عقب شهر من وفاة عبد العزيز بن سعود
كانو قاعدين كلهم في الصاله الي فوق كلهم الامهات والبنات والجده جهير وبناتها
نورة بتركيز: اسمعو بنروح نجيب فطور زين
لمار بطفش: نورهههه بصطرك ترا عدتيها كذا مره اخلصي من بيروح ومن بنروح معه
نوره زفرت عصبيه وقالت: ورعه اصبري بيجيتس العلم لا حول ولا قوة الا بالله صجتني، المهم بتروحون معي بنسرق اول حاجه مفتاح ابوي
الجده جهير ضربت نوره على كتفها وقالت: يلي ماتستحين تطلعين بدون علم ابوتس
نوره بوجع: اجل اروح اقوله ويعطيني كف على كيف كيفي، نكمل واجيب المفتاح وندف السياره ليمن نطلعها برا علشان لا شغلنا الوانيت الاحمر صوته بيسمعه الي في اقصى الحاره واذا تعدينا بيت ابو معجب نشغله ونركب
ام لمار بضحك: الله يسعدس يانوره ليتني اقدر اطلع واطلع معتس
نوره بضحك: يلا اصبري لين تخلصين ونطلع نقز على الوانيت
الجده جهير ضربتها على كتفها مره ثانيه وقالت نوره:ماعليس يمه باخذس معي بحطس على الباب الايمن ولايهمتس
الجده جهير ضحكت وقالت: عنبوتس مافيتس طب ولا طبيب يامهبوله وتبين تعرسين
ضحكو كل الي في الجلسه وقالت ام تركي:اثاريتس تدورين رجل ابشري به معتز اخوي لتس ولايهمتس
نوره بصدمه: يويلي لا ان شاء الله لو اني ابي اعرس اعرست قبل ورعس والسلقه ذي
لمار تخصرت وقالت: ورعه حدتس على ام رجلي وخالي وزوجي تفهمين
نوره قامت تلحق لمار وتقول: لعنبا الوجه ياه هاذا واهي ما نامت معه
صرخو كل الي في الجلسه وقالت لمار بضحك تبي تغيض نوره : ماعليتس قريب
صرخو زياده وقالت ام لمار: يولم البل ورعتي وشعندها
لمار رجعت وجلست بين امها وخالتها وقالت: انا في وجيهكم تركي ونوفي وهايف مو هنا يفزعون لي
طلعت نوره وقالت: شهد داليا ردينا وعد تعالو تعالو نوف اختي تعالي
نوف بضحك: ايه علشان يصقعني ابوي معتس
نوره: لا معليتس
قامت العمه نوف وقالت نوره: شهد جعلس السلال تعالي
شهد بضحك: انا في وجهس ترا
نوره بضحك: اي والله انس في وجهي غير تعالي وجيبي البقرتين الي جنبتس
داليا بصدمه: انا بقره يا الوزغه( البريعصي)
نوره خذت الشبشب حقها وحذفته على داليا: انا وزغه يا البقره اعلمتس بس تعالي
قامت داليا واهي تركض ورا نوره وتحذفها ب اي شوز او شبشب قدامها وتقول: تعالي والله ما اخليتس
ردينا بتعب: انا تعبانه مقدر والله تكفين ياخاله
نوف بضحك: خليتس خلتيس على راكانو مو تعب قد ماهو حب يا الحبيبه
ردينا انصدمت وسكتت ولمار انفجرت ضحك وقالت: الحبيبه
ردينا بضحك:اسكتي بس
ساره تنهدت وقالت: ايههه
لمار قالت بضحك: يولمها يا التنهاد المره تبي العرس
ساره قامت تبي تضرب لمار وقالت: نذر لو تمدين يدتس انتس ماتاخذين اخوي
ساره وقفت وقالت: الله يلعنس انتي واخوس هبلتو بي
ام لمار بضحك قالت: شقومس على عيالي يا سوير
ساره واهي رايحه تزين الحليب: ولدتس مصع القلب وذي تهددني
صرخو زياده وطلع الجد سعود وقال: وجع وجع وشعندكم ولاتهم
سكتو كلهم الا لمار الي امها تحاول تغطي فمها واهي فاطسه ضحك من اخر كلمه قالها جدها وقال: الورعه وشقومها غدا وجهها احمر
ام لمار كاتمه الضحكه: مافيها شيء ياعم مافيها شيء
فجأة لمار فطست ضحك وتذكرت شهد ونوره وداليا والعمه نوف تحت يدفون البهبهاني وانهارت ضحك زياده يوم وقف جدها عند الشباك وشافهم يدفونه وقال: انا ابن ابوي يويلي ذول شبلاهم سيارتيييي
ونزل الجد سعود ووقف وراهم واهم مايدرون وقرر يدف معهم وقالت نوره: السيارة صارت خفيفه شفتو
داليا ناظرت وقالت بصراخ: جديييييييييييي انحاشوووووو
وتفاقعو داليا طلعت مع البوابه وراحت تركض تدخل مع الباب الي ورا ونوف راحت تركض داخل والجد سعود يلحقها وشهد ونوره ركبو السياره وانحاشو وفطسو ضحك في السيارة فوق ما انهم مخططين يسرقونها وابوها قدامها ماخافت ولا تحرك فيها شعره وتوجهو ل ابعد مطعم في القصيم علشان ما يقفطهم الجد سعود بسرعه ويلعن خير خيرهم
العمه نوف دخلت تركض ولقتهم يضحكون وقالت:خبونيي تكفون بيذبحني ابوي
الجده جهير كان تضحك وقالت: عنبوتس ولدتس اطول منتس ومره قدس كبيره تروحين مع السلق ذول ليه
العمه نوف واهي تلقط انفاسها: توبه توبهههه خلاص
داليا دخلت وقعدت كأنها ماسوت حاجه والتفت ولقتهم يناظرونها ب استغراب وفجأة انفجرت وكلهم ضحكو:ههههههههههههههههههههههههههههههههههههههههههههههههههههههههههههههههههههه
وقالت الجده جهير: اختس فين وبنت اخوتس
العمه نوف بضحك: خذو البهبهاني وهجو
انصدمو كلهم وكملو ضحك الا لمار الي كانت منعزله شوي عنهم وقررت تروح غرفتها وتدق على تركي وممداها تبي تدق ودق تركي وقال: ارحبي ارحبي ارحبي لين مايبقا من المرحبا شيء
لمار ابتسمت وقال: البقى لبا عينك
تركي بحب: كيفك ياروح تركي
لمار واهي تحرك اظافرها وصوتها سوي متضايق: بخير ماعلي
تركي عرف انها متضايقه وقال: قلبي فيتس شيء ؟
لمار تنهدت وقالت:
(ضايقً صدري ولا ادري وين اروح
كل ماحاولت اسلي نفسي ماقويت
