صاح رجال وكال تحضرو اجة الشيخ
واني كلبي انقبض خفت وحسيت كلبي وكع
من الخوف ما اعرف ليش يجوز من التفكير
خاف ميتقبلني خاف ميعاملني مثل تعامل اهلة الي
اجت سبعين حسبة برأسي
وبعدين ام وسام
،،يمة حبيبة تعالي البسي عباية وتحضري
،،حاضر عمة
،،هاي شنو عمة لا حبيبتي اعتبريني مثل امج وكليلي يمة
،،شكد فرحت من سمعت كلامهة
رحت لبست العباية واجة الشيخ ومن ورة الباب عقدلنة بس اني اتفاجات
من كال اسم كرم كريم
يعني معقولة كرم الي يشتغل عندي
لالالا مستحيل يكون هوة اكيد تشابه بالأسماء عقدلنة وأم وسام فرحانة عبالك اليوم عرس ابنهة ولا كاني جاية فصلية بس بصراحة ارتاحيت هواي بعد ماتعرفت عليهم كلش حبابين
صعدوني للغرفة وكالو هسة يجي كرم
وتقريبا صارت الساعة ب 12 وهوة ماكو
ارتاحيت اهواي من اتأخر ما اريد اشوفة
خليني هيج احسلي وتقريبا بعد نص ساعة
والباب انفتح وهنا جانت الصدمة
كرم
من يوم الي تقرر زواجي من الفصلية لا ليلي ليل ولا نهاري نهار
رحت ثاني يوم للشغل اريد اشوف حبيبتي
وترجعلي العافية بس
ماكو اروح وهية غايبة
وين اولي هسة شهل ورطة
يربي صحيح هية تحب واحد بس
شسوي كلبي مايتحمل يتقبل انها تصير لغيري
بس مابيدي شي
صار يومين واميرتي ماكو سألت سمر وكالت،،ست ميار متكدر تجي للشركة هل ايام عدهم مشاكل عائلية
واجة اليوم الاسود الي تجي بي الفصلية وجان الكل متحمس لوصولهة لا هية معروفة بجمالهة والكل يحسدني عليهة
بس اني وين عقلي وقلبي يم اميرتي الي ماشايفهة صارلي 3 ايام
وقلبي متحسر على شوفتها اخخ
اذا اتزوجت راح يكون عندي استعداد أواجه
ميار وشلون راح تستقبلني واني مزوج وضيف فوك هذا كلة هية مرتبطة يعني منين ما اجيبهة مسدودة بوجهي
شسوي انا لا زم اتقبل الواقع
صحيت من صفنتي وتفكيري على ايد تكرص بخاصرتي
.. ها شبيك
،،ولك الشيخ جاي يسألك موافق لو لا
جاوبت الشيخ ب نعم
والشيخ عقدلنة وراح واجو أصدقائي علية
لان يعرفون اني ما اريد ازوج
اخذوني أصدقائي لبيتهم ورحنا شربنا طبعا اني ما اشرب هواي الا من اكون مضغوط
رجعوني للبيت وكوة امشي وصلت بوقت
متأخر ورحت فورا لغرفتي وفتحت الباب
ميار انفتح الباب واشوف كرم دخل
للغرفة واني نهضت من الفراش وبقيت واكفة ومصدومة
معقولة كرم هو نفسة لالالا مستحيل اصدك
اجة كرم وهوة يمشي ما اعرف شبي وهوة صار يتقدم نحوي واني بقيت جامدة بمكاني احس كلبي من كثرة النبض
راح يوكف تقدم كرم نحوي وصار واكف كبالي وحسيتة رفع ايدة وحطها على خدي وصار يتلمس وجهي وعيونة تلمع ومبين علي تعبان واني واكفة ما اعرف شصار بية وفجأة كرم فاجأني بحركتة واجة حضني وحط راسة بركبتي وصار يتنفس
بعمق وكال
،،مشتاقلج اميرتي وين جنتي ليش صارلج
فترة غايبة عني
متعرفين شصار بية
حبيبتي حتى بأحلامي صرتي ماتجيني ليش ما تحنين علية
(جان يحجي ويجر الحجاية جر )
عرفت بي مو طبيعي وكلامة ما معقول
وبعدين حسيت على نفسي ودفعتة
،،كرم هاي شبيك اصحة شجاي تحجي
مفهمت
رجع أتقدم نحوي وهل مرة صدمني خلاني
ما احس على شي من الصدمة
اشو اجة وحط شفتة على شفتي
وايدي على خصري
واني فتحت عيوني علة وسعهن ما اعرف شسوي
بقيت جامدة وهوة بعد يبوس بشفتي
وفجأة اختل توازنة
وكع عل جرباية ونام واني رحت
علي جنت خايفة علي
وهمست باسمة
،،كرم ،،كرم هاي شبيك
اتقرب علي وشميت ريحة المشروب
وشهكت عزة ولك هاي شنو سكران معقولة لالا هذة مو كرم الي اعرفة
رحت عدلت نومتة وغطيتة واني اليل كلة احوم بالغرفة ما اعرف شسوي
خايفة علية ومنة بنفس الوقت
افكر بلي سوا قبل شوية
اااووفف واللة محتارة
بس همزين طلع كرم ماغيرة
واللة كلبي ارتاح
ما اعرف شلون غلبني النعاس ونمت
حسيت على ثقل بخصري
اباوع هاي ايد اني اتفتحت عيوني
وتذكرت كرم
ردت اوخر ايدة بس ماكو حشى مو ايد جاكوك ووكع على خصري ردت اكوم وما احس علي الا جارني لحضنة ودافن راسة بركبتي
صحت كرم كرم كوم وخر ايدك كرم كوم
وبعدين كرم كام يصحصح
وبس شافني كمز من الفراش ووسع عيونة
كرم ... ميار
أنت تقرأ
فصلية أل يمان
De Todoمديرة أعمال مشهورة تذهب فصلية كيف ستتعايش معهم ولاكن السوال الأهم من هوة هذا المحضوض التي ذهبت له فصلة والصدقة انه هو
