الهروب من ( عاشقي )

(20)

غَلطتي وياك
چانت مو قوية
ولا استاهل السويتة بِية
اجيتك مو بوَعيّي
بشوگي سكران
وكُلش رهمت وياي الخطية
وماغثتني من گتلي
" انتَ غلطان "
المصيبة تگلي ،
مانرجع سوية
باكِيت الجگاير
سولف شصار
يَم ربعي ،
وبچوا كُلهم علية .

-بقلم
-زينب

بارت عشرين
------------------

جبل : دنامي كدامي يله

....عفته ونمت لان تعبانه صح جنت مختنكه منه بس نمت اني ما اكرها بلعكس احبه بس اكره تصرفاته المزعجه فزيت ب ٨ هوه عله نفس النومه كمت غسلت وجهي نايمه بل مسكاره خرب حضي رجعت اتمددت وضليت افتر بالبرامج
لحد ال٩ نعست غفيت

جبل : صباح الخير

حلا : .... صباح النور

جبل : شبيج مسطوره

حلا : لا مو هاي اول مره تصبح علينه وين زينب

جبل : فوك نايمه لحد يكعدها البارحه منامت

حلا : اهاااا اني اكول شبيك اليوم مزاجك حلو

جبل : انجبي باله

زينب : مساء الخير

جبل : ها بلبل شعدج

زينب :......

حلا : تعاي ليسمعني تره اليوم مدري اشبي فه كليلي انتو مو جنتو متعاركين اشو صايرين حبايب

زينب : انجبي حلا

حلا : هاي شنو ياهوه الحجي ويا يكلي انجبي 🤨

زينب : شوفي جسمي وبطني يوجعني فه وخري من يمي خاله اشوكت تجي

حلا : فد اشوي جبل يجيبها

..... رجت طلعت حبشكلات من الثلاجه وكعدت اثرم وسوي شفته يباوع عليه بس الصراحه اني حنت فرحانه وزعلانه بنفس الوقت لان جبل شخصيته صعبه شلون حكدر اكمل ويا اني انسانه ضايعه ضايعه ما عندي من ينصحني ومن يكلي شنو الغلط وشنو الصح اللله مشتاقه الاهلي مشتاقه للزياره مشتاقه لبيتنه قبل ومن جنت اداوم ولبراء ولكلشي قبل كلشي يوم الاسود يوم الي قبلت بي ازوج رضا محد دمرني غيره
صرت اكرها اكرها حته اسمه كرهته
وعيت علنفسي واني مخلصه كلشي بالي مو يم الريوك شلون سويته ما ادري صحت حلا وجبل
اتريكنه وسولفنه اشوي

جبل : اليوم لتسون غده نطلع نتغدا برا

حلا : وماما

جبل : هسه حروح اجيبها وطلع للمصنع ونوب اجيك المحلات وجي اخذكم يعني ب٤ او ٤ونص اريدكم جاهزين

.....طلع جبل طلعت اويا للباب جنت اريد منه شي بس هوه عنده حاسه ٦ كبل يحس

جبل : همممم

زينب : ها حبيبي

جبل : بويه

زينب : جبل اريد شي صغير كلش كلش