كرم
وصلت للمستشفى والكة الدنيا مكلوبة جدي يمان رجع من الحج
وعمامي كالبين الدنيا
هسة صار اخوهم ويخافون علي وين جانو
من يسكر ومن يدخل سجن ويسوي مشاكل اصلا موتة راحة النة كلنة
سألت عمي أحمد عن ابوي
وكال هوة وي الرجال الي ابنة دعم عمك
رحت وشفتة جاي يحجي وي الرجال عادي وجنهم يعرفون بعض من قبل رحت لأبوي
..ها بوية شلونة عمي
،،واللة يا بوية مو زين ووضعة مايبشر بخير
،،اي وهسة شراح تسوون وهذا ابو الولد الي دعم عمي تعرفة
،،اي اعرفة هوة صديقنا من زمان وانسان محترم وحتى جدك يمان يعرفة انسان صاحب فضل علينا بس للأسف
ما اعرف شلون صار الحادث وخطية
ابنة لحد الان مصدوم من الي صار
وعمك منعرف وضعة وحالياً كلنا عاجزين
مانعرف شنسوي من جهة عمك ومن جهة ثانية صديقنا
كرم،، حسيت ابوي زعلان على صديقة الي ابنة دعم عمي اكثر من عمي المدعوم
واللة حيرة هسة شراح يصير واذا عمي مات شيصير بالولد خطية
ميار
كلنا كاعدين وخايفين وماغمضنة عيونة
ل لحضة جنة بس انفكر بزيد نيار
جانت خايفة وامي ضغطهة صاعد
واتصل ب بابا وميرد وزيد هم نفس الشي اخخخخخ واللة طول عمري ما آنسة هاي اليلة الي مرت علينا حسيتها سنة مو ليلة
صار الصبح واجة بابا وزيد
اباوع على زيد خطية الوجه اصفر وشفايفة بيض من الخوف
اول ماشفت حالة زيد انقهرت ممصدكة الي جاي اشوفة
رحت كبل حضنتة وصرت ابجي واجتي نيار هم نفس الشي بس تبجي وزيد صار يواسينة اني ونيار
انكلب الموقف بدال ما احنة انواسي زيد هو الي صار يواسينة ويهدينة واني ونيار دموعنة عشرة على عشرة
،،زيد احجي شصار اهناك كلي مات الرجال
زيد،،اي للأسف مات
جان يحجي ويرجف
جنات،، يمة عزة العزاني وهسة
شراح تسوون
عادل،، لا تخافين هسة راح تصير كعدة عشاير ويطلبون فصل وتنحل السالفه ان شاءالله
جنات ،،اي همزين فصل ولا سجن
كرم
صار الصبح واحنة بالمستشفى
وللأسف اجة الدكتور بلغنى خبر موت عمي.
وجدي اتخربط وعمامي شالو ودو لغرفة الطوارئ وبصراحة لما عمامي سمعو موت عمي زعلو بس ممبين الحزن عليهم مثل كاي
أخوة مات اخوهم لا اصلا كانة غريب اتقبلو الموضوع بس كالو لازم تصير كعدة
عشاير يعني مايصير اخونا يموت واحنة
نسكت لا مايصير عيب هسة شيكولون الناس
خطية الولد الي دعم عمي لمن سمع موت عمي صار يرجف وجهة صار شاحب ورجلي
ما تعونة
سوينا فاتحة وجدي اتقبل ال كاتبة اللة
وماعترض على أمر اللة
ورة يومين من انتهاء الفاتحة
صارت الكعد واني ما رحت وياهم
ما احب كعدات العشاير والفصول
بس راحو منتضر ووسام
وورة ساعات طويلة من الانتضار اجوي ابوي وجدي وعمامي ومنتظر ووسام
أنت تقرأ
فصلية أل يمان
Разноеمديرة أعمال مشهورة تذهب فصلية كيف ستتعايش معهم ولاكن السوال الأهم من هوة هذا المحضوض التي ذهبت له فصلة والصدقة انه هو
