يا مالي الشوف وعيني ما تبي ثاني ❤️

البارت الثامن عشر

ابتسم سعود وحضن غيث من جنب ارحب يا النسيب
ضحك غيث:البقى يا النسيب
البنات خلصو.والكل اجتمع بالحوش وجلسو دائره البنات بجهه والعيال بجهه والجد ب الوسط
سعود :غيث ما ودك تسمعنا قصيده من عندك
الجد سيف ضحك :ماشاءالله الله غيث طلع شاعر
ابو غيث:طلع العرق عليك
غيث ضحك:الله ينكبك ياسعود
ابو يوسف ضحك :خل الله ينكبك سمعنا شي عشان افكر زين با الموضوع الي بينا وغمز له
الرجال فهمو وضحكو
غيث ابتسم:عشان الموضوع الي بينا ابشر
ابو نوره :ما هقيتك خفيف
الكل ضحك
ام يوسف :فهمونا وش الالغاز هاذي
ضحكو الرجال الجد سيف:بعدين تفهمون الحين سمعنا ياغيث
غيث : تباهي وغني واضحكي لايهمك شي
‏لامالت ظروفك فيك لك من يعدلها

‏بتلقين لك في جوف قلبي براد وفي
‏هنا منزلك .. والناس تعرف منازلها

‏ماتقدر تزعلك الليالي وراسي حي
‏" لو تزعلك سود الليالي .. بزعلها "
اعتلت اصوات التصفيق واختلفت ردت الفعل مابين صح لسانك ،حي ،طلعت تحب ،مين تقصد
ضحك غيث
الجد بعد بكره ان شاء الله بنروح المزرعه ومانبي نروح الا نلقى الرد في موضوعنا يابو يوسف
ابو يوسف:ماعليك على خشمي
تفرقو والكل رجع بيته
ابو يوسف كلم ام يوسف تنادي غرام وتجي هي وغرام جو ودخلو عليه
ابو يوسف : اجلسو ابي اكلمكم بموضوع
جلسو وغرام توترت كثيرا
ابو يوسف:تدرين اني احبك وما اقدر على فرقاك واخاف الله فيك ومستحيل اجبرك على شي
غرام خافت وهزت راسها بايه
كمل ابو يوسف :اليوم خطبك ولد عمك غيث وطلبني وابوي واخوي اني ما اردهم بس قلت اشوفك انتي وش رايك
غرام فرحت وتوترت بنفس الوقت ما تدري وش تقول
ابو يوسف:هاه يا بنتي وش رايك.
غرام :شورك وهدايت الله
ابو يوسف:يعني موافقه
غرام هزت راسها بايه
فز وحضنها ابو يوسف :تدرين انك بنتي الوحيده ولا اقدر افرط فيك ولو ما اعرف غيث واعرف انه كفو مستحيل اوافق عليه
غرام :ادري ربي يخليك لي
ابو يوسف اجل تجهزو للمزرعه لان كل شي بيصير هناك حتى الملكه بنجلس اسبوع هناك
ام يوسف ضحكت وحضنت غرام :الله يوفقك يابنتي
غرام :امين وياك
طلعت غرام وهي مبسوطه وجلست تفكر بمستقبلها ووش تسوي وايش بيصير معها ونامت
وغيث كان يفكر ويدعي انه يحلم فيها
نام الكل وصحو بدري والكل كان عنده خبر في خطبت غيث
اتصل ابو يوسف على ابو غيث:سلام عليكم
ابو غيث:وعليكم السلام
ابو يوسف:البنت موافقه والله يتمم على خير
ابو غيث:الله يبشر بالخير امين يارب
ابو يوسف:عاد انتم شوفو الموعد الي يناسبكم وحياكم
ابو غيث :يبقيك ما هنا خلاف بشوف ابوي وارد لك
ابو يوسف ان شاء الله فمان الله
ابو غيث :فمان الكريم سكر ابو غيث وتوجه للفطور وكان الكل جالس يفطر سلم وجلس
ابو غيث علمهم عن مكالمه ابو يوسف الكل فرح وبدو يجهزون للملكه والمزرعه
الجد سيف:علم.اخوك ان الملكه الخميس الجاي با المزرعه
ابو غيث على خشمي
اتصل ابو غيث على ابو يوسف وخبره عن كل شي
افطرو وتوجهو يجهزون اغراضهم
الجد علم الكل ان العصر لازم يكونون في المزرعه
الظهر في بيت الجد عند ابو غيث
