.
.
جااااهزين لرمضان🌙 ؟؟؟
رمضان خلاص فاضل عليه أيام
وهو كمان أيام معدووودة عاوزين نستغلها صح ✅
وصفة سريعة لحاجات تاخد بالك منهم :
.
١- خد بالك من كلامك وإنت صايم، تصوم عن الغيبة والنميمة والكذب
لإن النبىﷺ قال ( إذَا كَانَ يَوْمُ صَوْمِ أَحَدِكُمْ فَلَا يَرْفُثْ يَوْمَئِذٍ وَلَا يَصْخَبْ،)
٢- لو حد ضايقك فى أى حاجة...ماتردش عليه..مافيش شتيمة في رمضان وطبعا أكيد مافيش سب بالدين في رمضان وغيره ❎
٣- رمضان مش من الفجر للمغرب بس، رمضان ٣٠ يوم ليل ونهار، فلو صامت الجوارح بالنهار..فقلبك لازم يصوم بالليل والنهار
.
٤- ركز على الغرض الرئيسي من الصيام ...((التقوى ))
ركز إن سلوكك يتحسن..ركز إن قلبك يتغير ويتقي الله في السر والعلن ...ركز إن العبادات تتغير ،معاملاتك تتغير ..لو بتكذب بطل..لو بتغتاب كفاية كده..لو بتاكل من الربا خلاص كفاية ،لو بترتشى توب. اتغير سلوكيا بجد ..!!
.
٥- للصائم دعوة لا ترد..فجهز كل الدعوات اللي عاوزها بس ماتخليش كل دعاك للدنيا ....
افتكر معاك الجنة والعتق من النار🤲
.
٦- عدة رمضان لازم تكون معاك ع طول :
1️⃣ تطبيق قرآن أو تطبيق آيات القرآن عشات ماتتعطلش أبدا وتقرأ في كل وقت
2️⃣تطبيق صلاتك عشان ينبه قبل الاذان ووقت الاذان وبعده كمان
3️⃣تطبيق حصن المسلم أو أذكاري ..عشان تفتكر الاذكار دايما
4️⃣ لو ساعات بتكسل عن الصلاة ...خلي معاك تطبيق اسمه صليت أو لا ...عشان يشجعك ع الصلاة ع طول
5️⃣مصحف وخاتم تسبيح وخليه معاك ع طول...وحط هدف إن كل يوم تذكر ربنا ألف مره مثلا ...نوع فى الذكر..مابين تحميد وتسبيح وتكبير ...
.
٧ - ماتعديش يوم من غير صدقة، مهما كانت بسيطة ..هتلاقى كرم مابعده كرم فى الدنيا قبل الآخرة...مانقص مال من صدقة.
.
٨- صلي التراويح في المسجد مع حد صوته كويس علشان ماتزهقش وتكمل لأخر يوم.
.
٩- اطلب من ربنا كل ليلة العتق من النار
"ولله عتقاء من النار وذلك فى كل ليلة."
.
١٠ - خلى جزء من ختمة السنة دى مش قراءة بس، اقرا من مصحف فيه معانى، وأقرأ بتركيز والكلمة اللي مش فاهمها اقف واعرف معناها هتطلع بخير كتيييييير ❤️
رمضان فرصة 💚🌙
#يا_باغي_الخير_أقبل
#خجة_إنقاذ #رسايل
