لقيتك صدفه في بالي !

معقول اني حبيتها!

هيف ابتسم :ماعليه حصل خير حقك علي وهاذا العشاء عطيه الجوهره
هيام:شكرا تمام مع السلامه
طلع هيف من قسم البنات وقلبه يرجف وجالس يضحك ومتوتر ومستانس وكل المشاعر تجمعت مع بعض وهو ما يدري وش جاه
راح للعيال وقال وش رايكم نطلع نتمشى طبعا كلهم كانو عجزانين الا الوليد قال تم وراح هو والوليد وركبو السياره
الوليد :لف لهيف شغل لنا شي
هيف :انا اسوق انت شغل وخلني اشوف ذوقك
الوليد :تم شغله عشان اتصل
وشغله هيف وبدا الوليد يحط وطاحت عينه على اغنيه وحطها
وكانت تقول :
لقيتك صدفه في بالي وانا بالي بلا ميعاد
وطول الوقت وانا ادور عليك وانت في بالي

وحس ان الاغنيه توصف شعوره ليهام وابتسم وهو يسوق وجلس يفكر بشكلها وما حس الا با الوليد وهو يدقه ويقول ياهيي
هيف ضحك :هاه وش تبي ما تخلي الواحد يفكر
الوليد :ما شاءالله وبايش تفكر
هيف ضحك :مالك دخل وعطني اسم الاغنيه عجبتني
الوليد ضحك :عشان تعرف آن ذوقي حلو
هيف :لا تصير واثق من نفسك
وضحكو وكملو فرفره
نرجع عند البنات
هيام بعد ما مشى هيف وهي تتذكر شكله وتبتسم وهو كيف حلو
دخلت الجوهره :هيه هيف يقول عطاك العشاء
هيام :اي هاذا هو
اخذته الجوهره :امشي بنجلس با الصاله. مع البنات ونتعشى ونسولف
هيام :تم يلا
نروح للحريم
جلستهم كانت تجننن كانو يسالون عن احوال بعض وايش يسوون في الايام الي راح يقضونها في الشاليه صح انهم في ببيت واحد لاكن ما يجتمعون كثير كل عائله بشقتها
ونشووف الرجال اغلب سوالفهم عن الشركات حقتهم وسوالف عاديه
نروح لي الوليد وهيف
كانو لسى يفرون هيف سال الوليد : وش رايك با الحب با الصدفه
الوليد جلس يضحك :وليه تسال
هيف :لا بس كذا جاء في بالي
الوليد امممم :الصدق مره حلو
هيف :اها تمام
الوليد :انت فيك شي اليوم مو طبيعي
هيف :ابد والله بس مانمت زين
رجعو الشاليه
نرجع عند البنات كانو مجتمعين با الصاله ويتعشو ويسولفون
الجوهره بنات وش رايكم نسبح ؟
هيام :لا برد خليها الظهر بكره
البنات اي صح
الجوهره : اجل تم
جمانه :بنات خلونا نسوي شي احس بطق لو جلست زياده
جلسو البنات يضحكون
مها :انتبهو منها لا تتحول
هيام :شرايكم نسوي شاهي ونطلع الحوش
البنات وافقو وسوو شاهي وطلعو
وجلسو دائره والشاليه هادي وكلهم نايمين الا البنات وهيف  لانه كان يفكر بهيام وياحاول يعرف شعوره
هيام صوتها حلو
البنات هيام وش رايك تغني لنا
هيام :تم بس اهجدو
هيف في ذي اللحظه كان توه طالع من قسمهم ورايح للحوش الي تبع قسمهم بس يسمع اصواتهم
هيام بدت تغني وتقول : كان حلمي ذا اللقا..
واليوم بالصدفة التقينا
وياهلا بك يا الصدف.
شفتك وراح الشقا..
وغردت الأشواق فينا
ونبضنا الوافي عزف.
مو وقت لوم ولا عتب
ولا وقت عذال وغضب
قولي لخوفك ينسحب
وخلك مثل رمش وهدب
ومن اول ما بدت سمعها هيف وبدت تتسارع دقت قلبه وتوتر وحس بشعور ولا مره حسه وهو لا زال واقف يتسمع
من اول ماخلصت البنات صفقو وكانو متحمسين معها
البنات :امانه نبي وحده ثانيه تكفين
هيام :اف منكم طيب اخر وحده ترى
البنات :خلاص تمام
هيام : في عز ماكنت اهوجس فيك وافتحلك
ابواب قلبي.. خذتنـي رجلي لبابك
جيتك وانا مـ اذكر اني كنت رايحلك
بس اذكر اني كذا.. لاطـول غيابك
ياما ترددت مدري كيـف بشرحلك
اجيك وارجع..ابيك تقول:وش جابك
یاابن الاوادم ترى مليـت المحلك
انـا اعزك واحبك واعشـق ترابك

هيف هنا كان مبسوط مره وكان يحس انها تهديها له
دخل لقسمهم وراح ينام وهو مستانس مره
والبنات كملو سهرتهم ورجعو نامو

✨صباح يوم جديد على ابطالي ✨

الساعه ١٢ا صحو الحريم وجهزو الفطور وكل شي
ام هيف :البنات وينهم ما يجون يساعدونا
ام سعود :اسمع اصواتهم اخر اليل ب الحوش كانو سهرانين
ام خالد:انا بروح اصحيهم واجي
ام هيف وام سعود :تمام
راحت ام خالد وجلست تصحيهم ولا وحده رضت تصحي وراحت نادت ام هيف تحاول  فيهم
من اول ما دخلت ام هيف وصارخت علهم بصوت عالي فزو البنات والله لا يوريكم الركض وتهاوشو عند الحمام "اكرمكم الله "
صحو نزلو للفطور
بعد ما خلصو قررو يسبحون وراحو يلبسون حجاباتهم
بعد ما لبسو راحو لقسم الرجال يكلمون ابوهاتهم طبعا راحو كلهم عشان مساله الاقناع هههههههههههه
ووافقو وتوجهو البنات للمسبح ونزلو العبايه وتجهزو للسباحه وهيام كانت ما تعرف تسبح بس طبت معهم وكلهم طبو في المسبح وجلسو يسبحون قالت جمانه  :بنات انا ومها بنروح نجيب اكل ونجي عشان نصور
باقي في المسبح الجوهره وهيام فجاه هيام حست انا المسبح مره عميق وهي خايفه مره من انها تغرق
الجوهره قالت لهيام بتحداك
هيام :وش التحدي يلا
الجوهره برمي الكوره ذي هناك واذا جبتيها لك الي تبي
هيام :تم
عشان التحدي نست الخوف ونست انها ما تعرف تسبح
رمت الكوره الجوهره وفعلا لحقتها هيام بس من اول ما قربت منها غرقت وكانت تحاول تطلع بس ما قدرت شافتها الجوهره وركضت عندها وكانت تحاول  تطلعها بس ماقدرت قامت تصارخ بصوت عالي
سمعها هيف وعرف انو صوت الجوهره وراح يركض متوجهه لصوت الي يسمعه
الصوت يوديه للمسبح وفعلا راح للمسبح وشافها ركض
وقال وش فيك
كانت تبكي وتشاهق وتقول هيام غرقت!