اسم المسلسل : قدر ومكتوب
تأليف : سارة سعيد - الشخصيات الرئيسية : هند(25 سنة)-ماما-بابا-دعاء(صديقة 25 سنة)-ايمن(27سنة)-ادهم(29سنة)ْ
المسكن:الاسكندرية
................ الحلقة الاولى ..................
تررن ترررن .. انا (هند) : ايوة حاضر .. حبيييبتى يادودو
دعاء : روح قلبى وحشانى :) ازيك
انا : والله كنت لسة بفكر فيكى تعالى خشى :)
دعاء : اية دة امال الشغالة مفتحتش ليه
انا : اجازة يابنتى وحتى لو موجودة هفتح انا . والله من زهقى عاوزة اقوم وخلاص
دعاء : هههههههه زهق اية بس فيه حد يعيش فى الفلة دى ويبقى زهقان انتى جمبك مامتك و والدك رجل اعمال مضايقة ليه
انا : واية علاقة حياتى الشخصية باللى هما فيه . قوليلى بس تشربى اية
دعاء : لا ياحبيبتى ولا حاجة . طب انا عندى فكرة غيرى وتعالى نخرج نتفسح شوية
انا : اه والله فكرة ثوانى وهكون جاهزة
دعاء : اه بس بقولك بلاش مشاوير للعرافين والدجالين والكلام دة انا بخاف
انا : هههههههه ماشى المرة دى بس لكن بعد كدة هنروح انتى عارفة انى بأمن بالحاجات دى هطلع اغير وانزلك :) .. انا (فى بالى ) انا بقى هند ودودو تبقى صديقة
طفولتى بنحب بعض اوى وطبعا بحب الخروج والفسح بس عقلى مجنووون بالدجل والشعوذة ومش عارفة ليه لو شوفت اى ست بتقرأ الكف لازم تقرالى كفى
جايز انتو مش بتؤمنو بالحاجات دى لكن انا بؤمن مش نوع من الكفر بالله ولكن اهو كدة بتسلى :) بس بجد ساعات الموضوع بيأثر عليا
(تحت عند دعاء)
مامى : دعاء ازيك ياحبيبتى
دعاء : تمام الحمد لله ياا طنط انا جيت اشوف هنودة حبيبتى وبالمرة نخرج :)
مامى : والله فكرة اهى تتفسح شوية . بقولك اية هى لسة دماغها فى الودع والكلام الفارغ دة
دعاء : اه يا طنط لسة :( :\
مامى : البنت دى دماغها ناشفة مش هتتغير ابدا :\
انا : بتجييبو سيرتى ليه :\
دعاء : امم لا لا متاخديش فى بالك :) طالما لبستى تعالى نخرج بقى :)
(فى الشارع)
انا : الله المحل دة باين عليه حلو تعالى ندخله
دعاء : اااه يا هند انا رجلى وجعتنى :\ :(
انا : الله جرى اية يا دودو انتى عارفة انى بحب الاكسسوارات :) تعالى نبص بصة بقى :)
(فى المحل)
انا : سلامو عليكو :) لو سمحت هى دى بكام
العامل : دى ب15 جنية حضرتك
انا : مش غالية شوية
العامل : هههه هو 15 كتير فى الزمان دة؟ ثم انتى باين على حضرتك بنت ناس
انا : ربنا يخليك بس انا مش كتير عليا حاجة ولا بخيلة بس انا لسة سائلة عليها فى المحل اللى جمبكو كانت ب 10 بس معناه اية ان هما مش بيبيعو حاجة كويسة
او انكو نصابين :\
العامل : الله ليه كدة بس حضرتك :\
انا : اهو كدة
دعاء : خلاص يا هند خلاص تعالى نمشى ونشتريها من المحل التانى
انا : لا انا بقى هاخدها من هنا . هى هنا احلى والوانها واضحة بس مش هاخدها بالسعر دة انا هاخدها زى اللى هناك
العامل : مينفعش حضرتك ياتاخديها ب15 جنيه يا تتفضلى
انا (بصوت عالى) : انتى ازاى تكلمنى كدة . انا عاوزة صاحب المحل :\
ايمن : اية خير حضرتك فيه حد مزعلك
انا : لو سمحت السلسلة دى فى المحل اللى جنبكو ب10 جنيه هو عاوز يديهالى ب15 جنيه
ايمن : والله دى احسن من اللى هناك 100 مرة بس عشان حضرتك اول مرة تشرفينا هديهالك ب10 جنيه
انا : شايف الناس الزوق مش زيك :\
العامل : ما تسكتى بدل
ايمن (بصوت عالى) : حمدى . مسمعش صوتك اية هتغلط ولا اية .. اتفضلى السلسلة :)
انا : شكرا اتفضل الفلوس . ولحسن اخلاقك انا دايما هشترى الاكسسوارات بتاعتى من هنا :)
ايمن : تنورينا والله :)
انا : اوك باى باى :)
(فى الشارع)
دعاء : كان لازم تتخانق يعنى :\
انا : اعمل اية مانتى عارفانى مبحبش الطمع والنصب . اما هى سعرها 10 يبيعوها ب15 ليه مانا لو عليا ادفع هو اية يعنى 15 جنيه بالنسبالى دة انا اقدر
اشترى المحل كله
دعاء : ايوة ياعم :) مانتى ابوكى رجل اعمال محدش ادك :)
انا : الله اكبر تعالى نرجع تانى
دعاء : ليه !؟
انا : هشترى خرزة زرقاء :\
دعاء : ههههههههههه كدة بردو
انا : هههههههههه . اية دة
دعاء : اية !؟
انا : دى ست عرافة تعالى نروحلها
دعاء : لا يا هند بقى ونبى :\
انا : يلا يادوووودووو بقى .. ازيك لو سمحتى تشوفيلى نصيبى
العرافة : حاضر ياحبيبتى :) .. ورينى كفك كدة .. قابلتى نصيبك لكنك اتخانقتى معاه ونهايتك هتبقى نهايته
انا : يعنى اية !؟
دعاء : يلا يلا يا هند بس سيبك منها
انا : استنى بس . يعنى اية ياست
العرافة : اللى اقدر اقولهولك يابنتى ان موتك هيبقى موته
انا : بردو مش فاهمة :\
دعاء : يلا بقى يا هند :\ عشان منتأخرش
(فى الشركة)
دق دق دق .. بابى : اتفضل
ادهم : ازيك يا اشرف بيه :)
بابى : اهلا ادهم اتفضل :) . اخبارك اية يا ابنى
ادهم : والله تمام بس الشغل مش كتير اليومين دول
بابى : والله بعمل اللى اقدر عليه والناس باين عليها مرتاحة
ادهم : طبعا هو حد يعرفك وميرتاحش :) بس يعنى الفلوس كتير
بابى : والله دة اللى عندى ولولا انى عارف انهم صيع وانت اللى ابن ناس مكنتش شغلتك انت بالزات معايا
ادهم : والله انا ابن ناس بس اعمل اية بقى :\
بابى : طيب بس بس عشان محدش يكون داخل ويسمعنا . اتفضل انت دلوقتى واى جديد تبلغنى :)
ادهم : تحت امرك يا باشا :)
...
اسفة على قصر الحلقه مع كل حلقة بعد كدة هتطول اكتر هم حاجه قولولى رايكو ك بداية وكملوها هتعجبكو ان شاءالله اهم حاجه اذا عجبتكم صوتو ♥
