ياريت لو نتفاعل علشان انزل بسرعه لان تفاعلكم بيشجعني انزل علطول لاتنسوا وضع نجمه ومتابعه ويهمني رأيكم يا قمرات♥️🫶.
كل سنه وانتم طيبين بمناسبه شهر رمضان المبارك ، ربنا يجعلها ايام سعيده علينا يارب العالمين ، ويسعدكم دايما.
اتمني لكم قراءه ممتعه🦋.
وفي نهايه اليوم طلبت مريم كوبايه قهوه فدخل كنان الكافيه،وبدا يتكلم مع عم حسين اللي هيقدم لها القهوه وشغله بالكلام وحاط في كوبايه القهوه حبايه منوم ودخل عم حسين وقدم لها القهوه وشربتها مريم وكنان مراقب كل حاجه وبيبتسم وبعد حوالي 20 دقيقه حست مريم بدوخه شديد وخرجت من الشركه واخذت اللاب توب معها ووصلت لعربيتها في الجراج ولسه بتفتح حاست بدوخه كبيره وفقدت وعيها لكن قبل ما تقع مسكها كنان وشالها وحطاها بعربيته وساق عربيته.
وهو بيبتسم بنصر وقال وهو بيسوق عربيته: كده نصف الخطه نجحت.
وبيبص لها وبيقول: يااااه مريم قد ايه انت جميله كل حاجه فيكي حلوه ما كنتش عايزه اعمل كده بس مضطر اسف سامحيني، مفيش حل غير كدا.
وطلع على مكان مهجور وشالها وقعادها على كرسي وربط ايديها ورجليها جامد واخذ اللاب توب وقاعد قدامها يتامل في جمالها وانتظرها تفتح عينيها وبعد مده فتحت عينيها.
بتقول بتعب: اه دماغي انا فين؟!!
كنان بضحكه شر: هههههه ،انت في مملكتي يا قطه.
مريم و بدات توضح صورته قدامها.
قالت بصدمه: ك كنان.
ولسه بتحرك يديها بس لقت نفسها مش قادره تحرك ايديها وباصت على ايديها لقيت نفسها مربطه.
قالت بصوت عالي: مين اللي عمل في كده.
كنان بسخريه : ده انت شكلك غبيه الغباء عندك عالي قوي ما فيش حد موجود غيرنا انا وانت يبقى ما حدش خطفك غيري انا اللي خطفت مريم شاهين صاحبه اكبر شركه في مصر وشركه شاهين لتصميم وافخم الملابس واكبر مصممه ازياء واللي بجدرتها قدرت تمحي بسرعه اكبر شركه لتصميم الملابس شركه الشرقاوي واللي هي شركتي، يعني من الاخر انت عدوتي.
مريم بغضب وهي بتحاول تفك ايديها : انت غبي انت ازاي تتجرا تخطفني انت عارف عقوبه اللي عملته ده انا هاندمك فكني يا كنان والا ...
كنان: والا ايه يا بنت محمود اكبر عدو لبابا.
مريم: والا هادفعلك الثمن غالي مش مريم شاهين اللي تتهد وتتخطف اصلا انت وابوك ضعفاء عارف ليه لانكم ما حاولتوش تنجحوا بعد ما اسمكم نزل لا بالعكس بتفكروا تدمروا شركتي علشان شركتكم تعلى ثاني للاسف تفكيركم غبي جدا ،كان ممكن تتعبوا على نفسكم وتعالوا شارككم من ثاني بس اللي خطفتوني علشان ما اقدرش اتعاقد مع شركه الحديدي وتتعاقدوا انتوا خطه في منتهى الذكاء.
بس تفكيركم مريض عايزين تنجحوا على حسابي انا ادركت اني انسانه ناجحه دلوقت، عايز تعرف اذا كنت ناجح او لا كل لما الانسان ينجح بيظهر اعداءه حواليه واحسن لك فكني مش مريم اللي يتعمل فيها كده.
وفي اللحظه دي كان كنان وصل لقمه غضبه وقرب منها ولسه بيرفع ايده علشان يضربها.
