Ang Uyab Sa Akong Amigo

Kasabutan (1)

"Pero Brad, dapat naa tay mga kasabutan na pirmahan natong duha."  lipay kaayo si Zumih na nisugot ko sa iyang pabor, disidido  kaayo makauyab.  Sigurista  pa jud kaayo kay kailangan mag pirmahay ming duha, abi siguro niya na dili ko mutuman. Isa kaya ko ka lalaki na tumanon ang kung unsay gikasunduan...kung sa tagalog  "lalaking may  isang salita, may prinsipyong inaalagaan."  Grabe jud ning gugma ba kay himuong b*ang ang isa ka tao, kaya kaayong magpagawas sang milyones. Medyo arangan man pud ang akong kinabuhi, pareho ming datu ni Zumih pero sama sa giingon ni Zumih dili suportado sa akong ginikanan ang among relasyon ni Alena, mga bata pa daw mi. Dili pud ko gusto supakon akong ginikanan kay kasabot ko sa ilang rason bisag para nako  sobra na kaayo ka higpit. Medyo "OA" na.  Hyst, wala na ko kasabot sa tinuod lang, pareha naming Zumih nga gibuang sa lintek na gugma. Tama gud sila na murag bubble gum ang gugma, kung magpilit makabuang. Gimingaw kog samot sa akong  langga.

"Ngano kailangan pa man ta magpinirmahanay,Brad? Wala  kay salig nako?" sigurista ang torpe.

"Dili man sa wala koy salig nimo,Brad para lang kini na pormal ang atong sabot." labaw pa man ni sa babae ka daghag pakulo para kuno sosyal o pormal.

"Sige, I-print na ang atong kasabutan tapos pirmahan nato ugma, basig gusto ka i-tarpaulin  o i- billboard  pa nimo, okay ra kaayo!"

"Hahahaah, g*go  ka,Brad! pero sige magpaprint ko unya tapos magpimarhanay ta ugma."

Wala na ko ganahi sa tinuod lang kay naa  pud akong konsensya  nagaingon na mali ang  among buhaton.

"Bahala ka uyyy!"

"Lain pa diay ato, dili sa jud ni dapat mahibal- an sa tanan lalo na ni Alena imong uyab kay maguba ra tanan ang plano.  Kita bitaw tanan ang makinabang sa kinalasan."

"B*go kaayo ka, Brad! Malamang dili jud pwede mahilbal-an  ni Alena kay ako mapatyan ato, klaro kaayong  dili niya masabtan. Wala koy plano pa hibal- on siya sa karon. Dili ko gusto na magbulag mi na kini ra ang hinungdan!"

"Kalma Brad! Kasabot ko sa imo ug salamat sa imong pagtabang sa ako, Dako kaayo ko ug utang nimo kay nisugot ka sa akong hangyo.  Himuon na lang nako na lima ka milyon para dako kag allowance  pag moadto ka kay Alena sa Japan."

"Ayy lahi ra judt! Ikaw na ang datu,Brad" nagkinataw-anay ming duha. Hangtod nakauli  nako sa balay...esteh sa condo diay  nako, sige ra gihapon ko ug  huna- huna, wala man unta koy utok. Grabe man ning istorya sa akong kinabuhi, imbes na akong ginikanan  ang maghatag sang milyones  kay  Alena para biyaan ko, akong amigo na man ang mohatag sang lima ka milyon para maapas nako siya, dili man jud tinuod akong nabasa sa pocketbooks, baliktad kaayo. Naa pa among mga lihok ug sinultihan ni Zumih  my buddy, dili pang "ideal characters ", plus  " red flag" daw.  Unsaon dili ma "red flag" nabuang ming duha sa  gugma. Natakdan ko kay Alena na  ganahan  magbasa sang pocketbooks. Gitakdan  pud nako si Zumih na  mahilig magbasa sang pocketbooks kahit mga laki ming buhat, kung dili magdula og basketball kay mangadto mig bookstore para mamalit sang pocketbooks...sikreto namo ng duha.