في القصيم📍
ساره: اصبرو بشغل شيلة خوالي ولمار قومي قومي
لمار قامت وشغلت لها ساره الشيلة وقعدت ترقص وقال تركي: ياولددد
ام تركي قامت ركض وقالت: هلا امي؟
تركي: لبيه ياعيوني وين لمار؟
ام تركي: موجوده
تركي: خليها تجيني لبيتس
ام تركي: ماراح تسمع لي ترقص
تركي ابتسم وقال: صوريها لي تكفين
ام تركي بضحك: لا يا الوصخ
تركي: تكفين يمه من عرفتها ولا ماشفتها ترقص صوريها
ام تركي جلست في زاويه مايبين الا الجده جهير وصورت لمار وارسلتها ل تركي وقعد تركي يتأملها وجمالها وجمال رقصها ومبتسم وكأن الدنيا له واهو يشوف حب حياته مبسوط وقاطعه رعد وقال: شفيه الحبيب اشوفك من اعرست وانت رايح وطي
هايف ضرب رجل رعد وقال: سد حلقك لا ايتوطى في بطنك تراه مهبول
رعد بضحك: خله علي يبني الحلال
انس بهبال: يوهه اذكر لمار صاروخخخخ
تركي نفص عيونه وقال صقر بخوف: ايههه عينا خير الحين القم يا ابو خشم
انس انحاش ورا ظهر نايف وقال: تكفى انا في وجهك
نايف التفت عليه وضربه على راسه وقال: تمدح اختي قدام الرياجيل يا رخمه
اني بخوف: والله امزح
تركي حذف جواله على الكنب وقال هايف: خله خله ورع جاهل
تركي تشمر ثوبه ورفع اكمامه وقال: وده ورع ووده شايب يبنجلد
عماد بضحك:ابك حط رجلك يا مبدول
ويحط انس ثوبه في فمه وتركي يحده من جهه وينحاش من جهه وبينهم نايف منسدح على فراشه وقال: انتو بتهجدون والا والله ان امسك العصا وامردغك انت وياه
انس انحاش لحوش الحريم وكانو كلهم جداته وخالاته موجودين وقال: انا في وجهك من ابو قذيله النيص ذاك
تركي جاي يركض: انا النيص يا العنز
الجده منيره بضحك: تكفى ياتركي طالبتك تراه في وجهي
تركي قعد في وسط الحوش بقهر وقال: ياليللل اوريك يا العنز تعالني هناك بس
انس اخذ الساندوتش الي تو ردينا فتحته تبي تاكله واخذه وقال: جب ولا كلمة روحي جيبي لتس ثانيه وانت يا النيص رح رح لا اجيك
ردينا ضربت كتفه وقالت: جعلك تغص يا العنز
انس غص وقال: يهيب يادعوتها
انفجرو ضحك الي في الجلسه من محارش ردينا وانس:هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
تركي وقف وقال: اني ابيك تجي جعلني فدوتك انوسه ابوفلوح تعال ياقلبي
انهرو كلهم الي في الجلسه من شكل انس الي قاعد يمثل مو مهتم واهو خايف ويرجف وتركي الي يحترق غيره وطلعت لمار وقالت: شفيك تروك في شيء ؟
تركي ابتسم يوم شافها وقال انس: يوههه ياشين الحبيبه لا اجتمعو
جات لمار وجلست قدام انس وحذفته بعلبه المويه الفاضيه على جبهته وقالت: احسن وصلتني علومك يا العنز
تركي انفجر ضحك واستانس وقال: ايه كفو كفوو ، يلا استأذنكم بنطلع انا والعيال
انس : بجي معكم
تركي بضحك: اقعد عندك بس
انس بقهر: يمه يمه بروح معهم
نوف بضحك: ورعان شفيكم على ورعي انتي ورجلس
لمار: خليه يعلمتس
نايف من ورا جدار الحوش: انوسه تعال والله مايقربك
تركي بضحك: تعال تعال منعك مني نايف غير لعد تعودها صفقتك
انس راح لبس نعوله الي حذفها واهو يركض وقال: وش تبون اجيب لكم بنات
لمار: انوسه جيب لي هوت شوكلت الي جبته لي اول والله يا اهو جامددد
انس بمزح: كلمي رجلتس انا مااكلم متزوجات
نوف بضحك حطت يدها على خصرها: وانا؟
انس: حتى انتي بس عنود وهنوده وداليا ووعد ولين وساره وشهد
ساره واهي طالعه بلقهوه: وشفيها ساره عنبو حظها
انس: وش تبين اجيب لتس
ساره استانست وقالت: وشرايك تطلعنا كلنا البنات بدون امهات تكفى
العمه الجادل ضربتها على فخذها وقالت: لايا الوصخه ليه؟
ساره: هونا هونا جيب لي هوت شوكلت الي جبته لنا انا ولمار وشهد اول تكفى
انس: ايه انتي وشهد بس لمار ماعلي منها
تركي فك شوزه وحذفه على انس وقال:الله لا يحوجها لك يا الكلب، لولي تبين شيء غير الهوت شوكلت؟
لمار تبي تقهر انس غمزت للبنات يعززون: لا ياعيون لولي انت
البنات والامهات قعدو يصيحون وقالت الجده منيره:الله يخليهم لبعض عيالي حبايبي
انس بمزح: ياشين الاربعيين تطورو
وراح انس يركض للسياره واول ماوصل قال نايف: اجل ساره وشهد هاه
