Ang Uyab Sa Akong Amigo

Sinugdanan

" Mobalik ko maong ayaw kabalala, langga." gusto man nako nga dili musugot ug i-layo si Alena aron dili siya madayon sa Japan, dili pwede kay para kini sa iyang kaugmaon, para sa among duha.  Dili pwede na  magtanan ming duha.

"Tama ka, langga, dapat  masakrispisyo sa  ta karon, tumana baya ang imong saad na mobalik ka, magpakasal pa baya ta." naghinilakay ming duha. Naghari ang kahilom.

Taod- taod nagsugod na pud ming duha og hinilakay.

"Amping ka didto, langga."

"Amping pud ka diri, langga, ayaw baya ko ilisi,ayaw pangitag lain hah! Bantay ra jud  ka!"

" Dili lagi ko mangitag lain, ikaw lang ang babae na gusto nako pakaslan. Ikaw lang ug ako sa kinatapusan."

"Kita lang duha hantod sa kinatapusan" sabay namong sulti.  Maguba ang kaugmaon sa musulay sang bulag namo.

Dili nako mapugngan ang akong kaugalingon, Giduol nako ang among nawong duha. Nitutok ko sa iyang  ngabil. Naghinalukay mi. Iyahang response sa among hinalukay kay murag mao na ni ang kinalasan. Nagapugong lang gyud ko pero lami kaayo buhaton ang butang na nasa akong huna-huna para dili siya  madayon og lakaw. Pero dili ko makasarili,  dili ko dapat  magdesisyon na naghari ang akong  emosyon kay kabalo magmahay mi sa katapusan.

Nagdesisyon ming duha na mokaon sa mall og paniudto. Himuon namong malipayon karong adlawa basin mao na kini na ang kinalasan. Wala pa mi kabalo kung kanus - a siya moadto sa Japan. Sakit  ni na "summer time" sa among duha pero magmalipayon na lang mi siguro karon lang orasa para makabawas sa sakit sa dughan.

" Sa condo nalang ta nimo tiwas magbonding, langga."

"Sige, langga" Nisugot ko sa plano ni Alena kay mao kini among paboritong "bonding". Didto magluto ming duha, mokaon ug  magtan-aw og  movie tapos tapad matulog. Simple lang among kalipayon. Basta magkauban mi, lipay na kaayo ming duha.

Paghumaon namo ug kaon sa restaurant sa mall, namalit sa mig mga kailangan namo para sa bonding didto sa akong condo. Pagkaon ra gyud ang among kalipay.
Maong gugma kaayo ko kay Alena na akong langga kay simple lang, dili parehas sa ubang babaye na sosyal o "materialistic" kaayo.

Hilom ra ming duha habang padulong sa akong condo. Pareho mig ginahuna huna. Pwedeng mao na ning last ug wala mi kabalo kung unsay mahitabo pa. Daghan ang pwede mahitabo kung naa siya sa Japan, pwedeng makakita siya didto ug lain. Ako siguro pwede pa makakita ug lain. Pero himuon ko ang tanan para kami jud ang magdayon sa kinatapusan. Daghan ang nagasulod na negatibo sa  utok. "Over think" malala sa english.

Pag-abot sa condo nako na gihatag sa akong mama kadtong   niaging birthday nako, hilom ra gihapon ming duha. Sigurado ko na pareha mig ginahuna- huna kaganina palang. Naglabaw ang kabalaka, sobra sa paghuna-huna unsay mahitabo puhon.

"Langga, dili sa ta maghuna huna bisan unsa, palihog magmalipayon sa 'tang duha karon."  Mao ni ang nagapugong sa amo. Lisod sa amo nga mabulag ming duha lalo na sa akong parte nga nasanay na naa siya permi  malipayon man o dili ang panghitabo, naa siya permi, siya ang ang akong kusog ug kabalo ko na sanay pud siya na uban mi permi. Kabalo mi na dili lalim ang relasyon sa  ginaingo nilang "ldr" o long distance relationship bisan dako kaayo mig salig sa among duha, daghan lang jud pwede mahitabo.

"Sige,langga."

Nagluto ming duha para sa panihapon tapos naghimo mig manggo float para sa dessert pati macaroni  salad. Lingaw mi sa among gibuhat pero kabalo mi na pwedeng mao na ang kinalasan, walay nakahibalo kung unsay mahitabo sa ugma.

Paghuman ug luto, nangatulog ming duha tapad para unya mangaon mi sa espesyal na paraan namo tapos magtan-aw og movie sa laptop. Sanay mi na kung naa siya diri sa condo magtapad mig tulog tapos gaksanay.

Alas otso na mi sa gabii nakamata  maong naghanda na mi para sa among panihapon, "dinner date "kumbaga.

"Salamat sa tanan, langga."

"Salamat pud sa tanan, langga. Saad nako na malagpasan nato ni ug kita ra jud sa katapusan." Gitiwas namo ang among pagkaon kay manan-aw pa mi og movie sa   laptop. Naa pa miy dessert na manggo float ug macaroni. Simple ra jud ming duha, 'di ba?  ang magkauban lang mi sapat na kaayo. Kailangan namo ang  isa't-isa.

Lipay kaayo mi sa among dinner date.
Nagpahulay na pud mi para sa movie marathon unya. Sa tinood lang dili kailangan moggasto og dako para malipay, kauban lang nimo ang imong gihigugma sapat na para malipay ug makalimtan kadyot ang mga problema. Kumabaga "source of strength and happiness  ang  pinalangga sa  kinabuhi".  Tama ang giingon sa ako na "home can be a person too." Natagpuan na nako ang akong  "tahanan  at  pahinga"   Tanan  kay  Alena ra jud nasinati. Dili halata na gipana ko ni Kupido.

"Kapila na nato na gibalik og tan-aw, langga pero muhilak ra gihapon ka anang salidaha." dili nako mapugngan na mokatawa kay sige s'yag hilak. Kapila na jud nmo na natan-aw ang
" I have a lover " pero ginahilakan gihapon niya ang ubang eksena.

"Paghilom dira" pero nagakatawa gihapon  si Langga bisan  napikon na.
Nagpadayon mig tan-aw.

"Langga, isa lang akong saad, ako lang ang una ug katapusan nimong higugmaon. Kita lang hangtod sa hangtod." Wala koy matubag sa kalit na istorya ni  Alena. Gusto man pud nako isaad na kami lang sa katapusan, wala siyay  kaagaw sa ako  pero murag naa siya'y laing pasabot. Dili nako gusto ang ginabati nako karon, sigeg kaguol na dili maayo para sa amo.