لقيتك صدفه في بالي !

خلي الكل يدري اني احبك

هيف :الجوهره انا احب هيام وانتي تدرين
الجوهره :طيب
هيف ابيك تعطينها الورقه بس وامانه ما تفتحينها ولا تخلينها تقراها لك ولا شي الكلام الي جواه ما ابي احد يعرفه غيرها
الجوهره :تمام
هيف حضنها ومشت
الجوهوه رجعت لهيام
هاي ليكون تاخرت عليك
هيام :لا عادي وش يبي هيف
الجوهره :عطاني ورقه وقال عطيها هيام وما يبي احد يعرف عن الي با الورقه الا انتي وحلفني اني ما افتحها
هيام استغربت واخذت الورقه وحطتها بيجيب الشنطه وكملو يومهم ورجعت البيت وفتحت الورقه وكان مكتوب فيها : إِنْ گان جَمَّعَنا في الوقتِ صُدفتهُ
فلَيتَ أنَّا بِقَدرِ الصُّدفَةِ الأبَدُ

يا أجملَ الناسِ في عيني وأكْملهُمْ
عنْ كُلِّ مَنْ قَد مضَى أو بَعدُ ما وُلِدُوا

وما اقدر اصبر اكثر انتظر ردك با اسرع وكتب
احبك
هيام. انبسطت من كلامه مره وحبت الورقه واحتفظت فيها
وارسلت الجوهره وهي متردده
هاي كيفك ابي رقم هيف ابيه في موضوع ضروري
الجوهره :تمام وارسلت رقمه
هيام سجلته وارسلت له : ابتديكَـ صدفة، وصدفتكًـ صارت حياة 🤎
وكتبت حرف Hوارسلتها
هيف جاته رساله من رقم غريب وفتحها
وهو يشوف الكلام انصدم ما يدري مين شك واخاف يرسل شي ويجيب العيد
ممكن اعرف مين عشان اقدر ارد عليك
هيام:ماكنت تنتظر ردي با اسرع وقت وهاذا ردي
هيف من اول ما قرا الكلام عرف انها هيام وانبسط مره وهو في باله ميت سوال
هيف:يعني اجيكم ؟
هيام استحت :وارسلت نقطه على اول رساله له
هيف مستانس مره وهو ما يدري وش يسوي
هيف نام وهو يفكر بهيام وهيام نفسه
صحى هيف وافطر مع امه وابوه والجوهره بعد الفطور جلسو يتابعون التلفزيون
هيف قصر الصوت :يمه يبه ابي افا تحكم في موضوع
ام هيف :خير ان شاء الله قول
ابو هيف:تفضل
هيف ابتسم:قررت اخطب
الام والاب والجوهره فرحو مره
الام :ادور لك ولا مختار
هيف لا مايحتاج هي قريبه منا ونعرفها
ابو هيف :ومين هي
هيف هيام بنت عمي
الجوهره صفقت :الله صديقتي تصير زوجت اخوي
ابو هيف :والله يازين من اخترت
ام هيف :ياقلبي واحضنته
ابو هيف :متى تبينا نخطبها لك
هيف :الي تشوفونه
هيف غمز للجوهره عشان تدخل
الجوهره ابتسمت فهمت على اخوها
الجوهره خير البر عاجله روحو الحين
ام هيف: اي والله
ابو هيف :خير ان شاء الله بكلم ابو خالد واشوفه اذا فاضي ولا
العصر في بيت ابو خالد
وصلو هيف وابو هيف
ابو هيف :نبي ندخل با الموضو على انا جاي اخطب بنتك هيام
لولدي هيف
ابو خالد هاذي والله الساعه المباركه
هيف :الله يسلمك ياعم
ابو خالد :الحين ما اقدر اقول شي اشوف البنت اول وبعدين ارد لكم
ابو هيف:ما يخالف خوذو راحتكم
ابو خالد :ان شاء الله الله يكتب الله فيك الخير
الكل امين
تسريع للاحداث وبعد اسبوع اتصل ابو خالد على ابو هيف
ابو هيف وعيال على الفطور ودق جواله رد وحط اسبرك
ابو خالد :السلام عليكم ورحمة الله وبركاته
ابو هيف :ارحب وعليكم السلام
ابو خالد :كيفك والعيال
ابو هيف :والله بخير الحمددلله كيفك انت طمني عنك
ابو خالد :والله بخير الحمدلله
ابو هيف :الله يجعله
ابو خالد :مالك با الطويل فايده ابشرك ان البنت وافقت واختارو اليوم الي تبون عشان يمكلون بس الزواج بعد ما تخلص مابقى لها الا ترم
ابو هيف :الله يبشرك با الخير ما عندي مشكله
ابو خالد :اجل الله يوفقهم ويكتب الي فيه خير
ابو هيف :اللهم امين يلا مع السلامه
ابو خالد مع السلامه
هيف والجوهره وام هيف انبسط من كلام ابو خالد وبدو يخططون
هيف راح لغرفته ومسك الجوال وارسل لهيام :اخ ما ني مصدق بتصيرين حلالي متى تبين موعد الملكه
هيام وصلتها الرساله وابتسمت من اول ما شافت الاشعار
قوتها وانبسطت مره ياروحي براحتك
هيف وقع وما احد سمى عليه
هيام راحت وصورت الورقه وكتبت عليها محتفظه فيها
هيف :ياعيوني انتي
هيام :ابي اقول لك شي
هيف :سمي عيوني لك
هيام ارسلت : ماتدري وش تسوي فيني رسالة تليفونك
لو انها جرح يغفر للرسايل .. حب مرسلها

