يا مالي الشوف وعيني ما تبي ثاني ❤️

البارت العشرين الاخير

دخلو عند الحريم وبدو يسولفون اتصل سعود على ساره
سعود :وحشتيني وحشتيني وحشتيني
ساره :اخ اكثر والله
سعود ابتسم:اخ بس الله يسامح جدي
ساره :ليه
سعود :ابد بس حدد زواجي انا وغيث بعد شهر
ساره شهقت :تكفى قول انك تمزح
سعود ضحك :للاسف ما امزح
ساره :تكفى لا
سعود :والله هاذا الي صار
ساره :طيب ما يمدي
سعود :ماعليك يمدي يمدي
ساره تنهدت :تمام ياعيوني مع السلامه عشان غرام عندنا وبنسولف وبيجون البنات
سعود :افا يعني البنات اهم مني
ساره ضحكت :يمكن
سعود :انقلعي يلا
ساره :يلا احبك باي
سعود :هاه
ساره وش اقول باي
سعود :لا الي قلبها
ساره صقعت راسها :لا لا
سعود ضحك :اخيرا انتصرت والله اعشقك واهواك
ساره ضحكت :بالغلط لاتفرح
سعود ضحك:المهم قلتيها مايهم يلا سيو
ساره :سيو
ورجعو البنات يسولفون البنات وبدت فعاليتهم وتخطيطهم للزواج والكل متوتر ومتحمس

"تسريع للاحداث بعد ٢٩ قبل زواج احبابنا بيوم 🥹"

مريم طفى النور يلا
عبير :تم تم
الهنوف :يابنات يع حركات قديمه
عبير :تكفين انتي الي يع اسكتي وطفو النور عبير الوحيده الي كانت تعرف مين سحر غيث

نوره دخلت هي وساره وغرام وشغلت النور والاغاني وبدون يصارخون وركضو يحضنونهم
غرام جلست تصيح :اخ بنات بفقدكم مره
ساره تضحك وتبكي بنفس الوقت :يع طلعتو تجننو
ضحكو وبدا يحتفلون فيهم
✨عند الرجال ✨
كان يشيكون على التجهيزات والاغراض والجد معصب من برودهم وكل شوي يضربهم وابوهاتهم يضحكون
عند الحريم كانو مجتمعين في بيت ابو نوره وكانو يسوون التوزيعات

"يوم العمر واجمل اللحظات يوم زواج احبابنا الغيث وغرامه وسعود وساره 🤍💍"

سعود وهو يغني ويظبط شماغه :احبك بصمتي واحبك ب الاعلان
غيث :كيف بالله
سعود :اوف اوف محلق ومظبط العوارض. كشخه لو اني بنت تزوجتك
غيث ضحك :استح على وجهك تراك ماخذ اختي
سعود ضحك
الجد دخل عليهم :ماشاءالله الله يحفظكم يالله ياعيال امشو للقاعه قبل يجون الضيوف
باسو راسه ويده
غيث :على خشمي
سعود دق له تحيه :ابشر طال عمرك
الجد ضحك :استرح
توجهو الرجال للقاعه

