بسم الله الرحمن الرحيم
لا اله الا الله
استغفر الله
الحمد لله
الله أكبر
-
نبدأ -هتان-
صح رحت لبيت الجد سلطان ابي ارظي فضولي و ارظي عيوني والله اني خايف من نفسي لاني من يوم شفت عيونها كاني مسحور
مشيت أنا والعيال و ثاير معنا ماني مصدق ان عمره 22 سنه وهو اصغر مني بس كل شي فيه يبين لنا انه اكبر حتى في طريقة كلامه فهد تكلم فجأة
فهد: غريبة يا ثاير جيتو الديره مع انكم ولا مره جيتوها
ثاير:ماعرف والله ابوي اخذنا و طلعنا من الديرة من وحنا صغار ولان جدي هو الي كان يجينا بلاجازات والاعياد فما كنا مهتمين بالديرة
كملنا لين وصلنا لقهوة الحارة سحبت لي كرسي وقبل اجلس
هتان : السلام عليكم ورحمة الله وبركاته صبحكم بالخير والمسرات بوصل لكم كلام جدي رعد يقول الحاظر يعلم الغايب اليوم عازمينكم على العشاء بمناسبة قدوم اهل جدي سلطان لديره و حابين نشاركُم الفرح
اختلف الاجابات من ان شاء الله والله يرفع قدره
ب
عدها جلست وطلب لنا فهد
فهد:دلة قهوة ياولد سريع
خالد :اشتقت للقهوة والله
هتان : والله القهوة تعدل المزاج و الخاطر
فهد بنغزه:اعطينا بيتين غزل فيها احسن من غيرها
عرفت انه يقصد شعري في ورد بس لو يعرف أن عيون بس خلتني اكتب فيها دواوين
هتان :سم "فنجال وصلك يا هوى البال صبه
للي يبي من دلة الوصل فنجال"
ثاير :صح لسانك انا عندي خاطره مولي بصراحة بس لشخص اعرفه "تعال نتقاسم القهوة القهوة لك وانت لي "
هتان:كلام لطيف يستفز مشاعرك
فهد :ياحظك في الطيف الي يقولها لك جاني فضول اعرفه
ثاير:هههههههههه غالي على وبس ومنهو خله مكانه
خالد:الي قدرت أوصل له انه يبي قربك
هتان: لا هو قريب منه بس ماله رغبه يفصح عنه
ثاير: كلام هتان دورار اعذروني الحين برجع البيت
هتان:الله معك
وحن بنقوم لفت انتباهي بنت قاعد تمشي مع ناصر للدكان ان ماخب ظني انها لجين بس من الي معها
وليش عندها كاميرا
كنت اتمنى انها غرامي الناعس الي توسدت افكاري واستحلت اشعاريٍ وسرقتني من خلوتي مع القمر
شقت الابتسامة وجهي يوم عرفتها
فهد: خفف نضراتك لو انها سهام كان هي طريحة فراشها
هتان: سميت عليها الله
تصدق يافهد احس اني ستذوب يوم كنت أقول أنا عاشق لبنت الصايغ وانا العبد الضعيف جابت اجلي عيونها في ستين موال
فهد :وش تفكر به الحين
هتان: افكر بكلام خالد الفيصل يوم قال "يامدور الهين ترى الكايد أحلى واسأل مغني كايدات الطروقي
الزين غالي لكن الأزين اغلى ولكل شراي بضاعه وسوقي "
فهد: من الأزين في عيونك وهو يتكي على الجدار
هتان:الأزين وأنا اخوك صعب المنال
رجعت عيوني تتأملها وتلاحق طيفها كانها فراشة بعيني
جاء خالد وهو يطالع معي
خالد :وش قاعد يصير معك
هتان :مع شبة الضو وهمست العود أقول لك
كلمنا طريقنا للبيت
جدي رعد مستنفر وقاعد يشرف على شغلنا للعزيمه
