بسم الله الرحمن الرحيم
لا اله الا الله
الحمد لله
الله أكبر
استغفر الله
لاحول ولا قوة الا بالله
-
(-عند سعود-)
بعد ماجلسنا من مطاردة ذولا الكلاب بعد مافجعونا عمي محمد ماسك نواف من اذنه
عمي محمد :قلنا بيكبرون ويعقلون بس كل ماكبرتو انهبلتو
نواف:اي يبه تكفى فك اذني وربي يوجع
وطالعت في عمي سعيد وهو ماسك دحوم اذنه بقوة وقد حمرت بدون كلام
طالعت في ابوي وهو ماسك أياد من شعره وقاعد يرش عليه مويه عشان يغسله
ونادر قاعد يحاول في عمي احمد انه يرجع جواله لأنه عاقبه بسحبه
ثاير :ذولا المهبل متى يعقلون
سعود :مارح يعقلون مستحيل اصلا ههههههههههه
ثاير :ههههه جد اذكر يوم كانو صغار ومسكهم عمي سعيد زي مايمسكنا ويجلدنا كنا كل مابتسوي غلط نذكر ألم الضرب وهم عادي ياكلون الضرب ويكررون الغلط ههههه
سكت شوي الا اشوف بنت جايه لعندنا وواضح متوتره نادت بصوت شوي
البنت :جدي سلطان
هذا صوت لجين حطيت عيني عليها من ماذيها ليه هي متوتره هي تعبانه حسيت بيد ثاير على كتفي
ثاير :مابه الا العافيه اهداء
سكت وشفت جدي ضرب عصاه بالارض وصار وش الي خله يعصب كذا انتظرنا لجين راحت لجين وشفت جدي معصب
جدي :ياولد قومو لفو العفش يلا
استغربنا وطالعنا لابوي وعماني حنا العيال بدون اي كلام بدينا نلف العفش
الجد رعد:ليه ياخوك بنورح الحين
جدي سلطان:ناصر تعب شوي وبنروح الحين عشان لا يمرض زود
استغربت مستحيل يكون هذا الي خلاء جدي يعصب طالعت بالعيال ولقيتهم نفس وجهي بس كملنا الا اشوف امي طلعت وهي معصبه وركبت اشرت لاياد يركب مع الباقي وأنا بروح مع امي وابوي وريم ركبنا
سعود :آش صار
بصوت هادئ عشان امي ماتسمع
ريم :بعدين بقولك
سكت ووصلنا بس قبل نوصل شفنا حول بيتنا اكثر من سبع سيارت وناس متجمهره
سعود :خلكم بسيارة لاتطلعون كل البنات مانزلو واحنا نزلنا ووقفنا ورى جدي وعماني احس بشي مو زين راح يصير
ألف علينا شايب وهو يصارخ
الشايب :الحين ياسلطان تطلع حفيدتي لجين
وش يطلعها حسيت نفسي تصدنمت او انكب علي. مويه بارده من ذول
الجد سلطان:تخسى وتهبى مالكم عندنا بنات ذي
بنتنا بعد سود وجه ولدكم ياعديمن المرجله يا غياث
كلام جدي كان فيه غبنه وقهر على عمتي رزان
غياث :والله ان ماطلعتها هالحين لاجركم من محكمه لمحكمه
اول ماقال كذا كلنا فزينا به
صقر :قلنا مالكم عندنا بنات وان تبونها محاكم ترى علم ولدكم يوديكم ورى الشمس
غياث :ان حكو الكبار تسكت انت وحنا أهل ابوها أحق بها منكم
احس بنجن يطاول على ابوي
سعود :احترم شنبك لاخليه لك كفن
دخل واحد مفتول بعمرنا قدام جده
الرجال :ياجدي استهدي بالله ضغطك بيرتفع احنا بنتفاهم معهم
بعدها طالع فينا كلنا بستصغار
الرجال :أبعد انت عن وجهي مالي كلام الا مع الشايب سلطان
صكيت على سنوني من العصبيه وتقدمت له وكان طولها قريب لطولي وخليت انفي يضرب بانفه
سعود :مالكم بنت ع ن دن ا فهمتها ولا اجمعها لك ياشاطر
الرجال :لا تتكلم معي كذا ترني مسفر ولد م*******فارس على راس قومي
مقرن :فارس قومك تتفرس عليهم مو عندنا
مسفر :مابحط عقلي بعقل أطفال عطونا بنتنا وخلونا نتوكل