انس: انت قلت انا في وجهك من الثور ذاك صح
نايف شال انس مع ثوبه وقال: اطري اسمها مره ثانيه بصقعك بواحد ماتنام من الصداع يومين
صقر بضحك: مسحو بك التراب يا الصيده اجل يازين لمار هاه
رعد بضحك: ايه ايه يازينها قدهو عارفهم الوصخ
عماد بضحك: حافظ بعد وجيه داليا ولين ووعد بعد
ضربه صقر على رقبته وقال: ياويلك تهرج فيهم لعنت خيرك
انس بطفش: اوههههههه الي يشوفكم يقول ملكات جمال العالم سد فمك انت وياه يععع
كلهم طاحو ضحك وقال نايف: هايف وينه
هايف طلع واهو ماسك نعوله في يده: هيي وراكم رحتو بلكزس خلونا نروح ب اي سياره صغيره الي يشوفنا يقول رايحين عرس
نايف بضحك:اركب اركب اخلص
وركب هايف وتوجهو للكوفي يتقهوون ويجيبون للبنات الي يبون والحريم
_._._______.___
عند نجد وجود
نجد بخوف: جود انا كلمت تركي وتعذرت منه علشان ابوي واحس اني غلطانه بس امي ياجود بتذبحني امي لازالت تبيني له وانا مابيه كرهته
جود عطتها نظرة الي ناقده عليها: سؤال واحد تدقين على الرجال ومتزوج واكيد زوجته معه ليه؟!؟!؟؟؟
نجد : ياجود والله مو في قصدي شيء لكن ابي اعتذر عن الي سويتيه وتعرفين الجد سعود عازمنا بكره ولا لي خلق نظرات وكلام
جود : طيب يانجد الحين تراتس مو بزر تسمعين كلام امي وترا ابوي ماسوا ذاك اليوم وكفختس الا وانتي مسويه عيب كبير على عمرك والولد تزوج وزوجته يحبها ليه تسمعين كلام امي لو خذاتس تحسين بيكون قلبه معتس؟
نجد : لا ياجود ولا ابي خلاص كرهتهم
جود مسحت على كتف نجد وقالت: وانا اختس صح الله ماعطانا ام طيبه وتحب الناس لكن عطانا ابو يسوى العرب كلهم وعطانا حنان الام والاب والا في اب يبكي علشان ضرب ومد يده على بنته في حياتي ماشفت ابو زي ابوي يانجد بري فيهم كلهم لكن كلام امي سوي نفسك ماتسمعينه ولاتسمعين تهديداتها ترا امي تخوفتس بس علشان توصل للي تبيه
نجد تنهدت وحضنت جود وقالت: الله لا يرحمني منتس ولامن ابوي وجعل ربي يصلح امي بس
جود بحب: امين يلا يلا قومي نجهز شناطنا واخليتس تكلمين البنات وتعتذرين لهم علشان نجي وتكون قلوبهم صافيه ومو شايلين عليتس بذات لمار وساره تراهم اقرب ثنتين لبعض ياويلتس منهم
نجد ضحكت وقالت: والله اني متضايقه علشان لمار يختي رحمتها انا من صوت وملعون الثوى ذاك الي خطفها وجننها من صوب ووفاة ابوها من صوب قسم بالله في حمل على قلبي ودي اشيله واعتذر منها وتسامحني ووالله لا اصير لها الاخت والي تبي بس ابيها ترضى انا سويت اشياء مافي انسان يسويها بس امي ياجود
جود ابتسمت وقالت: ادري يانجد قلبك طيب لاتخربين طيبت قلبك يانجد حتى لو الزمن شين ترا سمعتس الطيبه هي الي بتبقى
نجد: خربت سمعتي بسبب امي ورجال ياجود
جود: تقدرين تحسنين من وضعك مايهم الناس اهم شيء من داخلك
نجد مسحت دموعها وقالت: يلا يلا قومي نجهز
وجهزو اغراضهم نجد وجود بيمشون القصيم بكره ابو نجد يبي يعتذر عم الي صار ويبي بنته تعتذر لي انها على غلط ويمكن يستقرون في القصيم ويمكن لهم عوده ل قطر بعدين
_____._.______
عند البنات
شهد: امي وخالتي فينهم غريبه
ساره: اي صدق شكل عندهم سر بروح لهم
مسكتها الجد جهير وقال: انقعري بس
لمار: خلينا نروح لهم نناديهم شفيتس ياجده
الجده جهير: اصه ولا وحده تقوم كلكم اقعدو
الجادل دقت رجل لمار وقالت: عندتس سالفة انتي والجده منيره يلا علمونا
لمار: يجي تركي ونقول لكم السالفه من بدايتها لين نهايتها
نوف: شكل السالفه كايده
الجده منيره: لاتعلمينهم
ساره تقبص لمار من تحت وضربتها لمار مع رقبتها وقالت: ياالملعونه تدرين يدي شافها تركي وشره عليتس فشلتيني ياحماره
ساره بوجع: اوريتس اوريتس قدها؟
لمار قامت وقالت: ايه قدها وانا بنت عزوز
وجو بيسوون حلبت المسارعه الي كل يوم ولكن قطع عليهم دوخل الجد سعود بعصاته وقال: ايوه ايوه تضاربو قدام جدتكم يلي ماتستحون
ساره واهي مركزه على لمار ومسويه حركه ومدنقه وقالت: خلها علي ياجدي
وجا الجد سعود ضربها بلعصا على الخلفيه وقالت: اخت اخوي يوههه اجعتني
