"مادريت ان الحب قتال ولا دريت ان الفقد موجع"

الجزء التاسع

في الجبيل وتحديداً الشاليه📍
تركي بصياح: وجع وراكم في السيارات ساعدوني
لمار نزلت وقالت: هايف ونايف وجع شيلو مع ابوي وتركي
هايف دق كتفها وقال: هاه بديتي تحنين عليه
لمار قبصته وقالت: انت الي جنيت على عمرك تستاهل
هايف بوجع قال: ياملعونه والله لا اقصص ذا المخالب اوريس
تركي كان طايح ضحك وقالت لمار: تبي وحده انت
تركي يمثل الثقل: نعم من انتي
لمار ب احراج وقالت: اسفه اسفه
ودخلت لمار وهايف عصب من اسلوب تركي وقال: شوضعك تمزح معك
تركي توه يستوعب على نفسه وقال: تكفى ياهايف طارت من يدي المره الثانيه
دخل هايف واهو متضايق على لمار واهو يشوف كيف انحرجت قدام ابوها وامها وعمها وخالتها والبنات
فارس توه وصل وقال: مساكم الله بالخير
تركي : مساك الله بالنور
هايف ب استغراب: وشفيك وراه وجهك قالب
تركي بضيقه: اليوم فشلت لمار من دون قصد قسم بس مدري وش الي جاني ورديت عليها كذا
فارس مسك راسه وقال: وشسويت يانكبه
قام تركي وقال له كل شيء وقال فارس: اجل تلاقي الي احسن ياعيون اخوك الحين مو بس لمار الي غسلت يدها منك حتى عمي وهايف
تركي تضايق زياده وحط في باله يقابلها ويعلمها وكل شوي يتذكر شكلها وكيف كانت فاتنه ويتضايق اكثر واكثر وصحى على صوت ابو حمد وحمد وقال في نفسه: ياليل صدق انا وراي عزمته مو وقته ابد
وطلع وراح يرحب فيهم مع ابوه وعيال عمه واخوه الي اعتلت اصواتهم يقولون: ارحبو ارحبو يامرحبا والله ومسهلا
ابو حمد وعياله: سلمهم ارحبو انتو
وسلمو على بعض ادخل تركي بياخذ القهوه ولكن الي طلعت له كانت لمار وهام في صوتها
-
عند البنات
شهد بعصبيه : يوههه تركي لمار تكفين ودي له القهوة
لمار بعصبيه وضيقه: نعم من اخته انا ولا انتي وديها له
سارة واهي عارفه وش بخاطر لمار قال: خلاص انا بوديها
ام تركي بصوت عالي: امي يا سارة تعالي يمه
وقالت نوره: لولي خلاص وديها انتي نزليها وخليه ياخذها والله لو مومشغوله بوديها انا
راحت لمار وخذتها من دون نفس وكانت معصبه ومتنرفزه وقالت: امسك اخلص علي
تركي: ارحبي
راحت لمار وممداها تطلع من الباب قال تركي: تعالي بكلمك
لمار رجعت وقالت بعصبيه ونرفزه: انت فيك انفصام وشتبي اخلص علي
تركي عصب من اسلوبها وقال: اقصري صوتس وانا ماكنت قاصد زل لساني واسف
لمار واهي ركبت في راسها انه يحبها علشان شكلها فقط وقالت : ايه اسمع ياتركي ترا الي بقلبك مو انا تراها وحده ثانيه ودورها يمكن تحصلها ولكن تراك تحرم علي وتراي اختك الثالثه سامع
تركي انصعق من كلامها ودخل من دون لا يحس وقال: وشقلتيييي عنبوس انا مت فيس عنبوس انا كنت بموت كنت بذبح عمري علشانس واخرتها تقولين كذا
لمار خافت وقالت: صد بنظرك جعلك العمى
تركي مسكها مع كتوفها وقال: تكفين يالماري انا احبتس لا تكسرين قلبي ولا تكسريني
