................ الحلقة الثالثة ..................
(فى البيت)
مامى : اية هو اتجنن ازاى يطلب منك ايد بنتى
بابى : شوفتى بقى معندوش دم
مامى: طب عملت اية؟
بابى : هزقته واتخانقت معاه طبعا
مامى : ليه بس :\
بابى : امال عاوزانى اعمل اية !؟
مامى : يا اشرف ياحبيبى الولد دة متربى على ايدك ولكن لو مرة عملنا حاجة ضايقته هيعض الايد اللى اتمدتله
بابى : قصدك يبلغ عننا
مامى : طبعا . وارد جدا انه يعمل كدة واحنا مش عاوزين مشاكل انت رجل اعمال محترم
بابى : خلاص انا لما اكلمه هصالحه . هديله شوية فلوس تقفل فمه خالص
انا : بابى اخيرا شوفتك موجود :)
بابى : صباح الخير يا روح قلب بابى :)
انا : صباح الخير يا قمر صباح الخير يا مامى :)
مامى : صباح الخير ياحبيبتى ها هتفطرى ولا هتخرجى علطول
انا : لا هفطر واقعد شوية مليش مزاج للخروج . عن اذنكو :)
(فى الاوضة)
انا : ايوة يا دودو انتى فين . اية !! يا ندلة كدة تروحى ومش تقوليلى . والله يابنت الاية بجد؟؟ يعنى اديتيله رقمى وقولتيله انى تعبانة طيب اديتهوله كدة وخلاص
ولا هو اللى طلب مانا عارفاكى غبية . بجد :) طيب اقفلى بقى لا يتصل .. ههههه خلاص بقى يادودو ميرسى ياروحى باى
(بعد الفطار)
ترررن تررن . انا : الو مين !؟
ايمن : ازيك يا سارة
انا : احم احم الحمد لله (واغير صوتى واعمل تعبانة) . انت ازيك
ايمن : انا مش كويس خالص . صحبتك دعاء جاتلى انهاردة واشترت حاجة ولما سألتها عليكى قالتلى تعبانة وخدت منها رقمك لو مش هيضايقك . سلامتك مالك
انا : شوية برد بس عادى . ان شاء الله هيروح لحاله وشكرا على اتصالك :)
ايمن : طيب تحبى اجى ازورك؟
انا : اه عادى ممكن كمان ساعة بس انا مش عاوزة اتعبك
ايمن : لا لا مفيش اى مشكلة هجيلك علطول . ادينى العنوان
انا : اوك :)
(بعدها بساعة)
انا : قولى بقى اية رأيك فى الفلة
ايمن : بصراحة بسم الله ماشاء الله حلوة :)
انا : احكيلى عنك يا ايمن حاسة انى عاوزة اعرفك حاساك مخبى حاجة كدة :\
ايمن : حاجة زى اية؟
انا : حاجة عن اهلك مثلا
ايمن : اهلى متوفيين من وانا فى الثانوى
انا : اية !!؟ انت متأكد
ايمن : طبعا متأكد ليه؟
انا : لا عادى كمل
ايمن : زى مانتى شوفتى انا عندى اختى ميار وكنا معاهم اما عملنا الحادثة ربنا اراد انهم يموتو وانا واختى نعيش . كملت حياتى انا وهى مع جدى لحد ما مات بدأت اشتغل واشتريت لنفسى شقة كبيرة وحلوة عشان اتجوز فيها وخدت اختى تعيش معايا لحد ما يجيلها ابن الحلال
انا : طيب ليه مفضلتوش فى الشقة القديمة
ايمن : بعناها عشان كنا محتاجين فلوس للشقة الجديدة . لحد ما حبت واحد زميلها ف الجامعة واتخطبو وقريب هيتجوزو ان شاء الله
انا : وهتستحمل تعيش لوحدك؟
ايمن : مليش غير ربنا والوحدة دى . قرايب اهلى مسافرين مشوفتهمش من سنين
انا : طيب ليه ومرتبطتش
ايمن : بالمختصر المفيد لسة ملقتش بنت الحلال بس شكلها قربت تيجى
انا : احم . طيب انا هحكيلك بقى . زى مانت شايف انا وحيدة بس ليا صحبتى دعاء اقرب واحدة ليا انت عارفها طبعا ووالدى رجل اعمال لو تسمع عنه اسمه اشرف
عبد المغنى
ايمن : اه اسمع عنه اكيد :)
انا : هما موجودين هييجو يسلمو عليك دلوقتى
مامى : هاى ازيك ياحبيبى :)
ايمن : ازى حضرتك يا طنط :) انا صاحب هند
مامى : عارفة ياحبيبى اهلا وسهلا :) اتفضل :)
ايمن : والله يا طنط انا اسف انى جيت من غير معاد ولكنى لما عرفت ان هند تعبانة قولت لازم اطمن عليها :)
مامى : تعبانة؟؟
انا : امممم ماما هى الشغالة مجتش ليه خليها تجيب عصير ل ايمن :)
مامى : حاضر ياحبيبتى بتحبه عصير اية؟
ايمن : مانجو لو ينفع
مامى: اكيد مانجو وفريش كمان :) منور
بابى : اهلا اهلا ايمن ازيك يا ابنى :)
ايمن : الحمد لله حضرتك :)
بابى : بلاش حضرتك قولى يا عمو اشرف :)
ايمن : ههه حاضر يا عمو اشرف
بابى : قولى بقى انت اتعرفت على هند ازاى
ايمن : كانت بتشترى من عندى اكسسوارات
بابى: مش فاهم؟
ايمن: انا فاتح محل اكسسوارات وهى جت تشترى ف الظروف خلتنا صحاب :)
بابى : على العموم منورنا ومشرفنا :)
ايمن : الشرف ليا ياعمى :)
تررن ترررن .. الخدامة : اهلا ادهم بيه اتفضل :)
ادهم : اشرف بيه موجود
الخدامة : ايوة حضرتك اتفضل وثوانى هنادى عليه :) .. استاذ اشرف . ادهم بيه قاعد بره ومستنيك
بابى : ادهم :\ . طيب انا رايحله . عن اذنك يا ايمن :) منور
ايمن : شكرا ربنا يخليك بنورك .. ممكن اسأل سؤال؟
انا :طب اتفضل العصير .. اكيد اسأل :)
ايمن :حاضر .. مين ادهم دة
انا : هههه كنت عارفة انك هتسأل السؤال دة . ادهم دة مدير بابى فى الشغل انا اعرفه بس احنا صحاب عادى :)
ايمن : ممم كويس :)
انا : انا مش هأخرك عن شغلك؟
ايمن : لا عادى مهو حمدى فتح المحل :)
انا : طيب عشان متسيبوش لوحده اصل محلكو بسم الله ماشاء الله كبير محتاج اكتر من حد يقف :)
ايمن : معاكى حق . على العموم الحمد لله انى اطمنت عليكى :) ولو مش هيضايقك ابقى اكلمك واطمن عليكى كل يوم
انا : شكرا :) ليا الشرف طبعا
ايمن : عن اذنك
انا : اتفضل نورت :)
