ليتك طاق باب القلب من زمان 🤍

١٦

سيفوه: لا الحمدلله
انا: شو لو شي يزعل لا تقول!
سيفوه: مب وايد يزعل
انا: قول
سيفوه: حمود من مواليد (الإماره) يعني بتسكنين ف —- (عنده أرض ف لو بيبني الزم يبني ف الإمارة اللي مولود فيها)
جوجو: اكملتتتتت! يعني بنجوفج بس فالويكند
انا: ... لا بييي كليومممم
مي: ريوم قالت نفس الشي و الحين ما نجوفها غير مرتين فالاسبوع
يدتي: عادي كلكم عقب بتتزوجون و بتسيرون بيت أزواجكم
جوجو: يوم العرس بخطف مهور
مي: ولا بنبدل المعرس
سيفوه: من الحين بحذر حمود أصلًا حمود ميت على مهورر يبغيها من زمان
انا: هااا؟؟
سيفوه: جافج كم مره
انا: اوههه هذاك اللي سلمت عليه يوم كنا فالكوفي؟!
سيفوه: هييييي
حمدان قال: مبروك! *و ساررر* ما رديت عليه😁😁
المهم جوجو و مي حشروننييي
بطوف لين يوم الاربعاء قبل ما أدخل على محمد *ف صالة بيت يدتي*
جوجو: بترياججج بس الحين انزلي
مي: على كثر ما أنا زعلانه انه انتي ما بتسكنين عندنا بس فرحانة انج مستانسه
انا: تبغوني أصيح؟!!
جوجو: لا لا الحين انزلييي يلا
نزلت و امي و يدتي و ام محمد و محمد يالسين فالصالة
انا: السلام عليكم
كلهم: و عليكم السلام
المهم يلست و جي و محمد كلمني (جدام أهلنا) مب روحنا
و الصراحه ما أعرف بشو كنت أحس بس كل اللي أعرفه انه كنت أفكر ب حمدان 😫😩 احس جنه يالسه أخونه 😐😐 ماعرف ليش نحنا نركض ورا اللي ما يبانا
بطوف لين الساعة ٨ و نص عقب العشا روحوا أهل محمد و رجعوا الشباب (كانوا مطرودين و يلسوا فالميلس (الديوانيه))
دقوا الباب
يدتي: تعالوا روحوا
خالد و مايد و حمدان دخلوا:
خالد: ها بشري!
انا: بستخير مره ثانيه
جوجو: خلود لو مهور ما تزوجت محمد ترا بزوجكممم عشان ما تطير منااا
خالد: يصير خير
انا: قدوتي خلود يسلكلكم حلمج ما بيتحققق جوجو!
جوجو: تكسرين مياديفي
مايد: مبروك 🥲 مهره
انا عطيته نظره: الله يبارك فيك
مايد: الحين ما في حد يأخرنا فالطلعات
جوجو: ما بتطلعين ويانا عقب
انا: ابيههههه شفيكممم بطلع وياكم منو قال ما بطلع تراكم اوفررر
جوجو: يعني يمكن محمد يقولج يغار ولا شي!
انا: لا كلمته و أحس مب من طبعه الغيره
جوجو: الحمدللهه زينن الله عوضج
مي: متى الملجه (كتب كتاب ✍️)
انا: ويت بستخير و عقب
جوجو: خلاص أصلًا واضح أنج طحتي على ويهج
مي: أجوف عيونج
جوجو: ؟!!
مي: بجوف عيونها تلمع ولا
جوجو: ماشاءالله بشرينا يا خبيرة الحب تلمع ولا؟
مي: unknown شكلج تحبين ثنين
جوجو ضربتها بعلى إدهااا
انا: جب يدتي جوفي بنتججج
يدتي: مييوهه! خليها قاصه على البنت
انا: بسير فوق ببدل
مي: انزلي بنترياج
انا: بصلي صلاة استخارة و بيي
جوجو: اوكي يالمستعيله
-
سرت بدلت، تسبحت، و صليت و عقب نزلت لهم الساعه ١٠
جوجو: تفيجتييي
انا: اففف مها اتصلتتت علي
جوجو: زين تتصل مب شيخوه ما تتصل موللل
انا: انتي تعرفين ضروفها اعذريها
جوجو: اوكي اوكي
المهم كنا بس أنا و جوجو الباقي ساروا فوق و نصهم ساروا الميلس اللي برع
جوجو: شو رايج نسير الميلس؟!
انا: اوكي
انا و جوجو دخلنا و حمدان، سيفوه ، مايد و عبدالله كانوا هناك
سيفوه: تعالي مهور
انا: همم (و سرت يلست عنده)
سيفوه: يقولون صليتي صلاة الاستخارة؟
انا تفشلت لأنه بيقولون سيدهههه سارت تصلي 😭🥲: هي 
سيفوه: مرتاحة؟!
انا: الصراحة هي
سيفوه: يعني موافقة
انا: هي *و أتأكد حمدان سمع ولا أنا أباه يسمع*