يوم قال كذا عصبت وشديته من حنكه
سعود :قالنا مالكم عندنا بنات توكل لاخليكم تطلعون جثث
سمعت صوتها تبكي تقطع قلبي عليها والله محد ياخذها
غياث وهو يفك مسفر من يدي
غياث:أبعد ياعديم الرجوله
ثابت:تعلمنها من ولدكم الخسيس الي يضرب مره
دخلو فينا ثلاث رجال اجسامهم ماهي مزحه بس حتى حن صفينا عليهم واحنا اكثر منهم كنت ماسك مسفر
سعود :تطلعون من هنا عشان ماتكثلكم امهاتكم
مسفر :محنا طالعين بدون لجين
كيف ينطق اسمها ابن السته والستين كلب
سعود :لا تجيب اسمها على لسانك يا**********
ماحسيت الا وفي ناس قاعد تبعدني عنه
صقر :سعود خلاص أبعد عنه بس ماتركته وصرت اخنقه بس حسيت بصوت هتان وهو يفك يدي بقوة ويمسكني من كتفي
هتان:اهداء الموضوع ماينحل بذي الطريقه
جدي رعد تقدم قدامنا هو واحفاده
الجد رعد:اسمع ياغياث ان بقيت نتحاك حياك مجلسي مجلس الشيخ
غياث :أقول أبعد عن وجهي وباخذها هالحين طرق عن اشنابكم
الجد رعد:هذا اخر حكيك
غياث :ايه
الجد رعد:اجل توكل على الله ولا تنسى أن ديرتنا تتعذرك انت وهلك ولو دخلتوها بدون اذني ينسفك دم المعتدي وهذا كلام شيخكم وأنا رعد كلمتي ما اثنيها ان ماطلعتو هالحين بتطلعون على احمال جنايز
آش الا تفاق ذا ماعرفه
غياث :لك الي تبي بس هات البنت
كان متوتر وخايف وصوته يرتجف
سعود :ماتقدر تطلع
غياث :ليه
طالعت في جدي وابوي
سعود :لانها مخطوبه
مسفر :متى صار ذاالعلم وبنتنا تزوج بدون علمنا
جدي سلطان:نصيبها وجاها نرده
جدي قاعد يماشيني بالكذب
غياث :كيف تزوجونها هالحين وكل ثروة ولدي لها
كلامه كان بس يبون لجين عشان الورق بس الحين ابوها ميت
الجد رعد:حقها ولا بتاخذونه بعد
غياث :نبي نزوجها مسفر عشان حلال ولدي يبقاء قدامي الحين لازم تتصلون به يطلقها
كان قاعد يتكلم بطريقة غريبه
صقر :البنت تحبه وهي الي تختار
غياث بصراخ :من هو هاء هاته أنا اتفاهم معه
طالعو فيني ابوي وجدي تقدمت قدام هتان
سعود : أنا خطيبها وطلاق مارح اطلق
مسفر :لابالله كيدنا خير قلنا لك حلال عمي معها
دخلت يديني في جيوبي وطالعت فيه
سعود :عرسنا الخميس الجاي تركم معزومين مانقدر مانعزم حبايبنا مشيت للبيت وتنفست من الراحه لجين لي ومحد راح ياخذها
سمعت صوت السيارات حركت التفت على يميني لقيت البنات جالسينا جنب الدينمو حق المويه وكل وحده راسها على كتف الثانيه وجدتي جالسه على دكة الباب وعصاتها عند وجهها وجمبها امي وزوجات عماني وفي الزاوية عمتي رزان متحظنه ناصر بحضنها ولجين حاضنتها وشفت نواف جالس بالارض وسامي نايم بحضنه واياد واقف في الباب دخلو ابوي وجدي والباقي معهم جلس جدي عند جدتي على دكة الباب
جدي سلطان:طيب والحين كيف نتمم الي قلت ياسعود
جدتي عفراء:وش العلم
مسك ثاير يدي ورحنا قسم الرجال عشان جدي ينفرد بعمتي رزان ويقنعها
ثاير :لا تخاف بتوافق
سعود :اخاف تاخذ عني نظره اني ماتزوجتها عشاني أحبها عشان بس لا ياخذونها
أياد :لو صار زي كذا عندك حياتكم بعد الزواج اثبت لها
ثاير :كلام أياد عين العقل تعال خلنا ندخل من البرد
رحت للمشب وبدية ادخن وفكره توديني وفكره تجيبني الا حسيت ان احد جلس جمبي طلع عمي سعيد
