ليتك طاق باب القلب من زمان 🤍

٣١ - آخر جزء❤️

خذنا يلستنا و سرنا البر نشوي 🍗🍖🔥
و سوينا ام علي و تقهويها و الأجواااء 🔥
بطوف شوي لين نيو ير:
سوينا مناورات فالعزبة و احتفلنا ويا بعض 🤍
بطوف لين عقب الإجازة نص شهر ١ (أعرف أطوف وايد بس تحمس أخلص الروايه أبااا أركز على الجامعة 🥲🥲 باقي كورسس و بتخرج)
فنص شهر واحد...
انا: محمد في شي الزم أقولك عنه
محمد: شو؟؟!
انا: شرايك نسير مكان و بقولك
محمد: لو شي كبير قولي لا تخوفيني
انا: لا شي عادي
و سرنا خذنا كوفي من ستاربكس و وقفنا جدام البحر و يالسين فالسيارة...
محمد: يلا قولي
انا: محمد انا بمتن عقب كم شهر
محمد: ؟؟؟ شو هذا اللي كنتي بتقولينه
انا: عقب كم شهر بستوي دبهه و فبطني بيبيييي 🥹🥹
محمد: 😂😂😂 قولييي والللهههه (ضحك لأنه ما فهم عليي و أنا تعمدت ما أقول أنا حامل قلتها بطريقة ثانية و سخيفه فنفس الوقت)
انا: يعني بجذب عليك محمد!! واللههههه😭😭
محمد طاررر من الوناسة!! خبرت أهلي و أهل محمد و هم فاجئوني انه حمدان بيتزوج 😊 فرحت له الصراحه و الله يتمم لهم على خير 🤍 الحين هو مالج و العرس عقب كم شهر (ما حددوا لين الحين)
بختصر نهاية روايتي...
الحمدلله على كل حال و الحمدلله الله عوضني ب أحلى شي فحياتي بنتي و محمد ريلي 🤍🤍 لو حد قال حف مهره اللي ف ٢٠١٩ انها عقب كم سنه بتتزوج و بيكون عندها عيال مول ما كنت بصدق 🤍 الحمدلله مليون مره و الزم ترضون باللي الله كاتبه و متأكدة لو كنت ويا حمدان ما بكون سعيده مثل ما أنا ويا محمد🤍
و محمد ما يعرف عن علاقتي ولا حمدان ما قلتله لأنه أحس مآله داعي موللل مع انه علاقتنا واااايد شفافه (يعني نخبر بعض كلللل شي حرفيًا) بس حسيت انه بسوي بينهم عداوه مول مالها داعي 😑 ف فضلت انه ما أخبره
و مثل ما دوم أقول حق محمد...
ليتك طاق باب القلب من زمان ❤️

خلصت الرواية:
١٢/٤/٢٠٢٣
كان لي الشرف انه أكتب لكم روايتي ❤️
انشاءالله استفدتوا❤️
و تعلمتوا انه كل شي خيره ❤️
من مهره
لكل شخص كلف على نفسه و قرأ الروايه🫶🏻