عند الحريم ساره تضحك :اخيرا بنفتك منكم
ام غيث قرصتها :مخروشه انتي اثقلي لا ادقك
ساره ضحكت :ابشري وبعدين تقرصيني وانا عروس
ام غيث:احسن
غرام جاتهم وهي حاطه مكياج ومظبطه شعرها ولابسه فستان ابيض بسيط مره وهادي :هاه كيف
ام يوسف وهي تمسح دموعها :قمر الله يحفظك يا بنتي
عبير حضنتها من ورا :ياحلوك ياحرم غيث
ابتسمت غرام
نوره :وي وي ياحلو بنت عمي ياناس
مريم :ياحلوك والله تكفين دوري دوري
دارت غرام وضحكو
ساره خلصت ووقفت لهم :شرايكم
عبير :اخ عرايس قلبي والله
نوره :تكفون راسي عورني من الجمال
الهنوف :جميله ياساره
مريم قربت من عندها وهمست :شفتي. الرقص منه فايده
ساره تذكرت الموقف وفطست ضحك
خلصو وتوجهو للقاعه
✨في القاعه ✨
كان الكل موجود ويستقبلون الضيوف وريحت البخور والقهوه تعم المكان والترحيب والتباريك
با الغرفه عند البنات دخلت عليهم ام غيث اسمعو يا بناتي اول شي بتنزف غرام وغيث ويمشون وبعدين ساره وسعود تمام
غرام :ابشري ياخاله
الكل تمام
ام يوسف :يابنات بدو العرضه ما ودكم تشوفون
ام نوره :امشو معي بنشوف العرضه
طلعو كلهم الا العروستين
عبير اتصلت على ساره فيديو :ساره وغرام اتمنى تجحدونها يلا شوفو
وبدو يتفرجون
في العرضه كان غيث وسعود ماسكين السيوف ويعرضون وبالنص وكان في صفين صف يمين وصف يسار والجد بنص
كان شكلهم قمه في الجمال والفخامه دخل غيث القاعه وسلم امه وعبير وجلسو يباركون له
ام يوسف جلست توصيه على غرام وهو يبتسم ويقول لها ابشري
غيث لف لامه :ميمتي بسلم على سوير اول
ام غيث ابتسمت :تعال
شاف ساره با الابيض ابتسم وحضنها بقوه :قلبي قلبي اخر العنقود عروس
ابتسمت ساره :وش ابي احلى من يكون زواجي وزواج اخوي بنفس اليوم
ابتسم غيث : ألف مبروك ياعيوني وانتبهي لنفسك
ساره يبارك فيك ياحبيبي ابشر وانت بعد
غيث :على خشمي
ام غيث :يلا ياولدي لا تتاخر على غرام
طلع غيث وجاء معه سعود وابو يوسف وفيصل ويوسف وابو غيث يسلمون على غرام
ابو يوسف :مبروك يابنتي
غرام :يبارك فيك يالغالي
لف ابو يوسف لغيث وجلس يوصيه غيث :ابد بعيوني
سعود :الف مبروك يابنتي واختي وحبيبتي الله يوفقك ياعيوني
تنحنح غيث والواضح انه غيران
الكل ضحك
ردت عليه غرام :الله يبارك فيك يا ابوي وياك
ابو يوسف :ذبحوني وانا حي
ضحكو كلهم
غرام :لا ابد بسم الله عليك
ابو يوسف ابتسم وهو يعرف علاقتهم ببعض
سلمو عليها اخوانها وطلعو بقى هي وغيث من اول ما طلعو ركض لها غيث وحضنها :الف مبروك ياغرامي
غرام :الله يبارك فيك ومبروك
غيث :الله يبارك فيك واخيرا
دقت الباب عبير بعد غيث عن غرام
عبير دخلت :ماعليش على الازعاج بس زفت غرام الحين
غرام :تمام وراحت للمرايه تتعدل
عبير طلعت تجهز الاغاني
غيث لف لغرام :قمر ما يحتاج
غرام ابتسمت له
جت ام يوسف واخذت غرام عشان الزفه
في القاعه عند الحريم طفت الانوار وتسلط ضوء ابيض على الدرج وانفتح الباب وطلعت منه غرام
بدت صرخات الحضور تعتلي وصوت الموسيقى اخترق قلب غرام
✨عند غرام ✨
من اول ما انفتح الباب وتسلط الضوء على عيونها ازداد التوتر ودقات قلبها تتسارع بشكل مو طبيعي مشت مع الدرج وماخفف التوتر عليها الا من تعزيز بنات عمها من جنبها المنصه
وصلت للكوشه واخيرا بعد درج قصير بس با النسبه لها طويل
بعد سلام بنات عمها والضيوف عليها ام غيث :يالله بنزف العريس الضيوف جلسو يلبسون عباياتهم بعد دقايق دخل غيث وابو غيث والجد سيف وابو يوسف وفصيل ويوسف
الجد :سلم على غرام وباس راسها وسلم على البنات وطلع عشان عشاء الرجال
ابو غيث سلم عليهم ولحق ابوه والكل نفسه اخر واحد بقى غيث اول شي سلم. على امه وباس يدها.وراسها وبعدين سلم على ام يوسف وصل لغرام وباس راسها قدام الكل وبدو يصفقون البنات ويصارخون
همس باذنها : رسمت عينك في خيالي قصيدة
‏لوحة تعبر عن منى الروح والعين
‏عينك مثل شطر القمر وش يفيده
‏الزين كله فيك ياغرام قلبي وروحي

