الترف

البارت 22

بسم الله الرحمن الرحيم
لااله الا الله
الله أكبر
استغفر الله
لاحول ولا قوة الا بالله
الحمد لله
-
(

-عندهتان -)
بعد كلام سعود انصدمنا متى خطبها صح مالنا دخل بس ما اتوقع انه صدق لان الجد سلطان مايخبي شي عن جدي رعد طلعو سيارتهم كلهم وعلى راسهم مسفر وغياث طالعت على جمبي ولقيت فهد عاض طرف شفته
هتان :وش بك
التفت لي وناظرني
فهد : شي يقهر ماسالو عن بنت ولدهم الا وقت الورث ذولا مو رجال قسم بالله
نزلت ثوبي ورجعت اناظر في بيت الجد سلطان
هتان: الدنياء كذا تخلينا نقابل ناس واجناس
رجعنا دخلنا ورى جدي للبيت وشفت جدتي عذوب واقفه عند الدرج وماسكه يدعمتي نورة
عمتي نورة :يمه ابعدي يدك عني ماسويت شي غلط
آش قاعد يصير
جدتي عذوب:والله والله يانوير لو اشوفك تبليني بسود وجهك ماصدقت تزوجتي وافتكيت من شرك ولو ابوك يعرف قطع لحمك ورماه للكلاب
انصدمت وش صاير
هتان :يمه عذوب الله يهديك وش بكم
طالعت فيني عمتي بنظرة كره
عمتي نورة:انت آش تبي مالك دخل فهمت يولد الحرام
صارخت نهاية كلامها
جاء جدي على اخر كلامها
جدي رعد :أنقلعي عن وجهي
وضرب بعصاته الأرض طلعت عمتي ووجهها محمر من العصبيه التفت على جدي
هتان :يالغالي اهداء مافي شي يستاهل كلام عمتي ومتعودين عليه
الجد رعد وهو يحرك عصته بين اصابعه وقسوة
الجد رعد :متعودين ولا لا البيت بيتي والي مايحشمني ينقلع منه
قفاء بهتان والجده عذوب وكمل طلع من البيت
هتان وهو يبتسم :خلاص ياميمتي انتي بعد ماحب اشوفك متضايقه لبى الي يحط حناء
خلص من الكلام وغمز للجده عذوب والجده ابتسمت له
الجدة عذوب :صدق انك عيار أبعد عن وجهي هههه
هتان :افا وانا الملح والقبله بس اعترفي تبين تلحقين على الشايب
ضربته على كتفه
الجدة عذوب :صدق مانت متربي يلا انقلع
هتان :ههههههه الحين ماني متربي يلا يلا مع السلامه بس
طلع للمشب عند الشباب والباقين يبي ينام معاهم طلعت وشفت فهد وطلال وفيصل وخالد جلسين بلارض
هتان :اعرف منتظرين لمبة المجلس تجيكم خذو راحتكم هذني وصلت
خلصت كلامي وأنا مبتسم حسيت بشبشب طار من جمب وجهي طالعت الا طلال الي راميه
هتان :قدها
سالته وانا رافع حاجبي فيه وشفت فهد قام وشمر اكمامه وأنا قفلت الباب وفيصل وخالد توزو على الفراش وكل واحد ماسك ضحكته وطلال يناظرني أنا وفهد طالعت في فهد وغمزت له مشينا ركض وطبينا فوقه
طلال :لا لا غش اثنين على واحد اههه
فهد :كان فكرت قبل تتحده هههههههه
وهو ماسك يدين طلال بقوة ومكرفسهم وعاض شفته ومبتسم
وأنا ماسكه من ورى
هتان :قول اعتذر عمي هتان
فهد :حلوه عمي قول بعد عمي فهد
ناظرت فيه
هتان :خير بس أنا عمه آش تبي انت
فهد :انقلع ياوجه الضب هذا وأنا مكرفسوه لك صدق ناكر جميل
وفك يدين طلال
هتان :هههههه فهد لا تنسى انك القلب والضلع الحنين
فهد :ماذكر صراحه
وجلس وخلاني أقابل طلال وهو مبتسم
طلال :اجل اقول عمي هتان هاه
جلس هتان وكلهم تجمعو عليه ويناضرونه طالع فيه
