الجد يلا خلونا نروح نصلي العشاء الكل توجهو للمسجد وصلو ورجعو للبيت
العيال بدت سهرتهم من بعد التراويح
سعود :ياعيال خلونا نغني
غيث ضحك :استغفر الله رمضان
سعود اجل قل لنا من قصايدك
"طبعا غيث شاعر بس ما احد كان يعرف غير سعود "
يوسف :امانه غيث شاعر ؟
فيصل :صادق انت شاعر؟
عبدالرحمن :غيث شاعر الله وصفق
نبذه بسيطه عن عبد الرحمن عبد الرحمن صديق فيصل طيب وهادي ويحب القصيد وسيم
غيث:لا والله ما ني شاعر انا متذوق ما اسمي نفسي شاعر
الكل صفقو
عبد الرحمن :طيب سمعنا شي
فيصل:اي امانه
غيث :ياصاحبي دام الهوى ما ذبحني
ما همني لو نار الاشواق كبرى
المشكله تدري من الي جرحني؟
الي لو تحطه على الجرح يبرى
الكل صفقو
فيصل :اخ جبتها على الجرح ياولد العم
سعود : - اضحك ياجعل سود الليالي تعداك
اضحك جعل مالك من الهم طاري
وهو ياشر على غيث
غيث فز وباس خشمه "سلام رجال " ياخي احبك طلعت حتى. انت شاعر
سعود فز :لا والله بس اني احبه واكتب بس مو كثير حدي بيتين
نرجع عند البنات كانو يتقهوون ويسوالفون
"عدا رمضان بدون اي احداث مهمه"
يوم ٢٩رمضان بعد الفطور الكل اجتمع با الحوش بعد اذان المغرب
قدام التلفزيون ينتظرون الاعلان عن العيد
كانو يسولفون ويتوقعون
الجد رفع بصوت التلفزيون :اسكتو خلونا نسمع
المقدم :غدا اول ايام عيد الفطر المبارك كل عام وانتم بخير
بدت تعتلي اصواتهم والكل فز يجهزون
الرجال توجهو يشترون ذبايح والفطره
العيال ينظفون الحوش ويفرشون الزوالي الحمراء
البنات ينظفون البيت ويبخرونه
"الساعه ٢ "
الكل نام الا البنات
نروح عند البنات
ساره تتروش
وعبير تتروش
غزام تستشور شعرها وتجففه
نوره تكوي لبسها
ساره طلعت من الحمام بعد ما تروشت "الله يكرمكم ":اف بنات عجزانه استشور احس نعست
غرام :ماعليك انا استشور لك ونسوي كوفي ونطلع الحوش وش رايكم
نوره :الله جوي
عبير طلعت وهي تنشف شعرها :وش الي جوك. يانوره
ضحكو
غرام :اقولهم استشورو شعوركم وخلصوهم ونطلع الحوش ونسوي كوفي الجو يجنن
عبير :الله تم استعجلو
ساره :نسيتو العيال
غرام لا ما نسينا بس ما فيه اصوات اكيد نايمين
نوره يضحك :يعني لو هم صاحين تتوقعين الهدوء ذا
ضحكو البنات الكل :اي والله
خلصو واستشورو وغرام سويت ويفي وتوجهت للمطبخ تسوي كوفي والبنات توجهو الحوش يرتبون الجلسه وراحو باخر الحوش على طرف في جهه مظلمه لانهم مو لابسين عبايات عشان اذا احد من العيال صحى ما يشوفوهم
غرام خلصت من الكوفي وراحت عندهم وبدو يسولفون واعتلت اصوات ضحكم
ساره :غرامو وش رايك تغني
غرام :يع تكفين من زين صوتي
عبير ؛بالعكس صوتك حلو
نوره اي اي غني
غرام فزت :با المشمش
وركضت تدخل البيت والبنات لحقوها وجلسو يسولفون شوي وبكذا انتهت سهرتهم وغلبهم. النوم
"الساعه ٥الفجر اول ايام عيد الفطر "
الكل كانو نايمين حتى البنات
الجد دخل البيت قسم البنات ودق باب الغرفه بقوه فزو ويركضون للحمامات الجد ضحك وتوجه لغرف عياله وحريمهم فوق
صحاهم ونزلو كلهم
عندالبنات وعبير اول وحده خلصت
عبير :بنات من شافت روجي الاحمر
البنات لفو على عبير
غرام :تكفين عبير وش الجمال ذا
عبير :ياعيوني ياغرام شوي منك
غرام ابتسمت:ياروحي
ساره :وطلعتي شققق يا اختي
عبير ابتسمت :ياعيوني يا ساره
نوره :بسم الله عليك ياحلوك
طبعا خلصو البنات كلهم ومدحون.بعض
غرام كانت لابسه فستان كحلي ماسك على الجسم واكسسورات فضيه وكعب فضي ومسويه شعرها ويفي وحاطه مكياج هادي شكلها كان جذاب بشكل
عبير لابسه فستان ابيض عادي مرره بس حلته في مكياجها الهادي وروجها الأحمر وإكسسواراتها الذهبيه طالعه تجننن
نوره لابسه فستان احمر فخم ومكياج هادي وكعب اسود وشعرها ستريت وحلاوتها بسيطه وهاديه وهي تحب كدا
ساره لابسه فستان اسود ماسك على الجسم محليها. مره ومكياج هادي وكعب ابيض ومن الاخر كان جمالها طاغي
لبسو وطلعو الحوش هم والحريم عشان يشوفون العيال وهم يذبحون
الجد عاده عنده العيال يذبحون الذبايح باالحوش بعد الصلاه والكل يجي ويتفرج بعدها يعيدون ويطبخون مع بعض
الذبايح. كانت ثنتين سعود يذبح وحده وغيث يذبح وحده وفيصل يصلخ وحده ويوسف وحده والي يطبخها ابو غيث وابو نوره وابو يوسف الجد يشيك عليهم
أنت تقرأ
يا مالي الشوف وعيني ما تبي ثاني ❤️
Tiểu Thuyết Chungماغير وجهك هو الفارق ما بيّن الوجيه انا ماني بـ اسف اليا زاد فيك طمعي و إن كان به شي يحتاج ، اتأسف عليه ؟ اسـف على عمري اللي راح منت بـ معي ا اختصر وصف الروايه في هاذي القصيده 🥺♥️♥️ ✨روان ال مقبل✨