الجد سعود انهار ضحك واهي ساره طلعت لهجتها الحقيقه وقال: احسن احسن يا الخبله مره ثانيه تعقلين
ام لمار طلعت تضحك وقالت: وش مسويين يا سلق
لمار منهاره ضحك من ساره وقالت: تحدتني ولعل جدي خربها علينا
قال الجد سعود بضحك:تبينها تعرض على جنبس انتي بعد؟
لمار كتمت الضحكة وقالت ساره: ايه ايه مثلي ولا تفرقه
الجد سعود راح بيلحق لمار بس سبقته وقالت: ايه ناويني بس راحت عليك
ساره راحت تركض تلحق لمار وقالت لمار واهي تركض: يمه يمه السلقه امنعوني منها
_____._.______
عند العيال
كانو واقفين كلهم عند الكاشير وقال انس: ابك خواتكم بقر جيبو لهم اي شيء
صقر ضربه مع راسه: اريتك انت بتتصفق اليوم يا العنز
هايف: علي نذر لو ماتسكت لا ارصعك اليوم
الكاشير منهار ضحك منهم وقال تركي: استر ماواجهت تكفى
الكاشير: الله يسعدكم وماعليك مستوره
نايف مسك انس مع ثوبه من فوق وقال: امش امش لعنبو من عاد جابك معنا
وطلعو كلهم وبقى تركي وهايف وقال تركي: دق دق على لمار
هايف: هي يامصروع حرمتك دق عليها انت
تركي مفهي وقال: يوه نسيت اصبر
هايف ضرب جبهته وقال: اخو ناظا صدق
تركي ضحك وردت وقال: الو لولي وش تبون اخلصو غير الهوت شوكليت
شهد بضحك: لولي اجل
تركي انصدم ولف الجوال بيتأكد وقال: شجاب جوال حرمتي معتس
شهد: انت مرتك قلنا بتعقل غير مافيه فايده تطارد اهي وسوير دوخونا صار لهم نص ساعه
تركي ضحك ومسك ضحكته وقال: يالله انك تعيني عليهم صدق يلا يلا وش تبون اخلصو
شهد علمته بكل الطلبات وقال: تبون اجيب الكاشير والبريستا معها
البنات ضحكو شهد كانت فاتحه سبيكر وقالت ساره واهي تركض: تركييييي امنعني من سلقتك تكفى تعال
تركي بحب وضحك: ابشري ياعيون تركي جايتس والله ما اخليها السلقه
لمار وقفت وحطت يدها على خصرها وقالت بعصبيه: ايه تعال واعلى مافي خيلك اركبه والله ان تندبج انت واهي تفهم
تركي بمزح: ايه زين يلا شهوده تبون حاجه ثانيه اسألو السوري وش تبي ما سألتها
ساره واهي تبي تقهر لمار: جيب لي على جوك دايم الي تجيبه يطلع حلو بس حاجه وحده مو حلوه
البنات والامهات والعمات والجدات والجد سعود وصرخوكلهم فهموها :اوهههههههه، لالا قويه ياسار، اححح اححح لالا
لمار فهمت قصدها وزعلت وتضايقت بعد ودخلت داخل للبيت تحت طقطقتهم وقال تركي: ساره مو كأنها قويه
ساره واهي تحسب لمار زي اول وعادي عندها: ماتعرف مزحنا انا ولمار الحين تجي نكمل هواش
تركي ماتطمن واجد وقفل وقال هايف: كلمتها والله قويه اكيد لولي زعلانه الحين اسمع انت خذ طلباتهم وبنزل عماد يشيل معك وبكلمها لاتكلمها انت وتزيد الطين بله
تركي تضايق وقال: رح رح ماعليك
دق هايف عليها ولاترد دق كذا مره ولا ردت ودق على امه وقال: يمه روحي شوفي لمار
ام لمار بضحك واهي بعد نفس ساره تحسب مزحهم: يمه ترا عادي مزحهم الثقيل دايم
هايف ضرب بيده الجدار وقال: يمه روحي شوفيها وبس
وقفل هايف واهو الدنيا ماتاسعه من العصبيه وضيقته على اخته الكملة قويه مره على لمار
_____._._____
عند لمار بغرفتها
دخلت الغرفه وصكت الباب بقوة واهي تبكي وقعدت تمسح المكياج واهي دموعها ماتوقف وقالت: اجل انا الشيء الي غلط تركي فيه
قعدت تمسح المكياج بقوه وفكت لبسها ولبست بجامه عاديه ودخلت في سريرها واهي نفسيتها الفتره ذي مو كويسه فوق وفاة ابوها الي مو مصدقتها الين الحين الي سواه حمد فيها ومستحيل تتخطى الي سواه وفجأة رن جوالها وكان رقم غريب وردت وقال: الو السلام عليكم استاذه لمار؟
لمار خافت يكون حمد وقالت: وش تبي ومن انت
الدكتور: انا الدكتور الي كنت قايم على حالة ابوك ممكن بكره تجيني المستشفى
لمار بخوف:مقدر اجي والله ممكن انت تعلمني من الجوال
الدكتور بخوف: اسمعي استاذه لمار اتمنى تفهميني زين وارجوك ماتسوين لي حاجه انا لمن جيت احط ل ابوك الليات حصل خطاء من دون انتبه له ولمن جيت بطلعها قطعت عروق القلب ووالله ماكان قصدي والله ماكان قصدي ارجوك استاذه لمار تفهميني
لمار كانت مصدومه وترجف وتدمع وقفلت الجوال واهي تحس نفسها في حلم
