لقيتك صدفه في بالي !

يابدايات المحبه !✨

تعريف عن الشخصيات :
عائله ابو هيف
الاب سعود :طيب وحبوب مره واهم شي عنده عيالهم وزوجته
سهام :جميله لابعد درجه وشعرها طويل وبني على اشقر وعيالها ماخذين من جمالها
ولدها الوحيد هيف :حلوه نفس امه عيونه عسليه وشعره اسود طيب وجوه العناد وحلمه وتفكيره يتزوج من خارج السعوديه وهاذا مستحيل وعمره ٢٢😭😭
وبنتهم الوحيده الجوهره :هاديه وتحب اخوها مره لان ماعندها غيره وجميله على امها وشعرها وسط ولونه اشقر وتدرس ثالث ثانوي
عائله ابو خالد
الاب محمد :شوي عصبي بس حنون ويحب بنته هيام مرره لان ما عنده بنت الا هي وعنده ولدين
زوجته هاجر:حبوبه وعلى نياتها وملامحها عاديه
هيام :جميلههه بمعنى الكلمه وعيونها عسليه وشعرها طويل وجسمه يجننن وتدرس ثالث ثانوي مع الجوهره
خالد :طيبه ويحب الكل وما يرفض لاحد طلب وهو الكبير عمره ٢٧
الوليد :طيب وما يقول لا ثقيل وما يحب يسولف كثير وعمره ٢٠
عائله ابو سعود
الاب علي :عنيد وعصبي بس طيب مع اهله وملامحه حاده زوجته ساره :ما تنسمع كلمتها من كثر الهدوء الي فيها وهي عسل وجميله
سعود :عنيد وعصبي وما احد يكلمه
صقر :حلوه وطيوب عكس اخوه سعود
مها :حبوبه وقلبها كبير وجميله وتدرس اول ثانوي
جمانه: حلوه مره وعنيده وتحب الخبال وتدرس ثالث متوسط

ملاحظة *ابو سعود وابو هيف وابو خالد اخوان وعايشين في فله بس كل واحده له شقه *
وفي شخصيات ثاني بس ما راح اكتبها الحين راح نكتشفها 🫡
*ملاحظه البنات يتحجبون *
بدايه الاجازه صباح يوم الخميس تجمعو العوايل واخذو شاليه كبير عشان يكفيهم
ام هيف :يلا يا الجوهره جيبي الاغراض من اخوك
الجوهره :ابشري يمه بس باخذ هيام تساعدني استفيد منها
ام هيف جلست تضحك وراحت الجوهره عند هيام واخذتها معها وراحو لي هيف عشان ياخذون الاغراض
هيام :سلام كيفك ياولد العم
هيف :هلا وعليكم السلام بخير الحمد لله
هيام قربت من الجوهره وهمست لها اخوك ما وده يبعد عشان ناخذ الاغراض !
الجوهره ضحكت :هيف يلا يالاخو روح عشان ناخذ الاغراض
هيف مشى وهو يضحك وهو اصلا متعود على مزح بنات عمه واخته
اخذو الاغراض ودخلو الشاليه وهم يشوفونه كبير ويجنن ومقسم اربع اقسام قسم للرجال وقسم للحريم وقسم للبنات وقسم العيال

والبنات كانو مجتمعين ويكتشفون الشاليه
وهمست هيام بنات وش رايكم نلبس و ونروح نطب على قسم العيال
طبعا البنات ما صدقو على الله وعلى طول راحو الا مها قالت بنات فكونا الحين سعود يعصب علينا وربي مو فاضيه له جايه استانس وارتاح منه كفايه هو معي في البيت قامت ضربتها جمانه بشويش على كتفها اقول ماعليك منه خليك مثل اختك قويه
مها جلست تضحك :اخ ما لقيتي الا انتي اصير نفسها
البنات جلسو يضحكون وراحو وحتى مها مشت معهم
دخلو قسم العيال وهو كان عادي وحقهم احلا بكثير

طبعا استانسو ان حقهم احلى وطلعو بسرعه قبل يجون العيال لان كان عند ابوهاتهم
الجوهره :بنات وش رايكم نتابع فلم
هيام :الله جوي بس وين وكيف
الجوهره اصبري صدمتي مخي سؤالين مع بعض
ضحكو البنات
الجوهره بكلم هيف واشوف ايش يقول
البنات نخاف يرفض
الجوهره :ماعليكم منه انا اخته الوحيده وما يقول لي شي
البنات ضحكو وهم يعرفون هيف انه طيب وحبوب وكلهم يحبونه