احبك وادري ان غيري كثير اللي يحبونك
وانا واحدٍ واحبك اكثر من الناس باكملها .
وطفت الجوال لانها كانت مستحيه
هيف ابتسم وانبسط منها. مره ورد : يا خِل فيني شــوق ماحل بإنسان
يا خِل احس الروح ماهي بروحي

يا خِل حبي في سما حُبك ادمان
يا خِل داوينــي وداوي جروحي

يشهد عليا من خلق كل الاكوان
الواحــد اللي يعلم اسرار روحي

إني احبك حُـب ماحبــه انسان
حبً من الاعماق يا روح روحي
وكملو سوالف وجلسو يخططون ويحددون موعد الملكه والي كانت بعد اسبوعين

بعد مرور اسبوعين واخيرا يوم الملكه وكان الكل مبسوط هيام من اول ما صحت مسكت جوالها وارسلت لهيف
اخ اليوم المنتظر اخيرا بتصير حلالي والله اني احبك
هيف صحى على صوت الرساله ومسك الجوال وشاف انها هيام
فتح عيونه كويس وقراه وقلبه فراشات ويحس انه اكثر واحد مبسوط با العالم
رد عليها :والله اني اعشقك واهواك يلا ياعيوني اشوفك اليوم
هيام :ردت ان شاء الله
عند الحريم كانو يجهزون الاغراض ويرتبون انفسهم وتوجهو لشقت ابو خالد
الجوهره كانت لابسه فستان سماوي قصير وحزام اسود وكعب اسود
وهيام العروس كانت لابسه فستان احمر تحت الركب بشوي فيه نفشه بسيطه وشعرها ويفي ومكياج خفيف
الجوهره ركضت لغرفه هيام واحضنتها:اخ اخيرا هيام بتصيرين زوجه اخوي
هيام ابتسمت :ياروحي يا الجوهره
عند الرجال اجتمعو وجاء الشيخ والكل كان مبسوط ✨الحمدلله
وقع هيف وجاء دور هيام طبعا كانت ترجف مع انها تحبه وتموت عليه بس تعرفون حركات البنات توتر وكذا دخل الوليد غرفه هيام وجلس يتعطر من عطورها وفي هاذي الحظه دخلت الجوهره الغرفه وشافت الوليد الي كان مرسم ومحلق وشكل يجنن وريحت الغرفه عود وبخور منه
الوليد شافها با المرايه ولف على الباب وناظر فيها وصدت الجوهره وسكرت الباب وهي تحس ان قلبها يدق بسرعه