ودخلت سارة وشافتهم وقالت: تركي شبلاك فك كتف البنت يامعتوه وصد بنظرك
وقالت لمار ببكي: سارة قولي له لايكسرني انا
وتجمعت دموع تركي وانهد حيل سارة وقالت: تركي تكفى لا تجبرالبنت عليك
وقال تركي: والله يالمار بنت عبد العزيز بن سعود ما اخذ غيرتس وانهم يحرمون علي بنات العالم كلهم غيرتس
وطلع تركي وراح ركب سيارتة واهو متضايق والدنيا ماتوسعه ولمار طاحت على كتف سارة تبكي واخذتها سارة ل الغرفه وخلتها ترتاح
هايف ب استغراب: هاذا وشفيه طلع
نايف: مدري عنه دق دق عليه شف وشفيه
ودق هايف وتركي مايرد وسكتو وراح نايف يجيب القهوة وطلعت سارة في وجهه وقالت : بسم الله ممداني بجي ادق الباب
نايف انصدم من شدة جمالها وقال: سارة؟
سارة بصدمة كيف عرفها: يمه كيف عرفتني
ضحك نايف وقال بهمس سمعته سارة وقال: قلبي دليلي
سارة: هاه؟
نايف اعتدل وقال: الي سمعتيه المهم وين القهوه اخوتس طلع الي مايستحي ولا جاب القهوه
وطلعت لمار تركض من الغرفه وحضنت نايف واهي واضح عليها الحزن والضيق وانصدم نايف وشدها وقال: فيتس شيء ياعيون اخوتس
لمار بصوت مبحوح: خذني طلعني ضايقه
نايف استرجع كل الي صار ليه اخته متضايقه وذاك طالع متضايق وقال بعصبيه: وشهو قايل لتس تكلمي؟؟؟؟!!؟
لمار خافت وانهارت وقالت: موافقه موافقه يا نايف
نايف شد عليها ودخلها غرفتها وقعد يواسيها وقال : يحرم عليس دامس ماتبينه اهو مهددس او قايل حاجه؟!؟؟
لمار ببكي: لا بس انا موافقه
نايف قعد يقرأ عندها قران وطلع وسكرالباب معه ودق على تركي وقال: تركي تعالني الحين بكلمك
تركي بضيقه: يوههه نايف خلها بعدين
نايف بعصبيه: تركي لا تخليني اطلعك من تحت الارض وادفنك تعال اخلص
تركي بعصبيه: طيب طيب جاي
سكر نايف منه وتوجه للمجلس وقعد جنب هايف وقال هايف: وراك بعد انت ماجبت القهوة مثل البومه الي راح الله يفشلكم
وطاح يضحك فارس الي سمعهم وطاح هايف معه وقعدو يضحكون بشكل هستيري وقال نايف: ان البومه مزعل اختك يا وجه العنز
هايف الي احتد صوته: ايشششش ماجابته امه الي يزعل بنت عزوز
فارس بضحك: لا جابته امه ابشرك
هايف: اسكت بس لا تنجلد بداله
فارس: سم سم بس لا تهدد
هايف: سد فمك
وقعدو في صمت الين وصلهم صوت تركي ومسكوه نايف وهايف وفارس وطلعوه برا وقال نايف: تكلم وش انت قايل لها
تركي: امور خاصه شتبي
نايف بدا يعصب واحتد صوته: تكلم لا ادفنك ب اي حق اصلاً تقول امور خاصه ؟؟
تركي: نايف بتعيد وتزيد اخلص ليش داق علي؟
نايف: اسمع اهي موافقة بس ترا مو برضاها وتعرف كيف يعني مو برضاها فهمت ؟
تركي وفارس بفرحه :ايششش، تقوله صادق
هايف تضايق وطلع ل لمار الي كانت نايمه والمخده مليانه دموع وصدر نايف بعد ونزل واهو معصب وقال: وش قايل لها يا الوصخ علشان تجبرها عليك والله ماتاخذها تفهممم؟؟؟؟!!؟؟!