غرام باست لحيته :صح لسانك يا غيث الغرام
ضحك غيث:ياحلو اسمي لي من منطوقك
ابتسمت الغرام ووقفو بحنب بعض مسك يدها وطلعو مع بعض وتوجهو للفندق
عند البنات
مريم :كتاكيت يابنات
عبير :حبايبي هم قسم كيوتتت
نوره :عصافير الحب
الكل ضحك من كلمت نوره
الهنوف بدون نفس :ماشاءالله
عبير خزتها ومشت.
وجاء دور المرحين الي روحهم حلوه وحبهم احلى💍🤍

ساره جالسه ترجف
عبير ضحكت :مو قبل شوي مسويه فله وتضحكين
ساره :يمه يخوف والله
ام يوسف ضحكت :ترى ولدي ما يعض
ضحكو كلهم
ام غيث :يلا بنزفها وبعدين نزف العريس
ام يوسف :يعني ما يشوفها الحين
ام غيث :لا لان الوقت تاخر
نوره :يلا يلا خلونا نجهزها
وبدو يجهزونها ويجهزون الاغاني
سعود مرسل على امه زقه لساره بصوته
انفتح الباب وتسلط الضوء على ساره واشتغلت اغنيه من صوت سعود انصدمت ساره وابتسمت والدموع تجمعت بعيونها من كياتت سعود
وصلت للكوشه ودخل سعود وابوه وابو غيث وسلمو عليهم سعود باس راس ساره ساره ابتسمت وهمست باذنه :ياحلو صوتك
ابتسم سعود :تستاهلين ياحبيبي
بعد ما انتهت الزفه طلعو للفندق وانتهى زواجهم. بسلام واخيرا رجعو الباقين لبيت الجد وبدا الاستديو التحليلي

عبير :تخيلو يابنات صار موقف
نوره :وش
عبير :جات حرمه وسالتني انتي بنت مين ومتزوجه ولا والحمار ذي قالت متزوجه اخوي عبد الرحمن
مريم ضحكت :وش اسوي ماجاء في بالي الا هو
عبير :تخيلي لو كلمت امي
مريم ضحكت :عادي

✨بعد مرور اربع سنين ✨
غرام وهي تمشط شعر بنتها غيم وتغني دخل غيث :حبايبي وينهم
غرام :هنا ياعيوني
غيث :يلا بنمشي ابوي يدق
غرام :تمام ياحبيبي بس بظبط شكلي خذ غيم معك
غيث قرب منها :محلوه ياحلوه
ابتسمت واشرت على غيم
ضحك وشالها وحضنها وي ياحلوها بنت ابوها ومشو لسياره وينتظرون غرام
"وفي بيت ثاني "
عبد الرحمن :يالله ياروحي
عبير :ابشر ياعيوني بس ظهري يعورني ولدك بس يرفص
عبد الرحمن حط يده على بطنها :كفو ولد ابوه
في بيت صوت الضحك مسيطر عليه وروحهم الحلوه معكوسه على علاقتهم 🥹🤍🤍
ساره وهي تضحك وتاشر على محمد :انا خلصت بس ولدك يبكي
سعود ضحك :يوه حبيبي هوه
ساره :يلا يابوي انت مشينا
سعود :يلا ياعيوني
وطلعو وتوجهو لبيت الجد سيف وابو غيث

في مكان بعيد جدااا تحديدا في لندن في شهر عسل الحلوين 🥹
فيصل:يالله ياقلبي الكوفي بيسكر وانتي لسى
مريم :من عيوني بس ابي احط عطر
فيصل :تمام يلا مسكت يده وتوجهو الكوفي

ومن هنا اجتمعوا عشاقنا اللي دام حبهم لـ سنين واللي
واجهوا كل الصعوبات اللي وقفت قدام حبهم وماتخلوا عن
بعض ابدا برغم قسوه الايام والصعوبات ساندوا بعض ووقفوا
مع بعض ودام حبهم وصداقتهم لـ سنين عديده وانتشر حبهم
للجميع واعطوا امل للكل وان مهما صار وحصل حبك لا
تتخلى عنه لو وقف الكون كله في وجهك لا تتخلى وتخيب امل
اللي حبك من كلل قلبه وغير كذا صداقه البنات اللي صارو
سند لـ بعض و ولا وحده تخلت عن الثانيه هذا معنى الصداقه
الحقيقي ومعنى كلللل شي حلو بـ الحياه
النهاية 😔
تمت ولله الحمد روايتي الثانية:يامالي الشوف وعيني ما تبي ثاني 🥹🤍🤍🤍✨