فلك.. ولك هاي عليمن وبعدين انا شمدريني هية ماتعرف تطبخ جان كلت لنرجس لو أروى دكوم تسويلي
يمان ..وشبي اكل منى ليش متاكلي شنو نتنكسين
فلك ..لا حجي شنو هالحجي لا واللة بس انا ردت اشوف اذا هاي الفصلية تعرف تطبخ لو لا يمان ..ترة هاي جنتنة مرت كرم مو فصلية مرة ثانية اذا اسمعج دكولين هاي الكلمة يصير شي ما يعجبج مفهوم
فلك.. حاضر حجي بس لا تزعل واني اعلم ميار الطبخ
نزار بهمس هوة انتي تعلمي الطبخ وبعدين اكعدي علمي
كرم ..ولك انجب جدي وابوي موجودين لا يسمعوك وتترزل
نزار..هسة اني مجذب كرم ..لا ممحذب ولك اكعد راحة
منى..ماكو داعي تشتغل هية خليهة تروح لشغلهة مو عدهة شركة
..اني اليوم راح اتأخر ويجوز انا ما اجي اليلة طالع وي أصدقائي
..اي ماشي
..اني رح اطلع رايدة شي
..لا سلامتك بس ليش تطلع من هسة الدنيا صبح
..لا ماعندي شغل يالا باي
..بايات،، طلع من الغرفة وبقيت افتر بوحدي بالغرفة واتصلت على اهلي وطمنتهم عني اندك الباب وكلت اتفضل ودخلو علية اثنين أطفال ولد وبنية يمة فدوة لله شكد حلوين ويخبلون اجو علية وكبل شبكوني وفرحانين واني منا اموت عل أطفال البنت عمرها اربع سنين والولد خمس سنين بس فدوة شلون صاك سألتهم شنو أسمائهم البنت كالت اني
.. سوق ..قصدها شوق
..انا إيان
..يمة فدوة لاسماء
إيان..شكرا خالة
شوق ..واني اسمي موهلو
..هههه لا حبيبتي انتي اسمج مثلج عسل
..سكرا حالة
تدللين انتي بنتمن بلة
.. انا بنت بابا وماما
..ههههههه حبيبتي اعرف بس شسمه ابوج
..اسمة بابا
إيان..هاي الغبية بنت عمو منتضر
شوق.. لا انتة الغبي واللة هالة حاسي (حاجي)
..لا حبيبي ليش تحجي عليهة هيج مو خطية
..يللة بعد ما احجي شي
شوق ..عفية هالة سكرا لان حاسيتي
..لا العفو عمري
دخلن نرجس وأروى
اروى ..ها حبيبتي شلونج اليوم
..بخير حبيبتي وهذى ابنج عسسسسل ماشالله
أروى اي طالع على ابو
..حبيبتي انتي هم حلوة وتخبلين
..شكرا حياتي
نرجس تعاي شوق اكعدي راحة لتضلين تلعبين بالمكياج
..لا عوفيهة هية مؤدبه ونازكة يجننون هية وايان ..اي حبيبتي شكرا يالا خلينة نطلع ونعوفج براحتج ولتزعلين من عمتي لان اليوم هيج حجت تعودي عليهة وطنشي كلامهة
أروى.. اي صدك حبابة خليهة تحجي تحجي وتسكت
..لا عادي محجت شي
..يالا حبيبتي اخذي راحتج طلعن وبقيت وحدي للغدة تغدينا وغسلت وياهن المواعين وطبعا هاي اول مرة اغسل مواعين وللعشة حضرت الزلاطة بس وهم تعشينا وغسلت المواعين أروى مقبلت اني اغسل
ورحت لغرفتي بدلت ولبس هذا لنوم ما احب البس السيت او هيج شي لا احب البس تراكات نوم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نمت واني مشتاقة لكرم اي نعم مشتاقتلة احب وجودة وياي احب كلشي بي لطفة تعاملة وياريت لو هسة يمي بس يللة كدامنة العمر كلة ،،يايا عزززةة اني شجاي افكرها لا كرم مستحل يحبج انتي هنا مجرد وحدة انفرضت عليه غطيت راسؤ ونمت جانت الساعة 12:30 نمت وحسيت على شي بركبتي زفير حار وشمة شفطتني شفط ما اعرف شصار بية فتحت عيوني على كيف نعسانة حيل فتحت عيوني وكرم راسا بعد عني