تركي الي بدت تفور العصبية: باخذها الحين ولا بعدين تفهم؟؟!؟؟
نايف واهو يمسك هايف: ويش اعقل ياتركي لا والله يصير علم ماهوب طيب
فارس بصراخ: خلاصصصص خلاصصص تعبتنا وتعبت البنت ياتركي اعقل واتركها ياولد ؟؟!!؟؟
تركي بصراخ: هيي لي انا تفهمون
نايف بصراخ: فارس خذه وده داخل
وكان كل شيء تحت انظار لمار الي كانت تتحرك فيها مشاعر بس مو راضيه تحددها هل هو كره ل تركي او حب
نزلت وتكشخت وكانت تفتن بمعنا الكلمة دخلت تقعد مع امها وخالتها وعمتها نوف ونورة والبنات وام حمد الي تو دخلت ورحبو فيها وقعدو يسولفون لكن اهي كانت تفكر وش الشعور الي يجيها اذا شافت تركي وليش رافضته وقامت نادت سارة : سارة امشي ابيك
سارة: ابشري بي ، وشفيتس
لمار بتوتر: سارة تركي صدق يحبني؟
سارة الي مسكت راسها: لعنبو عدوتس عنبو بغا يموت علشانتس وتسألين تكفين قولي تحرك فيتس شعور
لمار الي ضحكت من اسلوب سارة وقالت: اذا تبين الصدق ايوا بس ما ادري وش الشعور ذا هل حب او كره او اخوه
سارة : اصص اص لا اكفختس بكف وش كرهه
لمار الي ناظرت سارة بطرف عين وقالت: اممم واسلوبه يو جينا بغا ياكلني
سارة: شكلة يغار عليتس حتى من اخوانتس
لمار طقت كتفها: اعقبي
وضحكو الثنتين وبدت السوالف مع ام حمد وقالت: بشرو صار نصيب بين لمار وتركي
ام تركي الي ماعرفت ترد لكن فاجأتهم سارة الي قالت: ايه ياعمه وملكتهم قريب
ام حمد تضايقت شوي وقالت: الله يوفقج حبيبتي وييسر امرج
لمار الي كانو مصدومه قالت: امين امين
وتوجهو البنات للمطبخ ومعهم ام نايف وام انس
وجات نوف جنب لمار وقالت: صدق ؟
لمار الي كانت مصدومه ومفهيه : هاه
شهد ونورة وسارة ونوف وام نايف الي طاحو ضحك وقالت لمار: شفيكم
بعدين استوعبت ومسكت سارة ضرب الين وصلو المجلس الي مقابل مجلس الرجال بس كان مردود الباب وكان تركي طالع من عند المغاسل وشافهم وسمعهم واهم يقولون
لمار واهي تركض: كيف تقولين كذا يا ملعونه
سارة واهي تستهبل: توتس تقولين فيتس شعور اتجاه تروك
وراحت تركض وراها ومسكتها لمار وقعدت تعضها وتركي الي كان مصدوم ولا اهو مستوعب وقال بصوت ضخم: سكري الباب انتي وياها وحسابكم بعدين
لمار الي لفت وقالت تبي تقهره: ومن انت علشان تحاسبني
تركي الي عصب شوي لكن قال بيحرجها: بصير زوجتس قريب يا ام شعور ورا ما تحرك فيتس الا الحين وانا اراكض فيتس من وانا بزر هاه؟!!؟!!
