الهروب من ( عاشقي )

(8)

﴿وَمَنْ يَتَوَكَّلْ عَلَى اللَّهِ فَهُوَ حَسْبُهُ﴾

-بقلم زينب 

-{يوم حنت زينب }

ام زينب : يله يمه ملاك عباس باب الصالون هم يله ب٣ صارت

ملاك : يله خاله بس البس صايه وزينب تذب شال عله نفسه

زينب : يله يمه يله اتاخرنه

طلعنه وطريق كله اعيوني مدمعه وعباس يتحارش ويضحك ويكول تدلع عود شوفوني دا ابجي علهلي

زينب : مو دلع بس راح اعيش ويه عائله جديده
ماعرف غير بس اسمائهم وهاهيه دوامي حيغير براء صديقتي اشلون والله فرحانه ومقهوره وصلنه وكبل رحت لغرفه التبديل عدلت نفسي ومكياجي وجه رضا

رضا : هاي شنووووو شهجمال ولج هذاك اليوم جنتي منكوشه

زينب : صفنت عليه لابس قاط يجننن وعطره وشعره ضليت صافنه

رضا : اعرف حلو اني اعرف شبيج كتلتي نفسج لتستعجلين

زينب : عابت منو كاتل نفسه عليك فريت نفسي وحركت شعري وكلت مامااا

رضا : امشي كدامي لتكفريني

مريم : يله زينب تاخرتو

رضا :جاين بس ختخلص لبخ

زينب : طلعنه وقلبي ضل يدك بكلبي كلت يمعوده خلركص وتونس والله كريم طلعنه وسوينه دخوليه وكعدنه واقاربي سلمو عليه وبدت فقره السلو وكمنه
ركصنه واني اعرف من يركصون العرسان برومنسيه
اشو انه كضيناه نتعارك هههه

رضا : اكلك زنو

زينب :كول شتريد

رضا :اشو اني شايفج عندج كرش وينه شنو لبختي

زينب : اني اني 😳
دنركص ورضا شالني وفرني ونوب سوينه مراسيم الكيكه كصيناه ورجعنه نركص كلنه واني رحت لغرفه التبديل لبست فستان بسيط لمراسيم الحنه وعدلت نفسي
و ساعدتني مرت محسن بلبس وجه رضا
لبس قاط ثاني وطلعنا صارت دخوليه رقم 2

وكعدنه وصارت فقره العشه وجتي مريم جايبتلي
لفه وببسي وكعدت اكول ورضا يضحك عليه ويكلي
ام كرش واني شاورت مريم روحي جيبي لفه لرضا
مريم راحت جابت وطيته اله كتله تأكله لو اكله
وكعدت اضحك عليه

رحنه لميز الحنه وخاله حنتنه اثنين ورضا باسني
من راسي وكال ربي يخليج الي وتقرب من اذني وكلي
(كروشتي) ضحكت وكتله ابو اذن ههههه
وخذت الحنه وفتريت علميوزه احنيهم مثل حنه ملاك
وسلمت عليهم وباركولي ورجعت فه خلصت الحفله واني ميته تعب بحيث اول مرجعت كبل سبحت ونمت

رضا : اول مدخلت زينب للقاعه ضليت صافن كمت اصلي على محمد وآل محمد شكلك وكعت يرضا
هههههههه