وقعدت تبكي وترجف واهي تتذكر كل حاجه ونامت من دون لاتحس وبعدها بشوي حست ام لمار ان فعلاً لمار زعلانه مرت ساعتين مانزلت والعيال رجعو وقالت : تركي روح شوف لمار
تركي ماكان ياكل شيء ولايشرب وينتضرها تنزل وقال: ابشري، هايف نايف امشو معي
وطلعو فوق الثلاث وقال هايف: ادخل انت شوف وضعها ونادنا
دخل تركي واول مادخل لقى لمار نايمه وتتحلم وتبكي وتتكلم واهي نايمه وتقول: تكفى لا تذبح ابوي لالا تكفى وخر وخر
تركي تمجد بمكانه وقال: هايف ادخل انت ونايف بسرعه شوفو
ودخلو نايف وهايف وانصدمو ب اختهم كيف تبكي ونايمه وفوقها تتكلم وقام هايف راح لها وقال: نادو امي بسرعهه
وراح نايف يركض وقال: يمه يمهههه تعاليي بسرعه
وجو كلهم يركضون ودخلو ولقوها باقي نايمه وتتحلم وتتكلم وتركي وهايف من الجنبين ومايدرون وش يسوون وقالت ام لمار: بسم الله على بنيتي يمه بنتي
وحضنها وقامت لمار بصرخه وقالت: لاااااااااا ابويييييي
كلهم انفجعو وكلهم خافو وقالت الجده جهير: وخرو وخرو ساره جيبي مويه
ساره كانت مصدومه وقاعده تدمع عيونها ولا تدري وش تسوي وراحت تركض شهد وجابت مويه وعطت هايف المويه وقالت: امسك عطها مويه
وعطوها مويه ومسحو وجهها وخذاها تركي وسند ضهرها على كتفه وقال: بسم الله عليك بسم الله عليك وقعد يقرا عليها قران علشان ترتاح
اما لمار كانت تشوف حلم وله تفسير وكانت تدمع خوف من الحلم وقالت : تركي تركي بنزل تحت معكم مابي اقعد هنا
وقال هايف: تركي انزلو انتو بقعد معها شويه
تركي يعرف ان هايف يعرف ل لمار مره ويقدر يغير نفسيتها بقوه واول ماطلعو كانو العيال كلهم واقفين عند الباب ومتضايقين علشان لمار وقال رعد: كيفها ياتركي
تركي واهو يمسح وجهه: والله ياعيال مو بخير
تركي: امشو امشو بقول لكم السالفه كلكم
وقعدو كلهم اهل البيت وجات الجده منيره ووقفت جنب تركي وقال تركي كل السالفه لهم تحت صدمة الكل وقالت ام لمار: يويلي على بنتي
ام تركي ببكى: تركي يمه ماقدرت تتصل فينا وتعلمنا
تركي: لو علمتكم وش بتسوون ولو علمت هايف ونايف بيذبحونه ولمار محلفتني ما اقول ل احد
نايف واهو مخفي ضيقته وعصبيته: تركي ماكان تصرفك سليم ابداً على الاقل لو علمتنا بنعرف وشنسوي مع لمار مو تسكت عن سالفه زي كذا وبعدين حمد شلون وصل لكم
تركي: والله ما ادري
الجده جهير: لمار واهي تتكلم قبل شوي ماتقصد حمد لمار قالت ابوي فيه سالفه صدقوني عند لمار وحتى تركي مايعرفها
الجادل ببكي: وش يضمنى انه مايعرف تركي تكلم وش السالفه
تركي: والله ما ادري والله
نايف: انا بروح لهم فوق
ام لمار: اقعد هايف عندها
وقعد نايف ومسك تركي وقعده جنبه وقال: ماعليك موب صاير لها حاجه
تركي واهو خايف بس قال: يالبا قلبك يانوفي
وابتسم نايف رغم ضيقته وكلهم كانو قاعدين ويفكرون وش سالفة لمار وليه تقول كذا واول مره تسوي كذا حتى امها تقوله بنتي مو كذا ولاعمرها سوت كذا
____._.__________
عند هايف ولمار
لمار حضنت هايف وقعدت تبكي وقال هايف:لولي عيون وقلب اخوها وشفيتس
لمار ببكي: ولا شيء بس تحلمت في ابوي
هايف بدت عيونه تدمع وقال: لولي عيوني متأكد مافيه حاجه
لمار ماكانت تبي تعلم احد ب اي شيء وتروح وتشوف الدكتور ذا وش سالفته وبعدها تقرر تعلم او لا وقالت: لا مافيه شيء
مسح هايف دموعها وقال: لولي الله يرحمه ياقلبي ادعي له وشرايس نطلع الحين انا وانتي وتركي ونايف نفر في القصيم ونغير جو
لمار ابتسمت وقالت: يلا يلا
ابتسم هايف وقال البسي عبايتك العيال كلهم تحت يلا من قدك بدال الاخوين 7 مدري 8
لمار ابتسمت وقالت: ياحلوكم بس
ونزلت واهي ماسكه يد هايف وما انتبه الا ساره جايه تركض وحضنتها وقالت: لولي اسفه وربي
لمار ضحكت وقالت: مو علشانتس يا الخبله بس كذا كنت تعبانه من الخط وخذيتها فرصه
كلهم ارتاحو من اسلوب لمار وضحكتها وقال رعد: فيتس شيء وانا اخوتس النيص ذا مسوي لتس شيء وملعون الخير الي اسمه حمد خليه علي نذر مايسلم مني
صقر: ولا مني
فارس: ولا مني الكلب
