لقيتك صدفه في بالي !

✨والله اني اخاف عليك حتى من ظلي✨

كانت تبكي وتشاهق وتقول هيام غرقت!
في اللحظه هاذي ومن اول ما سمع هيف اسم هيام حس ان قلبه طلع من مكانه من الخوف وهو خايف يفقدها نط في المسبح بدون تفكير ورفعها وطلعها من المسبح
وصارخ ينادي الجوهره الي منهاره في اخر المسبح
هيف :الجوهره بسرعه روحي نادي الوليد
الجوهره ركضت للوليد وبخوف وهي وتبكي ونست تلبس عبايتها وحجابها
وصلت اول غرفه ودقت الباب وهي تصارخ الوليد الوليدددد
وليد فتح الباب وهو منصدم من المنظر الي يشوفه وصد
الجوهره ردت وهي تشاهق :هيام غرقت
الوليد من اول ما سمع هيام اخذ جواله وهو يركض وتوجه للمسبح
نرجع لهيام وهيف
هيف ما يدري ويش يسوي وجالس يضرب على خدها بشويش
جاه الوليد وهو يركض وش فيه امش نوديها المستشفى غرقت واغمى عليها
الجوهره تذكرت انها مو لابسه شي وقالت بركض اجيب عبايتي وعباياتها
ركضت الجوهره وتوجهت للغرفه واخذت عبايتها وعبايه هيام وشيله لهيام عشان تتغطى فيها وراحت معها وركبو السياره وتوجهو للمستشفى
دخلو المستشفى ومازلت الجوهره تصيح وتشاهق وتقول بسببي انا الي تحديتها وتبكي
هيف :خلاص يا الجوهره ان شاء الله مافيها الا العافيه
الوليد :حصل خير يا بنت عمي
طلع الدكتور من غرفه هيام
وراحو له بسرعه
هيف :بشر وش صار يادكتور كيفها بنت عمي
الوليد :وش صار يادكتور
الدكتور:هدو مافي شي بسيط غرقت خرجنا المويه والحين ما فيها شي وفي امكانكم تاخذونها معكم
كلهم :يعطيك العافية يا دكتور
الدكتورابتسم :الله يعافيكم
دخلو عندها
هيف هو الي بدا:سلام عليكم
هيام :وعليكم السلام
الوليد توجه لها :تختبرين غلاتك كنت بموت ياحماره
هيام:شوي
هيف :سلامتك يا بنت العم ما تشوفين شي يارب ابتسم وطلع
ونادى الوليد عشان ترتاح
الجوهره توجهت لها وحضنتها بقوه :اخ وربي اسفه كلها بسببي
هيام:شدعوه حصل خير ياعيوني
الجوهره :كيفك الحين
هيام :تمام خليني اعدل حجابي ونمشي
الجوهره :تمام
عدلو حجاباتهم وطلعو وتوجهو للسياره
ركبو وعم الصمت
شوي كذا هيف قال. بحط اغنيه عادي
الوليد :الله اي امانه خلنا نروق بعد ما بعصت علينا هيام
هيف :ضحك تم
طبعا هيام ورا هيف والجوهره ورا الوليد
وشغل هيف: ولا غلطه ترا زينك
وياحظه من ملى عينك
فتنت الناس والدنيا
وينك عننا وينك
ملامح كنها الغيمه
وتعطي للنضر قيمه
تبسم تمطر الدنيا
وتضحك للفرح ديمه
جمالك ماهو بمألوف
ولا مثله عيوني تشوف
واذا بحكي عن الرقه
ياخوفي ما الاقي حروف
وكان طول ما الاغنيه شغاله يناظر في المرايه الي تعكس هيام
طبعا هيام كانت ساجه مع الاغنيه وتغني ولا ركزت في المرايه 
وصلو الشاليه ونزلو وتوجهو لقسمهم
بس هيف وهيام تاخرو
هيام امم :كيفك
هيف ابتسم :تمام وانتي
هيام :تمام الحمدلله
حبيت اشكرك على كل الي سويته وانا آسفه اذا تعبتك معي
هيف :لا شدعوه مابينا انا الي اشكرك
هيام :شدعوه على ايش تشكرني
هيف :لانك خليتيني اسعد انسان
هيام ابتسمت وهي مو فاهمه شي
كيف يعني مافهمت
هيف :احبك
هيام تركته وقلبه يدق بسرعه وترجف ومتوتره ومبسوطه وحزينه وكل المشاعر مره وحده وعيونها غرقانه دموع
هيف ابتسم وراح قسمهم
الجوهره:هيام شفيك ليه وجهك كذا
هيام :هاه لا مافيني شي
الجوهره :واضح بسرعه وش فيك
هيام :بقولك بس امانه مايطلع بينا
الجوهره :قولي سرك في بير
هيام :تخيلي هيف كلمني اليوم
الجوهره :اي وش قال
هيام مستحيه :احبكك
الجوهره :امانه مو معقول ما توقعت وهي تضحك
هيام : شفيك انتي وش وضعك
الجوهره :يابنت اصلا واضح اخوي المشكله ما يعرف يخبي يوضح على شكله ما شفتيه اليوم كيف طب في المسبح وشالك وخايف عليك وطول الطريق وهو يناظر في المرايه مو معقول انتي عميا ما تشوفين
هيام مصدومه :يمه كل ذا وانا ما انتبهت احسك تبالغي
الجوهره :اقول سكري على الموضوع انا جيعانه
هيام :اي وربي نفسك
الجوهره :بكلم هيف يجيب لنا غداء
هيام من اول ماسمعت هيف توترت وقلبه تسارعت دقاته
الجوهره اتصلت على هيف وحطت اسبرك والجوال بينها هي وهيام
الجوهره :الو
هيف :لبيه سمي امري ياقلب اخوك
الجوهره ناظرت في هيام وهي مصدومه وهيام متوتره وفيها ضحك على كلامه
الجوهره :وش عندك اليوم زايد جرعه الكلام الحلو
هيف : من اليوم ورايح ماعندي الا ذا الاسلوب هاه وش رايك حلو
الجوهره :يجنن الله يثبتك
هيف ضحك :اي وش عندك متصله
الجوهره :نستني من كلامك
هيف :اي وش تبي
الجوهره :انا وهيام جيعانين ونبي غداء
هيف :من عيوني ياعيوني انتم
الجوهره :نعم !
هيف من عيوني ياعيوني انتي
الجوهره :اي عبالي شي ثاني
هيف :ابشري يلا باي
الجوهره :باي
ولفت لهيام :سمعتي
هيام استحت وما ردت
الجوهره ضحكت وطلعت عند امها تعلمها سالفه المسبح وتطمنهم
هيام راحت تعدلت ولحقت الجوهره
وراحو لامهاتهم يعلمونهم السالفه وجلسو معاهم للمغرب