▪︎𝗎𝗇𝗂𝖼𝗈𝖽𝖾
ပန်းတစ်ပွင့်တွင် ပါရှိသည့် သေးငယ်များပြားလှသော ပွင့်လွှာချပ်များစွာအား တစ်ချပ်ချင်း အချိန်ကုန်ခံ ဆွဲခြွေထားခြင်းကြောင့် ကျွန်မ၏ ခြေဖမိုးဘေးပတ်ပတ်လည်၌ အဝါရောင် ပွင့်ဖက်ငယ်တို့မှာ ဟိုတစ်စ သည်တစ်စ ပြန့်ကျဲနေကြသည်။
ဘေးလူမြင်တွေ့လျှင် အလုပ်များ ရှုပ်နေခြင်းမဟုတ်ဘဲ အရှုပ်များ လုပ်နေခြင်းဟုသာ ထင်ရသော်ငြား အကြောင်းအရင်းမရှိဘဲ စိတ်ကူးတည့်ရာ သပ်သပ်မဲ့ ခြွေနှုတ်နေခြင်းများတော့ မဟုတ်ပါပေ။
ကျွန်မတွင် ထိုသို့ ဆုံးဖြတ်မှသာ ဖြစ်တော့မည်ဟု တွေးစထားသော ရည်ရွယ်ချက် ခိုင်ခိုင်လုံလုံ ရှိနေပါ၏။
ပန်းဝါဝါအား လက်ဖြင့် တစ်စချင်း ခြွေချနေရင်းနှင့်ပင် ပါးစပ်မှလည်း ကိန်းဂဏန်းများအား တစ် နှစ် သုံးမှစ၍ တစ်လုံးချင်း ရေတွက်နေမိသည်။
ကျွန်မ၏ တွေးစချက်မှာ ဤကဲ့သို့ ပန်းများကို ရေတွက်ရင်းနှင့် စုံဂဏန်း အရောက်၌ ထိုပန်းများ ကုန်စင်သွားလျှင် အိမ်သို့ သည်နေ့ ချက်ချင်းပြန်ရမည်။
သို့မဟုတ် မ,ဂဏန်းသာကျလျှင်တော့ ကျောင်းဖွင့်မည့်ရက်၏ နှစ်ပတ်လောက်အလိုတွင်မှ ပြန်မည်ဟူ၍ပင်ဖြစ်သည်။
ကျွန်မရှိရာ သည်နေရာသို့ ယူနာတို့ သုံးယောက်သား မပြောမဆိုနှင့် ရောက်ချလာသည်မှာ မနက်ဖြန်ဆိုလျှင် တစ်ပတ်ပင် ပြည့်တော့မည်ဖြစ်သည်။
ယူနာ၏ အပြောအရ ကျွန်မ,ရှိသောကြောင့် ဒီအတိုင်း အလည်လာကြခြင်းဟု ဆိုသော်ငြားလည်း ထိုအရာတစ်ခုတည်း မဟုတ်ကြောင်းကိုတော့ စစချင်းနေ့ကတည်းကပင် ရိပ်မိခဲ့ရပါ၏။
သို့သော် ၄င်းအား စိတ်ထဲ၌ ကြာကြာမထားဖြစ်ပါ။
မေ့မေ့လျော့လျော့သာ ရှိခဲ့သည်။
ထိုသို့နှင့် သူတို့ ရောက်လာပြီး သုံးရက်မြောက်နေ့တွင်မှ မပြောဘဲ ထိမ်ချန်ထားသည့် မသင်္ကာဖွယ်ရာ ကျန်အရာသည် ကျွန်မအား ဆိုးလ်သို့ အတူပြန်ခေါ်လာပေးပါရန် မေမေ၏ အကူအညီတောင်းခြင်းဟု မဆိုသာသော ခိုင်းစေခြင်းပင်ဖြစ်ကြောင်း ရယ်ဘင်း၏ နှုတ်မလုံမှု အကြောင်းပြု၍ တိတိကျကျ သဘောပေါက်လိုက်ရလေသည်။
CZYTASZ
𝗇𝗂𝖼𝖾 𝖽𝗋𝖾𝖺𝗆 & 𝗂𝖼𝖾-𝖼𝗋𝖾𝖺𝗆𝗌
Dla nastolatków' 𝘠𝘰𝘶 𝘩𝘢𝘷𝘦 𝘢 𝘱𝘭𝘢𝘤𝘦 𝘪𝘯 𝘮𝘺 𝘩𝘦𝘢𝘳𝘵 𝘯𝘰 𝘰𝘯𝘦 𝘦𝘭𝘴𝘦 𝘦𝘷𝘦𝘳 𝘤𝘰𝘶𝘭𝘥 𝘩𝘢𝘷𝘦. ' [ 𝖳𝖺𝖾𝗋𝖺𝖾 𝗈𝖼 𝖿𝖺𝗇𝖿𝗂𝖼𝗍𝗂𝗈𝗇 ] ▪︎fully credit to original uploader for book cover.