انس: انا شفتي لا شفته بقطعه بقطعه بقطعه
تركي مسك انس وقال: هوب هوب هوب ارتاح يارجال
انس: اوريه بس خل اشوفه
نايف حضن انس واهو يضحك وقال: اهجد بس
لمار ابتسمت وقالت: لا ان شاء الله خلوه خلوه ربكم بياخذ حقي منه والحكومه ماتقصر اهم شيء طالبتكم طلبه كلكم محد يقرب صوبه ولا يجيه ان كانكم تخافون علي انا يا اختكم
كلهم: ابشري ، على خشمي وتختلف ردودهم كذا
لمار: عليه الشحم وتبشرون بلجنه بس اسمعو جهزو العزبه بكره نبي طلعة بر ليلية
عماد نقز وقال: الحين اقوم اضبطها
صقر ضرب جبهته وقال: ابك نذر ان يحوسنا يوهههه عينا خير
كلهم انهارو ضحك: هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
وقال نايف: اجل تم انا بروح اجهز الاغراض امشو ياعيال
رعد جا ووقف عند لمار وقال: ياويلتس تخافين واحنا اخوانتس كلنا عندتس واعرفي بدال الاخو 7 وتروك معنا تفهمين
لمار كانت تهاب رعد واهو رجال وهيبه وطول وعرض وقالت: ابشر
تركي مسك يدها وقال: اروحا؟ ( يعني مشينا)
لمار ضحكت وقالت: اروحا امش امش
ام لمار مسحت دموعها اهي وام تركي وقعدو يضحكون على هبالهم وقال هايف: لا يا الملعون خذا اختي ورععععع جبها
تركي: سرها بس سرها( يعني انقلع )
هايف قعد على الارض وحط يده على خذه ومثل انه يبكي وزعلان: يمهه عينه خذاها خليه يرجعها
ام لمار قامت وباستها وقالت: ياعيوني يا امي بطقه اذا جا معليك
انهارو ضحك منهم وقالت الجادل: امشو امشو نطلع برا العائله كلها خربانه ياالله المستعان
وقعدو برا يسولفون ويضحكون وطلعو العيال معهم برا وطلعو كل العزب الي موجوده عند الجد سعود وكان عماد في وسطها ويطلع والعيال يهاوشون وقال: صقر انت تبي ذا
صقر واهو رابط راسه ب الغتره ومصدع: لعنبا ديرةً جيتني منها يا المبدول ابك خلها وتعال لاحول ولا قوة الا بالله
رعد واهو زي صقر: شله شله جعلها تشله الجن والعفاريت كانه اجعني في راسي المعوق ذا تكفى ياصقر
فارس حذف عماد ب زبيريه حقته (الله يكرمكم) وقال: قم الله يسلط عليك كانك ذبحتنا وصجيتنا بذا القدور يا ام زكي
نايف: يالله انك تلعنه يالله انت صاحي قول لي والله لو اننا ماطلعنا كشته بحياتنا
انس بضحك جايب قدور زياده ويعزز ل عماد:ماعليك منهم
صقر قال:فارس عطني الفرده الثانيه من الزبيرية (الله يكرمكم )
اخذ صقر الفرده الثانيه ورماها على انس وعماد وقال: قم انت وياه جمعة القراشيع ذي لا علي نذر ان اسري عليكم اليوم يا اثنين
طبعاً البنات والامهات والجدات ماخذيت الحب وياكلون فيه وشاهي ويضحكون عليهم :ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
_____._._____
عند لمار وتركي
لمار واهي قاعده اهي وتركي في حوش الرجال وماخذين مخدتين وقعدين وجايب تركي لها كل الي طلبته وقال: تحسبين بنساتس او مابجيب حاجه لتس تحسبين في اغلى منتس؟
لمار ابتسمت وقالت: هوب هوب وش الكلام المعسول ذا
تركي باسها وقال: المعسول والله خدتس
لمار ضربته مع كتفه وقالت: لا يا المروح تبيني ارضى بدري معصي وبعدين عيب قاعدين في حوش رجال يطلعون جداني الحين ولا عمي اعقل
تركي ضحك عليها وقال: الله الله تحسبين بهتم تراتس حرمتي
لمار: انت بتعقل ولا لا
تركي باسها مره ثانيه وقال: لا
خذت لمار السلبر حقها ( الله يكرمكم) وقالت: هاه بتعقل؟
تركي واهو قام من جنبها وبعد شوي: لا
قامت لمار شمرت عبايتها وربطتها على خصرها وتحجبت وقعدت تركض وراه وتقول: تعالي علي نذر ما اخليك
تركي واهو يركض ويضحك عليها وقال: يلا تعالي تعالي
لمار تركي وراه ولا قدرت تمسكه وقالت: تعال يا سلوقي مسرعك يهيب
تركي وقف ولمار مسرعه وصدمت في صدره وقالت: عمى يا المهبول
ومسك يدها تركي وقال: يلا اضربي يلا
لمار تحاول تفك يدها تبي تضرب ماقدرت وتذكرت انها تعلمت حركة في النادي دقت رجله من تحت وطاح وفكها وقال: اوووو كسرتيني يا سلقه
لمار خافت شوي وقالت: اسفه والله بس حديتني
تركي ضحك عليها وحضنها وقال: ايه اعرف لتس يلا الحين فكي نفستس
لمار بضحك : فكني فكني
تركي : لالالا