لمار الي انصدمت وقالت: لا يا السكني وش دراك ومن قالك انه لك
تركي الي تخصر وقال: واللهي؟!؟!! اجل لمن؟؟!؟
لمار الي كانت تقبص سارة الي فاطسه ضحك: لسارة بديت احبها
طاح تركي يضحك عليها وقالت: وجع مصرع صدق
تركي ب استهزاء وطقطقه: سوير وشهي لابسه تكفين اصرعيني
سارة الي مو قادرة توقف ضحك من ملامح وجه لمار قالت: لابسه اسود يذبح يا تروك
تركي: اشهد انه حظتس يوم تشوفينها
لمار الي عصبت: لا يلي ما تستحون
ودخلت وطاح تركي يضحك زيادة لين طلعو هايف ونايف وحمد وانس و فارس ويوسف ومازن
مازن: شفيك
تركي الي وقف: مافيني شيء اضحك من اختي
هايف الي يبي يقهر تركي قال : سارونه صح
لف عليه نايف وقال : اعقب
لفو عليه كلهم وقالو : ماشاءالله
نايف الي اعتدل وماسك الضحكة: شفيكم يا عيال بنت عمي
هايف الي دقه: وين شفتها يا مصروع
نايف: شفتها قبل فتره وشفتها امس وهمت فيها
هايف: ياجعلك السلال وانا احسبك ثقيل
نايف: في امي لا امسك ان تعرف من الثقيل
وراحو يتطاردون هايف ونايف والعيال كلهم طايحين ضحك
حمد بضحك: مو صاحين الحمدالله والشكر
مازن: ياخي اشهد انهم فله
يوسف: شكلي بروح اطارد وياهم
انس الي كان ميت ضحك: ياعيال قلبي مو طبيعيين ذول
فارس الي كان نفس انس: بطني مو قادر
تركي الي ضحك ضحكة خفيفه: قم قم انت وياه لايوقف قلبكم نبلش فيكم
وفجأة دخلت سيارة صقروالعمه العنود وكان الجد سعود والجده معهم وقام فتح الدريش
نايف وهايف دقو تحيه من الخوف وقالو: استرححح
طاحو من الضحك العيال كلهم وابو حمد وابو نايف وابو تركي معهم وكانت شكل نايف وهايف يضحك
الجد سعود بضحك: ياويلي من ذا العيال مصرع عزتي والله لقلبي
صقر بضحك: اول مره اضحك كذا الله يسعدهم
العنود بضحك: عيال اخوي مافيهم من العقل شيء
عماد الي نزل يركض يحضن هايف بضحك : ارحببببب، اشتقت لك
هايف: سلمههه ارحبووو، نذر مو كثري ياذا البزر
الجد سعود بمزح مسك عصاته وصار يضرب كتوفهم وسيقانهم ويقول: متى بتعقلون هاه
كلهم: هههههههههههههههههههههههههههههههههههههههههههههه
لمار طلعت تركض ل داليا وتقول: ارحبيييي اشتقت لتس
داليا بحب: اكثرر ياروحي
ردينا : سلام
البنات منغثين منها قالو بصوت ذابل وواضح مالهم خلقها : عليكم السلام
ردينا ب استفزاز: ردو السلام زين يا الباردات
سارة الي وقفت وقالت: طسي مني وراتس
لمار: خلاص هدو يابنات
داليا بعصبيه: ردينا بتعقلين ولا شلون ؟
نايف بصوت عالي: يا لمار وين القهوه
ردينا تبي تستفز البنات بصوت عالي: لماري جيبي القهوه نيوف يبيها
نايف وتركي وهايف وفارس سمعوها قال نايف بصوت واطي بين العيال: وذي وش جابها
تركي بضحك: نيوففف حبيبي
نايف عصب:ورع والله لا امسك
هايف بتفكير وسرحان: عنبوها مافيها سحى كيف جات اخت ل صقر
فارس الي ميت ضحك: نيوف
راح نايف يركض ورا فارس وطاحو العيال يضحكون منهم
