دازت عليا ديك تلاتة ايام كاملة حزنانة وليت كنفكر نهرب من الدار ولكن فيين وواخا هاكاك منقدرش نشوه وجه لواليد عيت نفنع فيهم يتراجعو على هاد الخطوبة ولكن ما بغاوش يسمعو ليا حتا وصل نهار تلات فيقاتني لواليدة على الصبااح.
ماما: انووضي ثضي شغالكم راه ليوم جايين الخطاب.
غطيت راسي بالمانطة باش ما نسمعهاش حتا جراتها علياا.
ماما: حنااان ليوم غادين غيهضرو فيك وايلا بان ليا مكيناسبكش انا بنفسي غنرفض عطيه فرصة وعطي لراسك فرصة راه صعيب في هاد لوقت تلقاي ولد الناس نوضي عليك من هاد لعكز ودخلي الدوشي راه جبت ليك واحد القفطان زوين نوجدو فطورنا ونتسناوهم يجيو.
هضرتها قاستني شي شوية وخلاتني نفكر في لي قالت ضرت ليها وجلسة على الحافة ديال السرير.
انا: علاش من لول ما هضرتي معايا بحال هاكدا مكاينش شي حاجة مكرهاني في هاد الخطابة ولا هاد الزفت غير انكم مبززينها عليا مجيتوش تسولوني نيشان قبلتو عليه بحالا انا ما عنديش الحق نختار معامن نكمل حياتي.
عنقاتني ماما وانا كنت كنتسنا غير هاد اللحظة باش نبكي عنقتها وخليت دموعي يسيلو.
ماما: الدري باينة فيه متخلق واي واليدين غيبغيو يتخناو على بنتهم ويعطيوها لي يستحقهم.
حركت راسي ب اه وانا كنفكر كفاش نهضر معاه باش نقول ليه ما باغاش نتزوج واخا هضرت ماما ولكن باقا رافضة اني نتزوج.
نضت هزيت حوايجي ودخلت دوشت مزياان ولبست بيجامة ودخلت للكوزينة نعاون ماما في الفطور حيت كيما قالت خاص يكون فطور على حقو وطريقو.
صايبت لمسمن ودرت الحرشة وماما طيبات لحريرة وصايبت بريوات معمرين درنا لبغرير وكيكة داك شي جا بسيط ولكن كيعمر العين طيبات لخليب واتاي وما بقا ليهم والو ويجيو مشيت لبيتي باش نلبس عليا لقيت ماما حاطة ليا قفطان جوهرة بالذهبي مع زيفها هويتهم في يدي كنشوف فيهم منكدبش ايلا قلت ذوق ماما في الحوايج خطيير لبيتها عليا وما درتش ليها الحزام حيت عزلات ليا فورمتي درت الزيف وقاديتو مزياان ووقفت قدام لمراية كنشوف في راسي ب اعجاب واخا مدايرة حتا نقطة ديال الميكاب ولكن وجهي صافي بحكم كنتهلا فيه طلات عليا وشدات على فمها قشعت الدنوع لي عمرو غي عينيها جات عندي كتشوف فيا وتعنق وهي كتسمي الله.
ماما: تبارك الله تبارك الله شحال غزالة.
انا: شكرا اماما حتا نتي جيتي زوينة.
كانت لابسة قفطان بحال جوهرة واسع في لغوز ودايرة زيف بيض جات كي الوريدة لي شافها دابا يقول باقا عزبة ههه.
ماما: يالله ابنتي ما بقا والو ويجيو.
انا: وباقي الحال على المغرب.
ماما: راه غيجيو يهضرو فيك هوا لول ونتافقو وديك الساعة عاد لفطور.
عاد فهمت يالله كيسالينا الهضرة سمعنا لدقان وماما كتقول ليا هاهوما جاو حسيت باحساس غريب الخوف والفراشات كيلعبو ليا في كرشي شداتني السخفة والسخانة طلعات ليا ما عمري تخلعت بحال هكا حتال ليووم.
كنسمع في ماما كترحب بالناس وكتقول ليهم دخلو وانا في بيتي خايفة حتا عيطات عليا ماما باش نخرج نسلم عليهم حليت لباب بشوية وخرجت وانا حادرة راسي يالله كي شفت فيهم و اول حاجة جات عيني في عينو وضحك دغيا حدر راسو بقيت مشوكية. ...
أنت تقرأ
انا وانت في الحلال
Truyện Ngắnقصة قصيرة محترمة خالية من اي مشاهد 🔞🔞 وهي بمناسبة شهر رمضان شهر المغفرة والرحمة🌙❤️. كتسرد لينا البطلة قصتها مع فقيه الجامع لي مكانتش باغا تتزوج بيه، كانت كتظنو شي واحد كبير في لعمر وشي بو لحية معقد ولكن من اول شوفة تاكدت بلي حياتها غتكون معاه احس...
