وادي القَبيح
وادي السلاحِ المُنفلت
وادي الإجرامِ
وادي التَسليب
وادي التَسيب
يَمتلكهُ رجال كلَ العَقائدِ تَنتهي عِندهم
لا يلمسْ قلبهم العَطف ولا الرَحمة
بعيدٌين عن الحلالِ والحرامِ..
لا يوجدْ لديهم إحترامٌ للكبارِ وغير عَطوفين على الصغارِ...
اريد اكتب كم شغلة باقية بكلبي سواء من تعليقات لان تأخر البارت او من بعض الكاتبات اللي كاعد تدز جيوشها من جوة ليجوة بغرض التسقيط...
اول شغلة اني من نزلت الرواية وارجعوا لاول توضيح كلت ما اكدر انزلها وقتي ضيق وتعبانة ما اكدر اكتب مثل قبل ماعندي قابلية انزل بارت واحد ما قبلتوا كلتوا نريد بارتات متقاربة وبديت انزل بين يوم ويوم ، ربي شاهد علية شلون اتعارك وية الوقت ومرات يجون ضيوف اضطر اتركهم واكتب لو افضل الكتابة على راحتي على نومتي ميتة نعس وما انام زين عدا هذا التزامات عندي قيامة
شمدريكم انتوا بظروف الناس شنو وشلون عايشين مرات واحد ميكدر يكتب رسالة لان جسمه مهدود وفكره تعبان عبالكم الكتابة سهلة يوميا ٨ الى ١٠ ساعات البارت الواحد ومن ينزل الاغلب يصيح البارت قصير مابية احداث ويهبطون المعنويات
اليوم اكتب من ساعة وحدة الظهر وبين الفطور والصلاة والنحول والتعب ورا الفطور رجعت اكتب كفرت نزلت توضيح بالانستا والفيس ونطيت خبر بلغتكم يتأخر ورا ساعة ١٢ ماحددت الساعة
وحدة تكتبلي جذابة الثانية تكتب تدور تفاعل الثالثة تكتب اذا ميصير تفاعل فول متنزل هاي دربها الطشة
بس والله ما ابريكم الذمة وهذا شهر الله الفضيل بيني وبين كل وحدة حجت علية باطل ، حسبي الله ونعم الوكيل عليكم من تجون تجرحون الناس وانتوا ما تدرون بظروفهم شنو لو تدرون وتغلسون...
عدا هذا احب اكول لبعض الكاتبات اللي يقرولي بصمت ، حبيبتي كافي فسختي القصص مالتي شي من جذبني شي من الغريب وهسه رجعتي لوادي الزعيم ؟ ما تعبتوا مو كافي تصعدون على اكتاف الغير ، انتوا هم ما مبرين الذمة اذا اخذتوا اي شي من قصصي سواء فكرة او مشاهد والخ...
ومن طلبت تفاعل منكم حتى تسوولي واهس علمود استمر اكتب واني متعلمة عليكم تفاعلكم نار وما يضاهيه تفاعل بأي قصة ثانية ، لا راح تنطوني فلوس من صوتوا ولا راح ابني بيت بتعليقكم ف الاصوات النشاز اللي تكول تدور تفاعل وتطلب تفاعل عيب عليكم وابتعدوا الف متر عني وعن قصصي لو يبقون عشرة محترمين ولا مليون مثل شاكلتكم...
عجيب واحد دارس وتعبان على نفسه وقاري كتب بكد عمرهن ويجون يغلطن علية ويسبوه لأن تأخر البارت شوية
والله لوما اكو بنات وشباب محترمين وينتظرون مني انزل قصة والله عناد اسويها وفلا انزل بعد لان متستاهلون تقرون مني حرف واحد وانتوا هاي اخلاقكم ...
طبعا كلامي موجه للي تعرف نفسها واللي لو تغسل اخلاقها ونفسيتها بمي زمزم ما تنظف....
طولت عليكم واسفة من الناس المحترمين اللي يتابعوني بس شوفولي هذا النموذج وتنطوني الحق لو لا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