لمار منهاره ضحك منها وقالت: هايففف نايففففف
تركي حاول يسكر فمها وقال: اسكتي وربي ما افكتس خليهم يجون يشوفونتس كذا معي
لمار تضحك وتصارخ وقالت: هايففففف فكني منه تكفى يا نايف واحد منكم يجي
نايف وهايف سمعوها واهي تستنجد فيهم وجو يركضون وقال هايف: اخو نايففف احتزمي
نايف واهو يركض سمعوه كلهم: اخو لولي
انهارو ضحك كلهم من نايف كيف يركض ويفحط ويقول اخو لولي :هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
وقالت نورة: احذر على عمرك لحد يطيح ياابن الحلال
ولمار تقول: فكني ياسلقي
تركي فكها وقال: طيب طيب اعلمتس الحين اخوانتس بيمنعونتس مني بس بعد شوي محد مانعتس مني
لمار راحت تركض ل هايف وقال: علامتس
نايف واهي لازال يفحط ويقول: اخو لولي
لمار وتركي طاحو ضحك واول مره يشوفون نايف بذا الهبال وراحت لمار وقالت: ياعيون لولي اسمعو شفتو ذاك
هايف حط يده على خصره وقال: ايه
نايف نفسه: ايه
لمار بخبث: ابيكم تكفخونه تكفخ
نايف: بس
هايف: بس كذا ابشري
لمار : ايه بس لا توجعونه
نايف: كيف لا نوجعه مصروعه انتي
لمار بضحك: بخيف تكفون
تركي قام ووقف جنبهم وقال نايف: شف هيوفي حبيبي انا احتال فيه اما انت بيعفصك ويعفصني معك انقعر على قولة جدتي
هايف نقز وتعلق في رقبة تركي وقال: وش مسوي في سلقتنا هاه
لمار ضربته على ضهره وقالت: قلت افزع لي مو تسبني ياحمار
تركي غمز للمار وقالت: ايه ايه قوم بلواجب
وبدت حلبت الهواش بين هايف وتركي ولمار نايف قاعدين وياكلون الحلال ويضحكون وقال نايف: امحق عيال عم
لمار بضحك: شف تكفى كيف تركي ماسكه برجوله
نايف: ول ولي خلاص خلينا نفكهم اخوتس فوق ما ان عنده احمر خدود طبيعي غداء وجهها احمر
وفكوهم وقال تركي: ها مره ثانيه سو فيها فزعه
هايف قبص لمار وركض وقالت: يابزرررر
تركي حضنها وقال: علي نذر ماتخلى يا سلوقي
هايف راح منتصر ويضحك ونايف يقول: الله يخلف على هند بس جابت المصروع ذا
ولمار وتركي كملو يتقهوون وتركي مشغول يتأمل لمار وقال: اهخ جعلني ما انحرم من شوفت الوجه الحسن ذا
لمار ابتسمت وقالت: ولا منك ياقلب قلبيي
تركي باسها وقال: يلا يلا اظاهر كلن دخل غرفته نوممم ورانا بكره يوم طويل
لمار: من عيوني يلا يلا
وراحو تركي ولمار غرفتهم وطاح على السرير بتعبت وقال: اوهههه والتعب تكفين تعالي تعالي بحضني
لمار جات بحضنه ونامو نومه تسديد فواتير ثانيه
_____._.__________
عند ابو نجد اليوم الثاني
ابو نجد بصراخ: يلا يابنات ورانا خط طويل
نجد بخوف: يلا يلا يبه
ابو نجد وقفها وقال: اسمعي حركاتك الي سويتيها عندهم مابيها تنعاد تروحين الحين تقعدين مابيتس تحتكين فيهم او تسوين حركاتس تفهمين والله ان جاني علم انك لفيتي ودرتي والله يانجد لا اجرك من عندهم تفهمين؟!؟!؟؟؟؟!
نجد دمعت وقالت: يبه تكفى والله مو بيدي الي سويته امي يايبه اقدر اعصاها وانت تعرف امي اقول لا تذبحني من جهه ضرب انا عجزت يايبه انا شسوي الولد والله مابيه ولا كان ودي اسوي كذا
ابو نجد تضايق وقال: خلصي خلصي واركبي السياره انا الي بشيل شنطتك انتي ضهرك يوجعتس
نجد ابتسمت ومسحت دموعها وقالت: ابشر
جود نزل تركض وقالت بحب: ابوي
ابو نجد ابتسم : ياعيوني
جود: يبه نجد كلمتها امس وقالت تبي تعتذر لهم لكن تبي تروح السوق وتجيب لهم هدايا تعرف الي سوته شين امي
نجد ضربت كتف جود وقالت: ورعه
ابو نجد ضحك بحب وقال:من عيوني نوديها كم عندي نجد وجود مغر ثنتين وبعد انا والله غلطت يلا يلا مشينا لانتأخر
نجد نقزت على ضهر ابوها وقعدت تبوس راسه وقال: ياخبله اركدي عنبو بليستس
وحضنها ابو نجد وقال: نجود لعد عاده علشان مانتهاوش مره ثانيه وانتي تدرين ما احب تنزل منكم دمعه لاتحدوني على الشينه وامكم ياتعقل يا ماعاد تشوفونها
جود: لا يبه بنجيها امنا لازم نبر فيها
ابو نجد: صح صح يلا اركبو ونمر استار بكس حقكم ذاك والله يا اخر مشروب جبتوه لي انه فنان
جود تقلد ابوها: فنانننن
ضحكو كلهم وركبو السياره تحت فرحة نجد رضا عليها ابوها وشايله هم اهل الجد سعود وخصوصاً لمار