عمي سعيد :طفي الدخان ابي اهرج معك
طفيته
سعود :لبيه
حطاء يده على فخذي ومسح عليه
عمي سعيد:وانا ابوك مو كل شيء نتمناه ندركه
سعود :ليه
توترت اخاف رفضتني
عمي سعيد:ابد يابوك أنا قاعد اقولك احنا نتمنى نعيش بسعادة وهناء ورخاء بس الله كاتب لنا عقابت في حياتنا عشان نتقرب له ونرجع له لأنه هو المدبر بعباده
بعد كلام عمي ارتحت شوي
سعود :ونعم بالله
رجعت اناظر للحطب
عمي سعيد:ياولدي مو عيب ان حن نحب دام جينا البيوت من ابوابها وان كان لك نصيب ربك بييسرها من عنده تذكر كلام ربك يوم قال _اعطي فيرضى عبدي بماء اعطيت فارضي عبدي بمايريد وكل امرك لربي
الحمد لله على كل حال الحمد لله يارب العرش العظيم قرب بيني وبين مااحلم به بكل خير جلس عمي وهو ساكت انسدحت لحضنه وهو بدوره لعب بشعري علاقتنا بعماني كلنا الله لك الحمد اشوف كل واحد منهم اب لي حتى ومن حنا أطفال كان اذا احد جاب لعياله شي يجيب للباقي نفسه خصوصاً يوم جت حرب الخليج وكان ابوي مايرجع هو وعمي سعيد
(-عودة بالماضي-)
اكثر من ١١ولد يلعبون قدام بيت في الحاره في عز القايله
ولد يشوت الكره :مقرن روح لليسار بسرعه
مقرن :وين
الولد :ياغبي يسارنا مو يسارك
مقرن :انقلعو مابي العب
جاء واحد ومسكه:خلاص عبدالله غبي لا تنسى عاد
عبدالله:أنا مو غبي
مقرن:الا سعود صادق انت غبي
سعود :ياعيال كلوزق بروح اتغداء انقلعو لعبكم لعب بزران دخل عند جده
سعود :جدي شوف مقرن وعبدالله مايعرفون يلعبون
الجد سلطان:ههههههههههههه ليه وش حصل
سعود :يتضاربون وكل واحد يقول الثاني اغباء
جلس عند جده
الجد سلطان وهو يضم سعود لصدره
الجد سلطان:ماعليه يابوك خلهم براحتهم
سعود :جدي ابوي متى بيرجع مره طول
الجد سلطان:ماقد اعلون شي بابراديو وانا بوك بس ان شاء الله قريب
سعود :ان شاء الله حتى عمي سعيد تأخر علينا
الجد سلطان بتنهيده:قريب قريب
سكت وبسبب الصمت نام سعود براحه بحضن جده
قام سعود على المغرب وشاف الكل يقربون الاكل شاف عمه فلاح وفرح أنه موجود
سعود :عمي فلاح عمي جيت
يركض ويوقف قدامه ينزل فلاح لعنده ويبوس راسه
فلاح :ايه يابعد عمك جيت وبجلس هنا وترى جبت لكم هداي
وهاب :افا ياعم ولله مانبي الاسلامتك جعلني فداك
سعود يناضر بوهاب باعجاب ووهاب يبتسم له
وهاب :وش فيه سعودي
يفك يدينه لسعود عشان يضمه
سعود :ابي اصير زيك رجال واساعد امي واخواني زي ماتسوي انت وايهاب
ايهاب:فدية ياناس الي يبي يصير رجال هههههه
جلسو بالارض عيال وبنات عند جدهم فرحه بجية عمهم فلاح الي توه متزوج
كان الراديو يتكلم عن انتهاء الحرب فجأة اخواني ايها ووهاب نطو بكل فرحه
قمت اضم جدي من الفرحه
جدي سلطان:يارب فرحني برجعتهم سالمين قومو يلا كملو عشاكم
عمي فلاح :يلا روح عمكم أنتو كلو
أنت تقرأ
الترف
Humorلست ذليلاً كي اُعز بقربهم انا عزيزٌ لا يُذل جواري لك أن تغيب لن أموت بغربةٍ فالأرض أرضي والمدارُ مداري." روايتي تعتمد على محيطي والواقع لا أحب الخيال ولا اممن بالضعف ولا اهتم بارضاء الناس أحب الصراحه والقوة وسرعة البديهه لا أحب من يستغل الاخرين ا...