هتان :خير اللهم اجعله خير آش بكم
خالد :ماقلت لنا عن ذيك الي مشيشة راسك عشان تطلع دواوين الشعر اخلص
حس بطلال يضربه على فخذه ويناظره بنص عين رجعت اناضر فهد ابي استنجد فيه شفته يلف لنا ظهره ويتحلف ورجعت اشوف فيصل طلع جواله ويناضره كانه يراسل احد ملاعين الصلايب ابتسمت وانا قامط العافيه
هتان :يعني ملزمين ترى ورناء دوام بكره
طلال :ناخذ اجازه ولا يهمك
تنفست وجلست بهدواء ماعرف ليه قاعد اتهرب من الي احسه
هتان:ماعرف آش قاعد يصير معي بي تعرفون العم صقر ولد الجد سلطان
طلال :ايه وش دخل
هتان :امم بنته هي الي يعني مضيعتني صح حبيت ورد من قبل بس الشعور الي احسه اكبر من الي كنت احسه اتاجه ورد
خالد :طيب كيف بس من طرفك ؟
عضيت شفتي وطالعت فيه
هتان : تبي الصراحه ماعرف بس ابيها تكون لي
لف علي فهد وهو مبستم
هتان:وش قومك تبتسم
فهد : فرحان
قالها وهو يبتسم ابتسامه حلوه
طلال :ليه فرحان وانت ياحمار مو خائف يكون من طرف واحد
فكرت بكلام طلال ماعرف ياربي لا ان شاء الله تحس زيي بس تذكرت كلمها في العزيمه
هتان :الي سمعته قالت تحس بمشاعر متلخبطه ولا تعرف وش هي
فيصل رفع حاجبه وابتسم نص ابتسامه
فيصل :من وين سمعت ههههههه
طلال :اها اجل سمعتها ههههههه
أنا ليه غبي اخ
فهد :سمعها وشافها ههههههه
خالد :قول والله
صارو العيال يناظروني حتى فيصل
قلبت عيوني
هتان :ايه شفتها
طلال :والله اخاف انك وصلت مرحلة بعيده
وهو يطالع فيني ويمسح على شنبه
هتان :ياعيال تعبت ابي انام
فهد :تنام ولا تكتب قصيد هههههه
ناظرت له برفعت حاجب مالك دخل
غيرت ملابسي وانسدحت معهم جمب فهد
قمنا على صوت جدي
الجد رعد:قومو ياعيال قومو صلاة
قمت وناديت خالد عشان يقوم وينادي الباقي هو دخلت وضيت وطلعت ورى جدي وانا اتلطم بشماغي
لحقونا العيال وخلصنا الصلاة وافطرنا كنا بنلبس الا فيصل داخل علينا وهو يرقص
فهد :الحمد لله على نعمة العقل وش فيه
هتان :هههه فصول وش بك
لف علينا وجاء ضمني
فيصل :اليوم اليوم ارسلو لي رساله يقولون غياب

هتان:اجل خلونا نطلع نتمشى
فيصل :قدام اطلب عيوني اعطيك هههه
فهد :خلي عيونك لك وابعد عنه بلاش تتلزق فيه
ودفه من كتفي
فيصل :هههههههه ياربي متى يجي لي احد يغار علي كذا
هتان :ههههههه لا لا مابيجيك فهد اخر حبه بالصندوق
لبسنا وطلعنا من بدري وصراحه نيتي كنت ابي الصدفه تجمعني بغرامي الناعس مشتاق لها طلعنا وكنت جمب فهد وفيصل جمبه من يساره بصحيح العباره فهد قاعد يدف فيصل لا يقرب مني هههه
وقفنا عند العم علي صاحب الخظره
فهد :صباح الخير ياعم
العم علي :ياصباح الرضاء و النعيم كيفكم عساكم طيبين
هتان :الحمد لله بخير دامك بخير
ابتسم واشتدت تجعيد وجهه على كبر سنه يازين بسمتهم
كان فهد وفيصل يضاربون مو حولي الا اشوف بنت وقفت جمب يدي استغربت وصديت عنها
البنت :هتان
صوتها مو غريب
هتان :هلا من انتي ؟ وايش تبين
سالتها بكل قرف منها ليه تجي عندي مااحب ذا الشي
البنت : افا ماعرفتني ..