____._._________.____
لمار وتركي
لمار قامت الصباح قبل تركي ولبست وتجهزت وقالت: قم قم الله يقلعك مشين نومك قم لا اصطرك الحين كسرتني برجولك امس
تركي بضحك سحبها وحضنها وقال: يقلع مين وتصطرين مين ياسلقه هاه
لمار بضحك: الله يسعدك ياتروك تضحكني لو قايمه معصبه من اختك ذيك
تركي بضحك باسها وقال: ماعليتس منها سوير بس وشرايتس تسوين لي فطور
لمار باسته وقالت:هاذا هو الفطور
تركي كان بيصرخ ومسكت فمه وقال: يوههه اجمل فطور بس وحده ثانيه علشان اشبع تكفين
لمار ضحكت وعطته وحد ثانيه وقالت: يلا قم مسوين فطور للعيال كلهم تحت وجدي يحتريك
تركي نقز من السرير وباسها وقال: وربي انه عسل
لمار ضربته على كتفه وقالت: اخلص بروح اجيب البخور وجايه
وطلعت لمار ونادتها ساره تفطر وكانو ساره وشهد ولمار وداليا ووعد يفطرون لحالهم وقالت لمار: صبر اجيب جمر ل اخوتس علشان يتبخر
ساره : يوههه الله لا يشغلنا الا بطاعته اخلصي تعالي في موضوع حريقه
لمار: بجيتس بجيتس بس لاتفطرون لين اجي تكفون
وعد واهي شايله الفطور من عند ساره: ماعليتس روحي روحي، ورعه انتي في بطنتس دود امسي
ساره واهي ماسكتها شهد: هاتي والله ما انتضرها ام خشيم
شهد ضربتها على راسها وقالت بصراخ: سارههههه اهجدي لا اكفختس
جلست ساره وحطت يدها على خدها وكان شكلها يضحك وضحكوعليها البنات
داليا منهاره ضحك: تكفين شوفي وجهها
وعد بضحك: خليها تستاهل
شهد : في بطنها دود صدقوني
ساره : نذر لو ماتسكتون لا اقوم امردغكم الحين انتو والسلقه الي هناك
__
عند تركي ولمار
لمار: انت سنه تتسبح
تركي ناظرها بخبث وقال: بالله اجل
لمار شهقت وسكرت فمه وقالت: صه صه لا اصقعك
تركي انهار ضحك ولبس ثوبه وقال: بسرعه بخريني جدي بيذبحني
لمار بخرته وباسها مره ثانيه وقالت: خلصنا
تركي ضحك من طريقة كلامها وقال: يلا خذي لي طريق بطلع
لمار: بنات تركي بيطلع تغطو
ساره قعدت تناظر فيه وقالت: العن ابو شكلك يا المخيس دزها
لمار سكرت غرفتها وجات وجلست جنب ساره وقبصتها وقالت: كلش ولا تركي تفهمين
نزلو الفطور وعقب ما افطور قالت ساره: بنات جود بنت جدي وليد ارسلت لي امس ولا شفتها
لمار: افتحي افتحي نشوف
فتحت ساره الرساله وشافوها البنات وكانت كاتبه جود: سلام ساره اخبارك واخبار البنات اسمعي خلي الرساله يشوفونها البنات كلهم اسمعي نجد اختي غلطت لكن ماكانت غلطتها نجد اختي ضعيفة شخصيه وامي مسيطرة عليها امي كانت حالفه تزوج نجد تركي ولازالت لكن نجد حاولت فيها تتركها بحالها رافضه امي وكل ذا العمايل تحت ضرب مبرح ل نجد والبنت انضربت من كل الطرفين ابوي وامي ابوي حملها اغلاط امي وامي مايهمها الا كلام الناس فا احنا جايينكم اليوم واتمنى تفهمون نجد واهي بتجي وتفهمون منها السالفه واحنا ياخواتي نعتبركم خواتنا والعيال اخوانا وانتي تعرفين ربي مارزقنا ب اخوان ومالي الا اهي والي بين ابوي وجدكم كبير واتمنى نرجع مثل قبل واحسن
لمار حطت يدها على فمها وقالت: يابنات مدري وش اقول ووش اخلي بس واضح على البنت وشفتها لمن جاتنا اول يوم امها مدري شسوت فيها وقعدت تبكي عند المغاسل وجود بعد قالي تركي انه شافها فارس تبكي ورا شكل امهم مريضه وامرضت بناتها
ساره: اي والله صادقه لمار احس حرام رحمتهم جود صراحه ماجانا منها حاجه الا ذاك اليوم نرفزتني بس امها الوصخه لكن نجد اغلطت بس احس مو بيدها
لمار: والله حرام الي قاعده تسويه في بناتها وتدرون سمعت انها خطبت وبتتزوج عقب ثلاث شهور تخلص عدتها
داليا: المره ذي صدقوني مريضه مو صاحيه فوق ما هدمت حياة بنتها تبي تعرس عجوز قريح
وعد: والله حرام رحمة بناتها بنات بذات انتي يالمار لاجو خلونا كويسين معهم واحنا مانخفي اننا نحب جود بس نقدر نحب نجد زيها وحاولو واكيد البنت ماقالت كذا الا واضح انها ندمانه