ابو غيث :يلا يام ام غيث. اعجلو علينا
ام غيث :خلاص خلصنا
ابو غيث :يلا امشو
غيث :يبه انا وخواتي نبي نروح بسيارتي
ابو غيث :مافي مشكله اهم شي لاتسرع
غيث:ابشر
توجهو المزرعه
‏انطلقت من الرياض ٤سيارات للمزرعه سياره ابو غيث وسياره غيث وسياره ابو نوره وسياره ابو يوسف
غيث لف بجنب سياره ابوه
ساره :تكفى ياغيث خلنا نطوفهم
غيث ضحك :عشان جدي يدقني ويدقك
ساره :تكفى تكفى عادي راضيه انا
غيث :وش رايك ياعبير
عبير :تم من زمان عن الاجواء هاذي
غيث ضحك واسرع بسيارته ضحكو كلهم وهم يشوفون السيارات وراهم
الجد سيف بحده :سياره غيث الحمار هي الي قدامنا صح
ابو غيث ابتسم:ايه
الجد سيف :انا اوريه اتصل على عبير
عبير :ياغيث هد جدي يدق هدا غيث وردت عبير
عبير :هلا يا جدي
الجد سيف :وعمى يعمي عدوكم هدو السرعه وقولي لغيث لو يجي قدامنا نزلت وتوطيت في بطنه
ضحكت عبير :على خشمي قفل الجد وضحكت عبير
غيث :تكفين وش قال هههههههههه
عبير وهي تقلد صوت الجد : وقولي لغيث لو يجي قدامنا نزلت وتوطيت في بطنه
افطسو ضحك
ساره :اخ بموت التقليد ظابط
غيث ضحك :ابك يا ويلنا اسكتو. وخلونا وراهم احسن لنا
عبير انتبه على السياره الي ورانا احبابكم فيها لفو غيث وساره وضحكت عبير :افف يا الخفيفين
عبير :غيث تذكر يوم جبتني من الجامعه اول يوم وقلت لي كلام ومين الي عيونك ما تشوف غيرها
ضحك غيث :معقوله ما عرفتيها
شهقت عبير بصدمه :غرام
غيث ابتسم:اخخ اي هي
عبير للان مصدومه :يعني تحبها من زمان ومن ورانا
ساره ضحكت:قصدك من وراك انتي انا اعرف
عبير لفت لغيث :ساره تعرف وانا لا هين هين اوريك وهاذا وانا اقول غيث اقرب شخص لي ونعلم بعض بكل شي صرت تخبي علي طيب طيب
غيث ضحك :ابوك يا النكبه
ساره ضحكت ؛استلم هههههههه
في سياره ابو يوسف
سعود :يبه تكفى اسرع شوي غيث لا يجي قدامنا
ابو يوسف:اهجد يا ولد ما هو لعب بزران
سعود تنهد :عادي يبه نمزح
ابو يوسف :اهجد بس مافيه
تنهد سعود وسكت بقلت حيل وتمنى لو انه جاء بسيارته
وصلو للمزرعه ونزلو يسلمون على بعض الجد رفعه عصانه وضرب رجل غيث فيها
غيث يضحك ويحك الضربه :افا ياجدي تضربني وانا حفيدك الاول
وبعدين ما هو انا الي اسرعت ساره طلبتني
الجد لف على ساره ورفع العصا ساره بصوت عالي :انا في وجهك ياسعود
سعود ركض :في وجهي عاني طالبك
الجد :من زين وجهك وضربه وضرب ساره بشويش
الكل ضحك على اشكالهم
غيث لف على سعود :ياحيف بس تقول انا في وجهك واخر شي تنضرب
سعود لف له :اكرمنا بسكوتك احسن لك عشان ما اخليها تغير رايها
ضحك غيث:على مافي خيلك اركبه
الجد سيف:اقطع انت وهو روحو دخلو الاغراض
ضحكو :ابشر
تسريع للاحداث يوم ملكت ابطالي واحبابي ✨غرام الغيث ✨
سعود :حي الكشخه يا العضيد
غيث ضحك :حي نباك يا المحزم
ابو غيث :الله الله عريس
ضحك غيث وتقدم باس راسه :الله يخليك لنا
ابو غيث :امين وياك
ابو يوسف :شكلكم مطولين الشيخ وصل
توجهو للمجلس عشان كتب الكتاب 🥹
عند البنات
غرام :اخ بنات توتر توتر بموت
ساره وهي تضحك :جاء الوقت الي احد فيه حقي