و كي شافتو الفتاة و لي هي شخصيتنا الجديدة ( تطبيييييل ) رمقته بنظرات استحقار و تشناف ومش تقليلا من شأن يون حاشا لا هاذي ندى و طبيعتها
تعريف بشخصية ندى :
ندى .. هتلر النسخة انثوية، دكتاتورية، مختلة، البق مايزغدش معاها... ماجور كلاسة الحقوق باسكو الاستاذ لي مايحطلهاش النقطة تمسح بيه الديبارتمون و تسرح بيه لي روڨار تع لافاك كل .. تطلقها تجيب حقها و حق البترول الضايع و لحديد لي بناو بيه برج ايفل ( تجيبلك لاتوريفيل كل نرمال) عصبية بصح حنينة و قلبها بيض عالقطط.. بسيف ما يقبلوها دير سطاج بعدما مكاتب المحاماة كل مسحت بماليهم لارض و دارت لبرادل عالرشوات و شهادات الزور لي فيهم.. جاية إنسانية واقعية عادلة و تمشي قدقد... حلوة و عينيها لوزيين تشوف فيها يخرجو شرارات الشر يتقاطر..
هزيم الرعد و يترعد قدامها .. ماعندهاش صحبات بسك لي تغلط فيها تنحيلها كمشة شعر و تبعثها بلا خيمار للدار.. واذا كانت سيفيليزي تبعثها بلا شعر و ربنا كما خلقتنا تعريها كل همها تخدم و تشري لفرماج و طون لقطوطها و تخدم ليزيكلار فدار و تقرا كتب عالفضاء و الفيزياء الكمية مع شوية كيدراما و مسلسلات....
بقات ندى تخزر في يون و يون يخزر في ندى و النظرات كانت نظرات اشمئزاز متبادلة و كل واحد فيهم كان يسنا في خوه ينطق باه ينقض عليه و يخرج مكبوتاتو فيه
و بعد صمت رهيب الذي زاد الأجواء المرعبة رعبا نطقت ندى و قالت : نسقسيك خويا مالف تجي عندو هذا المحامي !!! ولا اول مرة و قبل أن يجيب يون اكملت ندى كلامها قائلة : محاميين آخر الزمان ال 10 و البيرو تاعو مقفول كون جا مزال الحال نقولو معليش كون جا البيرو مفتوح و هو مكانش نقولو مشغول و في المحكمة
حاول يون شرح الموقف بطريقة محترمة و لكن ندى لم تعطيه فرصة و اكملت كلامها دون توقف و دون الاكتراث ليون
رانا في نص السمانة و ال 10 تاع الصباح و عديم المسؤولية هذا مكانش لاهو لا لي يخدم معاه منعرف شكون نصحني بيه تاخذ برايي كان جاي توكلو غير اخطيك هذا باين فيه مش تاع خدمة يعرفو غير يديو الدراهم على ظهور الناس وهم ما يخدمو ما يندبو خدمة الهانة و رقاد الجبانة نشاله
أنت تقرأ
ولاد العز | WLAD EL - 3EZ ( مستمرة )
Historia Cortaرواية كوميدية باللهجة الجزائرية تحكي قصة 7 خاوة سوكجين يونڨي هوسوك نامجون جيمين تايهيونغ جونغوك تخيلو معايا بانڨتان كخاوة من ام كورية و اب جزائري و مغامراتهم بانڨتان بعقلية جزائرية بدأت : 21-09-2022 مازالت مستمرة
