▪︎𝗎𝗇𝗂𝖼𝗈𝖽𝖾
ရေစိုနေသော မြေပြင်၊ မြေလမ်းလေးပေါ်မှ ရေအိုင်များ၊ သစ်ရွက်များပေါ်မှ တစ်စက်ချင်း ခုန်ချနေသော ရေစက် ရေပေါက်လေးများနှင့် နေရောင်အောက်တွင် စိမ်းမြကြည်လင်နေသော သစ်ရွက်လေးများသာမရှိပါက မနက်ခင်းပိုင်းတွင် မိုးသည်းကြီးမဲကြီးရွာခဲ့ပါသည် ဆိုခြင်းကို မည်သူမှ မယုံကြည်စရာကောင်းလောက်အောင်ပင် ကောင်းကင်က သာယာကြည်လင်နေခဲ့သည်။
ရေစိုသွားရသော ထိုနွေဦးရက်တွင် ကျွန်မသည် အိမ်တွင် နေရသည်ကို ငြီးငွေ့လာခြင်းကြောင့် ဘွားဘွားပြောထားသည့်အတိုင်း သူမ၏ အုပ်ချုပ်ရေးရုံးမှ ကျရာကျရာ တာဝန်များအား မငြီးမငြူကူညီလုပ်ပေးကြရှာသော အဒေါ်ကြီးများကို ဝတ္တရားအရ နှုတ်ဆက်ရန် ရောက်ရှိနေပါ၏။
' ဟယ်အီလေးက ဒီအရွယ်တောင်ရောက်သွားပြီလား။ သူ့အမေနဲ့ ရွာကိုလာတုန်းကတောင် ဒီလောက်သာသာလေးရှိပါသေးတယ်အေ။ မတွေ့တာကြာတော့ ကလေးတွေ အရွယ်ရောက်တာ မြန်လိုက်ကြတာ။ '
သူမ ပေါင်ရင်းလောက်ရှိသော အမြင့်တွင် အရပ်မှန်းတိုင်းသလို လက်ဟန်ဖြင့်လုပ်ပြရင်း ဒေသိယသံနှင့် အာပေါင်အာရင်းသန်သန်ပြောနေသည့် အန်တီကြီးသည် ဘယ်သူဆိုတာကို ကျွန်မ မမှတ်မိသော်လည်း ရေလိုက်ငါးလိုက်ကလေး ပြုံးပြလိုက်သည်။
' ဟယ်အီရေ '
နာမည်ခေါ်သံအား ကြားလိုက်သဖြင့် ပြန်ထူးရန် ကြည့်လိုက်သောအခါ အန်တီမီဂျာသည် ရုံးခန်းအနောက်ဘက်မှ စတီးမုန့်ဗန်းနှစ်ချပ်ကို ကိုင်၍ ပြာပြာသလဲဖြင့် ထွက်လာ၏။
' လာ၊ အန်တီနဲ့ အဖော်လိုက်ခဲ့။ '
' ဟင် ဘယ်သွားမှာတုန်း၊ သမီး အခုမှရောက်တာကို။ '
' မုန့်သွားဝေမလို့ပါဟဲ့၊ ညည်းကို ဘယ်သူမှ အိမ်နှင်မလွှတ်ဘူး။ လိုက်ခဲ့စမ်းပါ။ '
သူမလက်ထဲမှ စတီးဗန်းတစ်ခုကို ကျွန်မဆီသို့ လှမ်းပေးကာ ဘယ်သို့သွားဝေမည်ကိုမေးချင်နေသော ကျွန်မ၏ အရိပ်အကဲအား သဘောပေါက်သည့်ဟန် ဆက်ပြောလာသည်။
ESTÁS LEYENDO
𝗇𝗂𝖼𝖾 𝖽𝗋𝖾𝖺𝗆 & 𝗂𝖼𝖾-𝖼𝗋𝖾𝖺𝗆𝗌
Novela Juvenil' 𝘠𝘰𝘶 𝘩𝘢𝘷𝘦 𝘢 𝘱𝘭𝘢𝘤𝘦 𝘪𝘯 𝘮𝘺 𝘩𝘦𝘢𝘳𝘵 𝘯𝘰 𝘰𝘯𝘦 𝘦𝘭𝘴𝘦 𝘦𝘷𝘦𝘳 𝘤𝘰𝘶𝘭𝘥 𝘩𝘢𝘷𝘦. ' [ 𝖳𝖺𝖾𝗋𝖺𝖾 𝗈𝖼 𝖿𝖺𝗇𝖿𝗂𝖼𝗍𝗂𝗈𝗇 ] ▪︎fully credit to original uploader for book cover.