مريم: اياك تتجرأ وترفع ايدك عليا انت سمعت عني لكن ما تعرفش ممكن اعمل فيك ايه لو بس فكرت ايدك تترفع عليا انا كل كلمه قلتها ده صحيحه راجع نفسك وقول باختصار عايز كام وانا اديك وتحل عني واخلص عشان ما عنديش وقت للتفاهات دي.
اتراجع كنان وضحك كثير واستغربت مريم وقالت: انت بتضحك على ايه ياااه كلامي ضحكك قوي كده.
كنان بسخريه وهو بيربع ايده : حلو قوي انا ممكن اسيبك واحل عنك بس بشرط.
مريم :ايه هو؟
كنان: انا عايز تصاميمك اللي هتقدميها للشركه الحديدي وبس كده واللاب توب بتاعك و ققوليلي الباسورد وهاتي التصاميم ووعد هاخرجك لانك مش هتخرجي من هنا الا لما تسلمي تصاميمك.
مريم بغضب: انت اتجننت انت اكيد شخص مش طبيعي ايه الهبل ده مستحيل على جثتي لو اخذتها واعلى ما في خيلك اركبه تصاميمي اللي تعبت فيها بقى لي اكثر من شهر بصممها علشان اقدر اقدمها للشركه دي عايز تاخدها ،مش بالبساطه دي واحد زيك هياخذها مني انت مفكر بخطفك ليه هتقدر تاخذها وكملت بسخريه" تبقى غلطان قوي يا.. يا باشمهندس.
انت ببساطه لجأت للحل السهل بدل ما تتعب وتصمم احسن مني لا عايز تاخذ شغلي على الجاهز وتقدمه انت وتخسر شركتي على حسابك ده عشم ابليس في الجنه كان غيرك اشطر وباقول لك فكني مش هأذيك لكن لو ما فكيتنيش صدقني هندمك وانا قد كلامي.
كنان بغضب: يبقى انت اللي جبتيه لنفسك هتفضلي منوراني هنا لو عايزه تخرجي بسرعه هاتي تصاميمك لانك في تلك الحالتين هتقعدي هنا لغايه معاد تعاقدك مع الشركه ومش هتبقي موجوده ولا هتقدري توقعي العقد وبالتالي مش هتخرجي بس ممكن تخرجي دلوقتي لو سلمتي ليا التصاميم وممكن تلحقي تصممي ثاني اختاري انت هتفضلي مخطوفه وما تروحيش تتعاقدي مع شركه الحديدي ولا تسلمي التصاميم وتخرجي بسلامه ويمكن تلحقي تصممي وانتي وشطارتك يا قطه ارفوار، اسيبك تفكري.
وابتسم بخبث واتحرك ناحيه الباب.
مريم بغضب: كناااااان والله ما هرحمك هاندمك هتدفع ثمن اللي عملته غالي وتصاميم ما حدش هياخذها ،ما حدش هياخد تعبي ويقدمه باسمه انت فاهم انت ضعيف ضعيف انت سامع!!!!
وهنا كان وصل كنان لقمه غضبه والتفت لها وقرب وعينه حمراء من شده الغضب رفع ايده وضربها بقوه على وشها لدرجه ان خرج الدم من شفايفها وهنا امتلت عينيها بالدموع وبصيت له بدموعه.
مريم بدموع :..........
استوب انتظري القادم تفاعلكم وتوقعاتكم ورأيكم يهمني جدا 💜
أنت تقرأ
خلقت من اجلى. للكاتبه/ بسمله صالح
ChickLitهي فتاة قويه تغلبت على حزنها ونجحت في مجالها ،ولديها أعداء كثيره. اما هو فكل همه هو كيفيه الانتقام منها ، وكيف يخسرها ويفوز بالنهاية. ما هو سبب حزنها وكيف نجحت ،وهل سيكون للقدر رأي آخر ، وسيحقق انتقامه منها ،ام سيفشل في الانتقام منها وما هو مصيرهم؟؟...
