ألم ثم حب بقلم ملك احمد

البارت السادس🧚🏻‍♀️

اللهم صلِ وسلم وبارك على سيدنا محمد 🌼

How Are you? 💙

Do you like my story? 💙

Fun reading.. 💙

تطورت علاقتهم حيث اصبح فريد ياتي اليها اكثر من فادي
فكانت فتره شاقه بالنسبه اليهم فكان بها زفاف عز الدين واخيرا  انتهت فريده من الشركه فكان يقف فادي وفريد هاتفا بسعاده للمكان شاكرا اياها: فعلا يا فريده... كل حاجه بتكمل بعضها.. بجد شغلك حلوو اويي..

اكمل فادي: حقيقي انا مبهور من الجمدان.. يعني مش متخيل بصراحه.. فعلا تستاهلي الوقت اللي اخدتيه..

هتفت لهم بسعاده: والله كلامكوا ده يعني بالنسبالي كبير.. كويس انه الشغل عجبكوا..

واخيرا بدأو بحساب بعدما رفضت فريده قائله لهم ان نهايه الحساب يتركوه عليها ولكنهم رفضوا تماما ليعطوها النقود..

مر اسبوع وكل منهم يشعر ب فقدان للاخر ولكن يتجاهلوا ذلك الشعور.. ف فريد مازال يحضر شركته ومنشغل..

كانت تجلس مع عز الدين وتامر يتحدثوا ولكنها توقفت عن الحديث عندما اصدر هاتفها صوتا معبرا عن متصل...

ابتسمت لترد ناظره ل عز الدين وتامر تحذرهم عن خروج اصواتهم..

ردت بهدوء عكس صوتها العالي منذ قليل: الو..

رفع عز الدين حاجبيه ناظرا ل تامر هامسا: اختك دي عليها حركات فظيعه..

سمعتهم فريده فنظرت له بتحذير وهي تقول: اكيد يا فريد هاجي.. نتقابل امتي.. تمام بعد ساعه هكون عندك.. الف مبروك مقدما.... تمام.. باي..

اغلقت ثم نهضت وهي تقفز بسعاده صارخه: هشوفه هشوفه..

كان ينظر عز الدين وتامر لها بصدمه من حالتها فقال تامر وهي يجعلها تجلس: اهدي يا اختي في ايه..

نظرت لهم بسعاده: هقولكوا بعدين.. لازم اروح عشان اجهز عندي مشوار..

ثم نهضت هاتفه: هجيلكو بكرا يلا سلام..

قابلتها حبيبه هاتفه بحزن: هتمشي ليه ملحقتش اقعد معاكي.

احتضنتها فريده ببسمه: هجيلك تاني متخافيش وبعدين بكرا الجمعه هنتجمع بكرا. 

-اه صح كنت ناسيه هشوفك بكرا بقا..

-ان شاء الله.. عايزه حاجه يا قلبي؟؟.

هتفت حبيبه ببسمه: سلامتك يا روحي..

قالت فريده وهي ترتدي حذائها: سلمولي علي طنط ثريه عما اشوفها بكرا..

اومأو فذهبت هي تجاه سيارتها لتشق طريقها لمنزلها..

وصلت وكانت والدتها بالشركه فبدأت بتحضير ملابسها..

بعد فتره وضعت عطرها ناظره لذاتها بالمرآه ببسمه فكانت ترتدي فستان او«ميني دريس» قصير قليلا ابيض وبه ورود خفيفه وارتدت حذاء رياضي ابيض وتركت شعرها منساب لتضع خاتم فضي باصبعها وكانت تضع مستحضرات تجميل خفيفه جدا..