مسكنا الزل وصرنا نفرشه قدام المشب بحيث لو ماكفاهم المكان يكون في وساع ورحنا جبنا حطب عشان نشب الضو وخالد ارسله جدي ياكد على صاحب المسلخ عشان الذبايح بدينا شغلنا الساعه ٩الصباح وخلصنا اثنين الظهر
دخلنا البيت وشفت البنات نفس حالتنا ينضفن ويكنسن ويبخرن ويوزعن الضيافه عشان الحريم وزوجة ابوي عمتي وجدتي يسوين لنا غداء
هتان:اخخ ضهري بينكسر وانا جويع والله
جدتي عذوب :بضلوعي جوعك هالحين انزل لكم الغداء انت وفهد وخالد
هتان :يجعلني ماخلاء منك
الجده عذوب:يمه هتان فيصل وطلال بيحظرون ولا
هتان :فيصل قايل انه بيجي بس طلال ماقد كلمته الحين اكلمه واشوف
رحت جلست بالصاله عند جدي واتصلت عليه
طلال:هلا حي من سمع ذا الصوت اي والله حي
هتان:ابقه ابقه كيفك وش علومك ليه يالقاطع قاطعنا منك شهر حتى جدتي شرهت عليك انت وعمتي والله مالكم داعي صراحه تعرفنا قلوبنا تشتاق لخلانها
طلال:ياظيق صدري على العتاب الحلو ذا بس والله شغل وابشرك اليوم ماياذن المغرب الا وأنا عندكم
هاه رضيت الحين
هتان :هههههههههه عني أنا رضيت والعتب مايجي الا للحبايب
طلال:ههههههه أهم شي نرضيك
هتان :ههههههههههه من صفي انا رضيت بس ما اضمن لك فهد وميمتي
طلال:ههههههههههههه ميمتي مقدور عليها بس فهد كيف اراضيه
هتان :جزاتك دبر لك حل ههههههههههههه
طلال :عز الله بروح وطي هههههههه
هتان :هههههههههههه علي بالحرام ما افكك منه
جزاك واقل من جزاك
طلال :افا ياذ العلم هههههههه
هتان :ودعتك الله ههههههه
تغدينا ودخلت لغرفتي شفت دفتري وباقي اذكر الموال الي أبي اكتبه بعيونها يوم شفتها
"ياعيونها الواسعة والرمش الغزير
ياجمال الورد والوجه الجميل "
"ناعس العينين يازهور الاوجان
اشكر جمالك وبجمالك اماري "
سكرت الدفتر وضميته لصدري كاني طفل قمت اخذ شور واتجهز ماعاد في وقت من بعد العصر بيلفون علينا الناس
لبست وتجهزت ورشيت من ريحة العود الي احبه باب غرفتي انفتح ودخلت على ميمتي ومعها المبخر تبخرني ذي عادتها من زمان
الجدة عذوب :سميت عليك الله من كل عين حسود
هتان : عيونهم ماتهمني ياميمتي بس خايف من الي وسط الضلوع يميل ثاني ومايكون لي نصيب
الجدة عذوب: اختار زين وبعدها خله يميل
هتان : بس القلب خوان ياميمتي ولا تنسي كيف ابوي خانه قلبه
الجدة عذوب:الله عوضه بشوفتك وانت دواء لقلبه
هتان :طيب وانا من دواي
الجدة عذوب غطت وجهها بكفوف يدها الي زينتها التجاعيد وزادها جمال الحناء وبكت
هتان :آسف يا ميمتي والله ماكان لي نيه انزل دموع جفنك بس مغبون
وبعدها طلع من عندها
أنت تقرأ
الترف
Humorلست ذليلاً كي اُعز بقربهم انا عزيزٌ لا يُذل جواري لك أن تغيب لن أموت بغربةٍ فالأرض أرضي والمدارُ مداري." روايتي تعتمد على محيطي والواقع لا أحب الخيال ولا اممن بالضعف ولا اهتم بارضاء الناس أحب الصراحه والقوة وسرعة البديهه لا أحب من يستغل الاخرين ا...