صقر الي طلع: شبلاكم
هايف الي مايقدر يتكلم من الضحك اشر على نايف وفارس وطاح صقر معهم ضحك هستيري
الجد سعود بصوت عالي: تعال انت وياه عسى الله يخلف بس الرياجيل بيجون يا السلق تعالو
فارس بصراخ: تركي يا رخمه فكني منه
تركي : كنت بفزع بس على كلمة رخمه خله وياك
فارس: تكفى يا اخوي تكفى يا عضيدي
تركي الي تشمر ثوبه وراح يركض له وقال: ابشر بي
نايف : هايف يا عضيدي عيال محمد توحدو فيني
هايف: يعقبون وانا اخو نايف
بس الي وقفهم صوت سيارة حمد وابوه واخوانه ووقفو
وجو جنب الجد سعود وضربهم على رجليهم: انا منب قلت اعقلو
فارس بوجع: ورا دايم محد ياكل القويه الا انا
الجد سعود: لي انك سلوقي
فارس: قد انا السلوقي مب لمار
نايف وهايف بحب: لبا والله طاريها، لبا قلبها
تركي بهمس سمعه نايف: اي في ذمتي
نايف : اعقل لا اعطيك كف
تركي: تعقب
نايف بمزح: خلاص نتسامح
تركي بمزح: يلا يلا ولد عمي الكيوت
الجد سعود مسك راسه: يالله انك تصبرني لا ادفن ذا الاثنين اليوم
والعيال يضحكون بدون صوت خوف من جدهم
ابو حمد: السلام عليكم
الجد سعود وعياله واحفاده: وعليكم السلام ، ارحبوووو
ابو حمد وعياله:سلمهم
ابو نايف: اقلطو
ودخلو ابو احمد وعياله وأبو عبدالعزيز وعياله واحفاده
لكن تركي لمح له زول وسمع له صوت كانت لمار ماسكه القهوه وتتحلطم
لمار بعصبيه: نايف ياحمار اخلص علي
تركي يمثل الثقل وصوت ثقيل: هاتيها
لمار استغربت: من انت؟
تركي: مالتس شغل ادخلي وصكي الباب يا ام فضول
لمار الي لمحت تركي : سم ، تبون شيء ثاني؟
تركي بهمس: ايه ابيتس انتي
لمار سمعته وقالت: تسمعني وش قلت تبون شيء ؟
تركي: لالا ادخلي يلا
لمار بحلطمه سمعها تركي: الحمدالله والشكر لا عيال عم صاحين ولا اخوان يالله جارك بس
تركي : سمعتس ترا
لمار واهي راحت تركض: يويلي
تركي راح يضحك ودخل وعطى القهوة انس: انت اصغر مننا صبها
انس الي اشر على خشمه: تبشر بي
وراح تركي حب خشمه( سلام رجال) وقعد جنب نايف وقال نايف: شبلاك
تركي الي يضحك وصاد بوجهه: عنبوك يا المهبول تارك اختك صار لها ساعه ماسكه القهوه وتناديك
نايف الي ضرب جبهته: يوه نسيتها نذر ان تسري علي ذا السلقه
تركي: اسكت خرشتها
نايف بضحك: وش قلت لها الله يلعنك
راح تركي وشرح ل نايف كل شيء ووش قالت لمار ووش ردة فعلها وقعدو يضحكون ويغطون وجيهم
ابو حمد: ابو عبدالعزيز وراك معصب
الجد سعود: قومي ذا الخبال
ابو احمد: خلهم يستانسون ترانا طالعين ننبسط مو طالعين طلعه رسميه
الجد سعود: والله ان ضحكهم يرد روحي غير ابيهم يغدون نار شابه عند الرياجيل
ابو احمد: عيالك واحفادك رجال من ظهر رجال غير المرجله لها مكان والوناسه لها مكان واحنا طالعين نستانس يا ابو عبد العزيز
الجد سعود: وانت صادز
_
عند البنات
ردينا ب استفزاز: من الي طابخه الله يعز النعمه
لمار بطرف عين: انا مو عاجبس قومي
