစ်သားရောင် စားပွဲအနားမှ ထိုင်ခုံပေါ်သို့ ခပ်သာသာ ထိုင်ချလိုက်သည်။

စာအိတ်အား ဖောက်ကာ ခေါက်ထပ်ထားသည့် ဖြူလွှလွှ စာရွက်ငယ်အား ဖြန့်ကြည့်ပြီးသည့်နောက် ခပ်ညီညီ လက်ရေးတွေ၏ အဆုံး၌ကား ' From Hazel ' ဆိုသည့် စာရေးသူ၏ အမည်နာမတစ်ခု။

အီသန် စုတ်တစ်ချက်သတ်လိုက်ကာ စာရွက်အား လုံးချေလို့ ခြေထောက်နားမှ အမှိုက်ခြင်းထဲသို့ ပစ်ထည့်လိုက်သည်။ ထို့နောက် ကျောပြင်မယ် ထိတွေ့နေသည့် ထိုင်ခုံပေါ် ခေါင်းထိလိုက်ကာဖြင့် ပြာလဲ့လဲ့ ကောင်းကင်ယံအား ခပ်စေ့စေ့စိုက်ကြည့်လိုက်သည်။ တစ်ချက် လေးပင်စွာ ပင့်သက်ရှိုက်မိခဲ့သည်ထင်။

ဖြတ်တိုက်သွားတဲ့ လေပြေခပ်နွေးနွေးကား စိတ်အစုံကို အေးချမ်းမှု တစ်စွန်းတစ်စ မျှမပေးနိုင်ခဲ့ပါပေ။ သို့သော် မြင်ကွင်းထဲ အပြည့်အဝ နေရာယူထားသည့် ပြာလဲ့လဲ့ ကောင်းကင်ပြင်ကိုသာ အတန်ကြာ ငေးစိုက်ကြည့်ပြီးနောက် သူ့မျက်ခွံတွေဟာ လေးလံလာခဲ့သည်။

မှိတ်ချလိုက်တဲ့ မျက်လုံးတွေနောက် သူ့စိတ်အစုံကား အိပ်မက်ကမ္ဘာထဲ ဆွဲခေါ်ခြင်းခံလိုက်ရပြီ။ တိုးဝှေ့လာတဲ့ လေပြေခပ်အေးအေးကြောင့် သစ်ရွက်ခတ်သံတို့မှာ ဆူညံ့နေတဲ့အခိုက် အီသန် မျက်လုံးများ ဖွင့်ဟလိုက်သည်။