#اختلاف القدر

البارت الأول

الكاتبة يسرى الأسدي

لميتهن وطشرن

طشيتهن وتلملمن

يوم الردتهن ما اجن

يوم العفتهن چودرن

......................................

اليوم راح احجيلكم قصة عراقية حقيقة يوجد بيها

بعض الغموض ونوعن ما اكو أحداث خارج القصة

بس انطلب مني احجيها حتى يستفاد منها القارء

طبعا هاي القصة حدثت في أحد مناطق اطراف

بغداد تحديدا الراشدية يلة راح نبدي القصة اتمنى

تدعموني وتصوتون القصة

طبعا اسم البنية الحقيقي( ندى )بس هية كالت سمي على اسمي على اسمج لضروف ما معلومة
ويلة نبدي على بركت الله
بسم الله الرحمن الرحيم

،،،،،،،،،،،،،،،،،،،،،،،،،،،،،،،،،،،،،،،،،،،،،،،،

يسرى ،منتضرة قرار القاضي شنو راح يصير صدوك راح اتطلك

( احجي بكلبي لا علي فدوة اني احبك شلون كدرت

تتخلة عن حب 3سنوات شلون متثق بية وتسمع من

الغير متت خنكتني العبرة بس ساكتة لان واكفة

كدام القاضي ولازم ما احجي وشئ ثاني لان أهل

علي كلهم موجودين ويتمنون هاي الحظة ف واكفة

بكل ثقة ولا عبالك كلبي دينزف )

القاضي ،حضرتج يسرى حسين محمد

يسرى ،نعم حضرت القاضي

القاضي ،انتي كنتي حاضرة وقت الطلاك

يسرى،لا

القاضي ،انتي موافقة على الطلاك

يسرى ،لا

القاضي ،شنو سبب الطلاك

يسرى ،حضرت القاضي اسئلة اني ماعندي علم ولا اعرف شنو السبب

القاضي ،ابني علي شنو سبب الطلاك

علي،بعد ما اريده المرة الي ما احترمتني متصيرلي مرة

القاضي ،رجع سئلني بنتي ليش متحترمين زوجج هو سندج شلون ما تحترمينة

يسرى ،حضرت القاضي شتشوفني وشتشوف البنات

الطالعات من بيوت عشاير وبخت وعندي أهل

يكسرون الضهر معقولة ما احترم زوجي الي حاربت

علمودة بس ما راح احجي شي ثاني بس اكول

حسبي الله ونعم الوكيل على الكان السبب (ردت ابجي بس كرامتي متسمحلي)

القاضي ،ابني يعني البنية ما بيها صوج واني صار

فوك كذا سنة اشتغل بمهنتة القضات بحياتي ما مرت