هتان :لا
رديت بكل حده متنرفز من ميانتها
البنت :انا ورد
هتان :من ورد ؟
ورد :ورد الفارس
سكت شوي والجمت نسيتها ونسيت صوتها حتى اسمها الا صارت رماد كلها
هتان :سمي وش بغيتي اختي
رديت عليها بكل برود
ورد :ابيك تتقدم لي مره ثانيه طلبتك
ايش لا ياربي ايش قلة الادب ذي
هتان :توكلي على الله واستحي على وجهك واتقلعي من وجهي
ضبطت اعصابي وطالعت قدامي وشفت بنت مركزه معي استغربت بعدين فرحت الريم بس استغربت من نظارتها المشمئزه مني ليه وش فيه بعدين استوعبت ورد وأنا فهمت غلط تقدمت خائف ابي ابرر لها الا تهرب وتتلصق باياد تراجعت وعيوني عليها حسيت بيد فهد
فهد :وش صار . ؟ ومن الي قبل شوي
قالها ويده على كتفي
هتان :فهد بموت الريم الريم
فهد :بسم الله وش بك ياولد
احس بصدري يحرقني من نظارتها
هتان :فهد قولي ليه حظي ابو كلب
وقف قدامي وهو خائف علي
فهد :استهدي بالله قولي آش صار
طالعت فيه وبعدين رجعت عيني عليها وجلست اقوله الي صار
فهد :اوف أكيد بتفهم غلط
رجعت عيني عليه واحس نفسي شوي وانخنق من الضيقه ليتني نمت ابرك
هتان :وش اسوي تكفى ابي ابررر لها اخاف تكرهني
فهد :والله ماعرف مايصلح تكلمها مو محرم لها ترى واخوها معها وربي ليكسر راسك
طالعت فيه وقاعد افكر
فيصل :امم روح سولف لاخوها عن الموقف وزي كذا وارفع صوتك عشان تسمع
قالها وهو ياكل لوز طالعت في فهد وهو يطالعني
فهد :حلوه روح جرب
تنفست وتقدمت من اياد تنحنت والتف علي والبنات راحو على جمبه بمسافه
هتان :صبحهم بالخير
اياد :والله انت الخير كيفك
هتان :الحمد لله كنت بخير لين صار شي يقهر قبل شوي
حاولت ارفع صوتي لين طالعت فيني
اياد :افا ليه وش صار ؟
هتان :تخيل بنت الصايغ جايه تكلمني بكل وقاحه ولحالها واصلا ماعرفتها
طالعت في الريم وعيونها تناظرني بحده بس ماكانت معصبه ماسمعت اياد آش قاعد يقول
فهد :هتان جدي يبينا نرجع
لفيت لاياد وودعته ومشيت مع فهد
_
(_عند ريم _ )
من قال اني كنت مهتمه من زينه ويع كيف ترضى على نفسها تكلمه بس في شي بقلبي فرح بعد كلامه
مر اربع ايام واليوم الخميس والكل مستنفر اليوم زواج سعود ولجين احس قلبي قاعد يرفرف من الفرح الساعه الحين ٤العصر قاعد نتمكيج عشان نطلع على الاستراحه نزلنا حرفين كلنا على اعصابنا