#اختلاف القدر

البارت العاشر

اي والله كال متغيره

كتله اني مو ذيج التظل تتباجه

من تزعل

ولا ذيج البعدها اصغيره وتحبك

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

للكاتبة يسرى الأسدي

يسرى ،،،،عدة على طلاقي  اشهر واليوم 19رمضان صادف رمضان بشهر الرابع يوم 9دخلت وي بيبي سبحتهة ووجاي امشط شعرهة وجنت الصراحة نفسيتي منهارة ف ضليت اصيح عليها بس الله شاهد جنت اريدهة تكوم وتتحرك علمود لحمهة مايصير بي تقرحات بس مجنت ادري هاي اخر أيام ويانة جانت خطية تلبس حفاضات لان حتى ماتكوم التواليت وجان جاي الصيف واريد اذب منها الحفاضات حتى جسمهة ما ينوكل سودة بوجهي عليج بيبي المهم كالت اني ماكدر كتلهة لا بيبي حاولي وكومي وجنت منفعلة حتى تتشجع وتكوم من جاي اضفر شعرهة جان حسيت بعمودهة الفقري مفتر وفجئة نغمة عليهة وماتت ايدهة نومتهة اجينة فركنة ضهرهة ماكو انتهت ركضنة بيها للمستشفى جان الدكتور كال الكم 72ساعة واحتمال كلش جبير تموت بقينة مصدومين المهم ضلينة لنص اليل ويها اني رجعت واجت اختي بمكاني مرت يومين من اصعب الأيام الي شفتها بحياتي بيتنة نترس خطار ناس كايمة وناس كاعدة آخر شي نضفت البيت تنضيفة زينة ورحت للمستشفى وغسلت بيبي وقريت على راسهة ادعية وقران وجاي اوكلهة جان تشخر وفتحت عيونها حيل ركضت للطوارئ واصرخ بعلو صوتي واكلهم بيبي مدري شبية اجة الدكتور واخذوهة للعناية المركزية وجان نص ساعة وتفارق الحيات لحد هاي اللحظة اني ما مصدكة انو هية ميتة ضليت أصرخ وامي راد يوكف كلبهة من الصدمة رجعوني للبيت وما انطوني بيبي رجعت اني وامي وابوي وامير واني أصرخ بكل قوتي وابجي والطم الصدمة كلش جبيرة واني جنت آخر وحدة وياه وها قبل ما تموت اعتذرت منها وكتلها بيبي اعذريني جنت بحالة نفسية جان تكلي الف رحمة على روحهة كالت جدة ادري بيج كلبج علي اني مسامحتج والله يوفقج وسكتت وراحت من ايدي رجعت للبيت جاي انزل من السيارة وجانت الدنيا تمطر وكعت فقدت وصلت الطرمة وكعت بعد ما حسيت بروحي انوب صحيت لكيت البيت بس نسوان ويصارخن كعدت وهم بجيت والطمت وكعت جنت ما احس بروحي من التعب انوب جابوهة ودكيت ولطمت وكالو ما ناخذج اني نطيت كتلهم والله احرك روحي اذا ما اروح المهم ب التواسيل رحت اني وامي واختي نورة الطريق كلة نبجي وبين البجي نمت من التعب وبكتهة جانت باردة ومطر ورمضان ومنا من الهبطة اجتني الدورة متت وجع جنت جسدينونفسين تعبانة نمت كعدوني كالو وصلنة للنجف مناك تلكونة أهل بيبي من العمارة متنة بجي اني أصرخ بعلو صوتي والطم اتهسترت مااعرف شسوي وغسلناهة واني ابوس بيها واقرة ايات عليها وابجي وحوللتهة وراحو زوروهة وطلعنة ندفنهة بوكته. والله من حركت كلبي اجيت اموت ودفناهة من رجعت من الدفنة رجع شريط حياتي شلون جانت اداريني وتعبانة علية انتهيت كلش عليه وصارت الفاتحة وخلصت اريد اختصر لان اشوي انوجع كلبي