شهد:صح كلام وعد لازم نوقف معهم ونفهم امهاتنا ونوريهم الكلام لي ان شايلين عليهم ويحسبون نجد ورا السالفه ذي كلها وعقب سالفة يوم قالو ل تركي تعالنا في قطر اكثر وحده تضايقت امي وجدتي ماتبي طاريهم ولو بيدها نتفتهم فا خلونا نروح الحين ونفهمهم واهم حاجه لمار اذا ماتبينهم لاتقعدين معهم بس عطيهم فرصه يبررون فعلتهم
لمار: طيب ابشرو
حضنتها ساره وقالت: اهخ ام القلب الطيب ياناس
وعد: اي والله مافي مثلتس يالولي
داليا: يالبا والله الطيب ياناس
شهد باستها وقالت: مثل ماقلت لتس تمام وانا معتس وكلنا معتس واكيد ماراح تقول حاجه نجد ضعيفه تراها
لمار: يلا قومو نتكشخ اخر كشخه
ساره حطت يدها على خصرها: وش عاد باقي بتسوين عنبو ديرتس كل ذا وماتشوفينها كشخه
لمار: قومي قومي بس بجيب المكياج وكل شيء ونادو نوني وردينا ولين نتكشخ في غرفة نايف لي ان يرقد له فتره عند جدي من توفى ابوي بس تجي العامله تنظفها
ساره شرقت بلحليب وقالت لمار بضحك: يوههه غرفتس نسيت
ساره ضربتها على كتفها وقالت: سدي حلقتس امشو يلا غرفتي انا وشهد مع الاهي اخرب غرفت الولد وشهد فاهيه بتحرق الفرشه زي فرشتنا راحت حريق من ذا الفير والدلخه ذي
وقامو البنات يتجهزون في غرفت شهد وساره وجو نوره وردينا ولين وعلموهم السالفه وبلعكس تقبلو الموضوع وبدو يكشخون ووصل العلم ل امهاتهم وبعد قالو بيرحبون فيهم وتدري اساساً الجده جهير مو ذنب نجد وكلن راح يتكشخ ويلبس
_____._.________
كشخت البنات
(لمار لبست فستان ازرق على كحلي ماسك على جسمها وفيه فتحه الين فوق ركبتها وناعم مرهه وسوت شعرها ستريت وسوت ميكب ناعم)
(نوره لبست طقم رسمي مره حلوه لونه اسود وقصت شعرها مدرج وسوته بل لفافات وحطت ميكب ناعم )
(ساره لبست فستان احمر ناعم ولبست فيونكه وردة على رقبتها وسوت شعرها ويفي وسوت ميكب خفيف يبرز ملامحها)
(شهد لبست جيمي سبوت بيبي بينك لونه وكان فيه شغل من فوق وسوت شعرها ويفي خفيف وميكب فخم كعادتها)
(وعد لبست تنوره وبلوزه فخمه سماوي وسوت شعرها ستريت وميكب ناعم)
(داليا لبست فستان علاقي ناعم مره والوانه وردي وفيه احمر وبرتقالي وسوت شعرها ويفي)
( ردينا ولين لبسو قريب من بعض لين لبست توب جينز اسود وبنطلون جينز اسود وجاكيت جينز اسود وردينا لبست توب جينز ازرق وتنورة جينز قصيره وجاكيت جينز زي لين بس ازرق وسوت شعرها لين ويفي وردينا ستريت)
ونزلو تحت وكانو الكل متكشخ ومسوين عشاء فخم بينهم ودخلو نجد وجود كانت لابسه نجد ( فستان اصفر فاتح ناعم ومسويه شعرها ويفي وجود لابسه توب ابيض وجينز واسع ومسويه شعرها ستريت)
وقالت الجده جهير بحب: ارحبوو ارحبو
جود ونجد: سلمها
وسلمو واول ماوصلت نجد عند لمار حضنتها حضن قوي وقالت لمار ب ابتسامه: ارحبي
نجد استانست وقالت: سلمها
لمار وخرت لها وقالت: تعالي تعالي جنبي
وجلست نجد جنب لمار وام لمار وقالت ام لمار: نجوده اخبارك
نجد واهي مستحيه: بخير اس
ام لمار ماخلتها تكلم وقالت: اص اص لا تقولين حاجه الي فات مات ياعيوني
نجد ابتسمت وقالت الجده جهير: اخبارك يانجوده واخبارك ياجود
كلهم: بخير الحمدالله
الجده جيهر: يلا امشو برا نقعد ونسولف ونتحدث وناخذ علومكم عاد بناتنا مايحتاج وبكره ترا في طلعه اجلناها اليوم وبكره نفلها وتراكم نايمين عندنا اليوم مافي بيتكم ولا غيره بناتي عندي تسمعون؟
نجد وجود : ابشري
__._.____________
عند فارس
فارس كان يشرف على عشاء الرجال وماشاف غير زول يعرفه زين وكانت جود وصد وقال بنفسه:
شبحة عيونك هزت القلب نفداك
ارحم رحمك الله لاتمتحنّا
سبحان من كمل جمالك وسواك
وخلا قلوب الناس لك تقبلنّا
ياليت حن من جيزهم ماعرفناك
وذكرتنا ب ايامنا الي مضنّا
ليته حصل لي قبلةً من شفاياك
تحييّ عروق القلب لاينشفنّا
ولا تعلمني بخافي نواياك
اما بنينا البيت ولا رحلنّا
سمعته جود وطار قلبها وقالت نجد لها: اظاهر فارس من نصيبتس
جود تلخبطت مشاعرها ولا عرفت ترد
ورحب فارس ب ابوها ودخل ابو نجد وسلم عليهم وسمرو في الحوش برا والحريم في حوش الحريم
.
.
.
.
انتهئ البارت❤️
_________________________________________
وانتهى البارت الي طول مانزلت وان شاء الله يعجبكم❤️❤️❤️
