عفراء والياء "مكتملة"

||10|| •أدلة•

‏ومرة في العُمر
يقف الإنسان بجوارِ أحدِهم
ولا يودُّ التحرُّك
حتى لو فاته العالَم.

-عمرو خالد.

توقفت سيارة يامن أمام البناية التي تقطن بها عفراء والتي هبطت من السيارة بحماس شديد تعانق آمن بقوة وهي تقول:
_أحلى أخ كبير في العالم.

ثم تركتهم وصعدت للأعلىٰ فهز عمر رأسه بيأس وقال بحسرة مصطنعة:
_الله يسامحك يا يحيىٰ البنت كانت كويسة.

بالأعلى..

وقفت عفراء تدس المفتاح بالباب وهي تغني بالتركية بسعادة ثم عادت بذاكرتها..

قام يحيىٰ بوضع المحبس باصبعها فضحكت بسعادة غير مصدقة لما يحدث الآن، قال يحيىٰ بنبرة هادئة وابتسامة واسعة:
_تعالي نقعد قريب من البحر.. عارف إنك بتحبي تعملي كدا.

جلس كلاهما متجاورين أمام البحر تمامًا فوق الرمال فقالت عفراء بجدية:
_يحيىٰ.. إنتَ عارفني من إمتى!؟

نظر يحيىٰ لها بتمعن ثم قال بابتسامة صغيرة:
_من أول ما دخلتي جامعة.

اتسعت عيني عفراء وقالت بعدم تصديق:
_بتهزر؟

اخرج هاتفه وفتح ملف ما واخرج لها صورة بالتاريخ وقد كان حديثه صحيحًا فقد كانت ترتدي فستان الحظ خاصتها ليجلب لها الحظ السعيد وكان علي قد رافقها حتى لا تشعر بالخوف، وضعت يدها فوق فمها فقال يحيىٰ:
_كل يوم كنت بشوفك وبصورك صورة كل عيد ميلاد ليكي فاكرة إن قضيتيه لوحدك كنت جنبك فيه وجبتلك هدية واستنيتك بكل صبر الدنيا يا عفراء.. أنا حبيتك، أنا أكتر شخص قريب منك عارف حتى أكتر طرحة بتحبيها وكل حاجة مشروباتك المُفضلة الأماكن اللي بتحبيها كل تفصيلة صغيرة عملتيها من ساعة ما شوفتك وأنا حافظها.

قالت عفراء وهي تشعر بالصدمة:
_طب إمتى عرفت إنك بتحبني!؟

قال يحيىٰ بجدية:
_مرتين أول مرة خطوبتك على سليم تاني مرة إمبارح لما اتضرب علينا نار، حسيت إمبارح إني كنت غبي خوفت عليكي وندمت وقتها إني مصارحتكيش إني بحبك، عشان كدا قررت إني لما اشوفك اقولك، أنا مستعد أعيش بعيد عنك وأنا عارف إنك بخير ولو حياتي كلها ولا إنك تضيعي مني ولو يوم واحد.

وضعت عفراء يدها فوق موضع قلبها فقال يحيىٰ باهتمام قلق:
_مالك؟

ضحكت عفراء وقالت:
_مصدومة إن في حد ممكن يحب حد زيي بالطريقة دي بجد!

نظر لها يحيىٰ وقال بصدق:
_إنتِ جميلة يا عفراء وتستاهلي أحسن حاجة في الدنيا تتحط تحت رجليكي مبحبش تتكلمي عن نفسك وكأنك عادية أو قليلة، إنتِ أحسن وأجمل وأطيب إنسانة ممكن حد يشوفها ومش بقول كدا وخلاص لكن حقيقي إنتِ حد مفيش زيه.

تنهدت عفراء وقالت بنبرة حزينة:
_عارف يا يحيىٰ أنا بحس كتير إني ماليش لازمة يعني عايشة بعمل إيه يعني ولا حاجة، أول مرة أحس إن ليا قيمة.