الهروب من ( عاشقي )

بارت [13]

  -للكاتبه
-زينب عباس

إلى متَى انتظر لقائك
إلى متَى يبقَى شوقِي لَك
سألتكَ سؤالً يومَ لقاءِ معك
وهو الى متَى يشتعل قلبي بنارِ لهيبك.

----------------------(------z-------)--------------------

...كسرت الباب وشفت زينب واكعه بلكاع وجسمه ولغرفه كله دم من شفته هيج كبل جريت الحاف وشمرته عليهَ

رعد : حشغل السياره بين متنزله يله يمه فاطمه حلا عينو رضا يله يممممه

... محسيت بشي غير وجع قوي ياكل ابطني جنت احس بشخص كاعد يم راسي بس من طلعت من العمليه
واني اكول اريد امي جيبولي امي وام رضا تمسح علراسي كعدت وجتي الممرضة غيرت الكانونه

زينب : ابني ابني وينه ماتتتت كلولي مات لو لاااا

رضا : اي مات ارتاحيتي ماااات كتلتي وهسه جاي اسألين علييييَ ماااات ارتاحي

زينب : هاي اشبييك رضا اني مكتلته بس نزل..

رضا: وييييييييين نزلتي ولج زينب اتوقعته من الكل بس موو منج ولج دتفتهمين اشجاي احجي انييي

.... كطعت كلامه وصدمتي الدكتوره وهيه تكول ميصير تعلون صوتكم ونو اني مريضه وميصير ضغط عليه
من صدمتي بكلام رضا  كمت ما اعرف شكول وكمت اركض بكل سرعتي

زينب :  كافي كافييي مو اني حلا حلا ماما اريد ماما

...وصلت النهايه الممر ووكعت حسيت ببطني اتزرفت وعيوني انحولت  صار عندي دوخه قويه وبعد محسيت لحد ما كعدت عله صوت خاله تقره قران يم راسي ومحد اكو بلغرفه

زينب : خاله وينهم ماما وبابا ليش ما اجوي

ام محسن : يمه جايني بطريق ارتاحي يبعد خالتج

زينب :  خاله شبي رضا والله مو اني اني نزلت لكيتهم جوه ملحكت اصعد كبل جرني من شعري وسحلني لفوك صدكيني خاله والله مو انييي

ام محسن : لتبجين يمه مصدكتج بس هاي الحيه داكه عله جعفر ورضا ولاعبه عليهم لتخافين يمه هسه يعيدون الكاميرات ويطلع الحق بنيتي ارتاحي لتهتمين اصلا رضا ورعد راحو يشوفون الكاميرات

...رضا.. خرب حته الكامرت امخربتهن بس خلي تطلع من المستشفى إذا ما خليته تتوسل حته تعترف

رعد : هاي شبيك رضا هاي عود انته الدارس ولفاهم هدي علبت خلنفهم السالفه منو يكول حجي حلا صح مو تعرف بيناتهم عداوه  

رضا : شفهم شفهم رعد حلا دكت عليه كالت اكو صوت مال زلم بره ودكت علجعفر ومن اجيت لكيته قافله الباب علنفسه وترجف هاااااااذااا كله جذب جذب كلي رعد كلي

رعد : بس هم مو خاليه الشغله تعال لكامرات الجيران

رضا : شيكولون علينه شيكولون علشرفنه شنكللهم والله انريد انشوف الكامرات جنتنه مدخله زلم بللللبيييت  اصلا كدامنه شارع عام وبصفنه كاع ومنا فرع كامرااات منووو