ردينا: لالا حلو
تصرفات ردينا كلها علشان تكسب لمار ومحبة لمار مو حب فيها لي انها تحب نايف
لمار بنظرات استفهام: وش غادي عليتس
ردينا: هاه لا والله ياحبيبتي
سارة مسكت راسها: ياراسي ياحبيبتي هاه
طاحو البنات يضحكون والامهات من كلام سارة
ام عبدالعزيز: اخلصو علي زينو القهوه والشاهي
سارة: انتو ماشبعتو ثلاث دلال وبرقان وكلها معبيتها طلعو الرجال ارحم منكم
ام عبد العزيز : الي بيسويها مو انتو الي بتسويها ردينا
ردينا ب استفهام: انا
ام عبد العزيز: ايه انتي قومي لا اميدنك (يعني اصفقك) ب العصا
ردينا الي عصبت وراحت تسويها والبنات الي طاحو ضحك واولهم سارة الي قالت بهمس بينهم: قومتها الهطفه مسويه طيبه نذر ان وراها بلا
ام عبد العزيز الي سمعتها قالت بصوت عالي: سوير لاتخليني اجيبها واحطك بدالها
سارة الي سوت مؤدبه: لالا خلاص
لمار بضحك: ياربي الله يرزقك عقل يا المهبوله
داليا الي تمثل الزعل: تراها اختي
شهد الي حضنت داليا: نعرف بس تعرفين لازم نطقطق ولا تزعلين اسفين
نورة: ايه حتى وانا خالتها طقطقت عليها شفيك زعلانه
لمار الي سحبت داليا مع رجولها وقعدت تسحبها اهي وسارة وصوت الضحك الي وصل للعيال
تركي الي مسك راسه: فشلونا الله يفشلهم
فارس الي غطى وجهه: ياوجه الله
نايف: يافضحي فضحاه
هايف الي عصب: وجع بروح لهم
صقر: امشو امشو
انس: ماعندي خوات روحو لحالكم
هايف الي سحبه مع ايده : الا خواتك داخل
-
حمد كان عند المغاسل وشاف داليا الي كانت واضحه مره له وهام في شكلها وصارت عيونه بس عليها
تركي الي انتبه ويحسب شاف لمار وعصب وقال: صد بنظرك يا حمد
حمد الي اعتدل: سم
تركي الي دخل وقال بصوت عالي: وجع جعلتس الوجع انتي وياها سلامات عندنا رياجيل ورا الباب ذا مفتوح هاه؟!!؟!!
دخلو البنات يركضون
نايف الي يبي يهدي الوضع: خلاص شفيك عصبت عادي
تركي الي انفجر: وش عايدي اختك شافوها الرياجيل وانت تقول عادي
نايف الي صرخ بوجهه: تركييي اعقل واحترم لا والله ماتعين خير
طلع تركي معصب ونادا حمد: حمد تعال ابيك
حمد الي حس بخوف شوي وطلع وقال: سم جاي
وطلعو الحوش وقال تركي: من الي كنت تناظر فيها وعيونك عليها؟
حمد بدون تردد: داليا
تركي الي ارتاح نصه ونصه انفجع: كيف عرفت اسمها وكيف ميزتها
حمد: سمعت وحده تناديها ووحده ماسكتها بس والله ماجات عيوني الا عليها
تركي الي ارتاح : تبيها؟
حمد: ابيها وبخطبها اليوم بعد والله ما افوتها
تركي: كفو وماجاك عندي
حمد واهو يحب خشمه ( سلام رجال): كفوك الطيب
ودخلو داخل وكملو ليلتهم الي كانت جميلة ومليانه احداث وهواش ورجعو ابو حمد ل وعيالهم ل شاليهم
__________________________________
وانتهئ البارت الي قعد شهر واسفه اذا طولت عليكم في البارتات حبايبي  وادري انه قصير بس نعوضكم في الجايات وهاذا الانستا حقي lamoo _.1❤️❤️❤️❤️❤️❤️❤️