انا وانت في الحلال

part 3 💍💐

نضت الصباح مغوبشة ما حاملاش نهضر مع شي واحد ماما عيات باغا تجبد معايا الموضوع ولكن اناا غير مهتمة كي جاتكم في لحظة غير متوقعة يقولو ليك غتزوجي شي واحد ما عارفاهش ومعمرك شفتيه ما عرفتيه واش زوين ولا خايب باقي صغير ولا شارف واهم حاجة باباك السلطة الاعلى في الدار ولي قالها كتطبق بالحرف قبل عليه ووافق شنو بقا ليا ما نقول ايلا عارضتو مغدوزش ليا بيخير طاحت من عيني دمعة وانا كنعجن لمسمن ونوجد للفطور مسحتها ب كم حوايجي قبل ما تشوفني ماما باش ما تبقاش تنgر عليا ما عندي ما ندير بشي صداع سلمت امري لله 💔😔 سالينا توجاد لفطور وانا ما بقا عندي جهد للماكلة التفكير قدا عليا كليت غير شوية ورجعت لور وهو يهضر بابا.

بابا: ليوم غتصلي غير في الدار ماماك غتمشي بوحدها باش تهضر مع لمرا غنديرو معاهم السيمانة الجاية يجيو يفطرو معانا ومنها النيت نتعرفو عليهم وما عندنا علاش نعطلو لي طولناه نقصروه.
انا: ومالك ابابا مزروب تتهنا مني؟؟
بابا: بالعكس ابنتي انا كبرتك وكملت كاع مسؤوليتي تجاهك وبلاصة البنت دار راجلها هادي سنة الحياة.

مقديتش نصبر ونشد في قلبي وكاع لي في خاطري قلتو ليه: وعلاش لي ما تسولنيش واش قابلة قبل ما توافق واش حتال هاد الدرجة ساخيين بيا تزوجوني لي شي واحد نتوما براسكم مكتعرفوهش وايلا كان فقيه قدام الناس وزهواني في دارو تخرجو ليا على حياتي وايلا كان كبر مني بسنيييين واش تغصبوني في شبابي.

خبط اطبلة حتا كان غيقلبها علي: اجمعي عليا فمك اقليلة التراابي انا عارف مصلاحتك فين كاين وتلاقيت بيه في الجامع وباينة فيه متخلق وهضرتي قلتها ونتي عارفاني هضرتي مكنعاودهاااش ليوم غتهضر معاها ماماك سيمانة جاية غيجيو فهمتي ولا نعاود.

حدرت راسي ونضت واقفة كنجري لبيتي نبرد قلبي بكا خبطت لباب مورايا وتكيت على فراشي كنبكي وتنخسس بوحدي دائما كنحس بيهم محاملينيش وباغين غير يتهناو ومني ولقاو دابا السبة وقررو يزوجوني.
جلست فوق السرير ومسحت دموعي وقررت بيني وبين نفسي نهار غيجيو غنهضر معاه وغنقول ليه بلي ما قابلااش وبذلك غنتهنا من هاد الزواج.

حركت راسي ب اه وانا مصممة على قراري نضت خرجت توضيت لقيت بابا وماما خرجو للجامع صليت غير في الدار وغسلت لماعن وجمعت الدار طلقت لبخور ومشيت لبلاصتي ننعس شوية حتا سمعت لهضرة براا وصوت ماما وبابا كيهضرو بالجهد حليت لباب طليت عليهم وهي تشوف فيا ماما مبتاسمة.
ماما: هضرت معاها وعطيتها لموافقة ودرنا معاها نهار تلات غيجيو ويفطرو معانا.
قلت ليها وانا مصدومة: نهاار تلااات يعني بعد 3 اياام.
ماما: اه من هنا نوجدو باش نستقبلوهم وما نقصو والو مشات ماما هي وبابا لي كان كيشوف فيا وهو معصب وخلاوني واقفة في باب بيتي مصدومة وما متيقااش راسي سديت لباب مورايا وتكيت على لباب حاطة راسي بين رجليا وجامعة رجليا جهة صدري وبقيت كنبكي ب حرقة.

- ما باغاش نتزوج.

هاد الجملة لي قلتها بحرقة بيني وبين نفسي والدموع برهان على رغبتي.

في نظركم شنو غيوقع؟؟ وكي غيكون هادا لي غيخطبها؟؟