بارت 2
فتحت عيونها طلعت لعلابه انكلب شكلي فوك حدر كولش بس بجد طلعت حلوه اجو اهل لولد بهوساتهم ولهلاهل مره خال حسين لكان عايش عدهم بس شافتني اجتي سلمت عليه وكالت ماشاء الله حطولج ملح بصدرج هاذي خرافاتهم علمود عين ومعرف ايش كتلها ي خاله حطو شوي مهرنه سيد وفات الولد سلم عليه واني مستحيه لبسني ذهب وكلته وكلني كيك كعد شوي وطلع صار لمغرب خلصه لحفله اني وحسين وامي وخالتي رحنه ع تصوير صورنه وجعنه للبيت كال باجر اجي عليج نروح نفحص دم كتله براحتك بوقتها كان جايبلي هديه تلفون معبي رصيد كال من اوصل للبيت اخابرج كتله اوك شوي وراح وبدت مخابراتنه 24 ساعه بقينه اشهر مخطوبين بهاذي لاشهر بجد تعلقنه بعض كولش لى درجه كان هوه شرطي دوامه يومين بيومين بعد بجازته لازم يجيلي ويبات عدنه وذا ماااجه اكلبها مناحه من كد متعلقت وحبيته جان يغار عليه غيره مو طبيعيه ودوم نتعارك ونرجع نتصالح عدت ع خطوبتنه 4 اشهر حددو يوم زواجنه بس كان زواج مشترك مو لوحدنه كان ويانه 2 عراسان واحنه نصير 3 يعني 3 سوه زواجنه بنفس ليوم رحنه حجزت ع بدله حجزت ع وحده هم كانت هادئه مابيها خرابيط وصالون همه اختارو ضجت لئن ع مزاجهم اختارو كنت عاجبني اروح ع صالون لبالي بس بعد مصار اجه يوم زواجنه رحت ع صالون راحت وياي قرايبنه مره خاله راحت تجيب لبدله بس للاسف ابو لمحل طلع مئجرها قبلي وموصخيها صايره ابد محلوه حييل ضجت مره خاله راحت تغيرها جابتلي وحدهه ع ذوقها ابد معجبتني بس شسوي لبستها وسكتت وختاريت تسريحه شعر كومي يامره خاله احجي ويا ام صالو كالتها لا لسوينها سويلها ع ذوقج
فقيره ايد ماحجي وسو ع ذوقهم ابد معجبني كولشي خلصت اجه عليه رحنه صورنه ورجعني لبيت اهلي وهوه راح يجي ويا لزفه كنت كاعده امي اجتي خذتني للغرفه اودع ابويه شفته وخنكته لعبره واني هم شبكني وضل يبجي طكيت ويا صوره وطلع ورجعت كعدت اجتي عليه مره عمي تعلمني صيري هادئه ولتخافين بعد تعرفون لباقي محاجه احجي عيب شوي وكالو اجوي زفه لبست لكبوس ودخل هوه كعد شوي وطلعنه بس اني طول لوقت معبسه لئن كول شكلي معاجبني رحنه وصلنه ع لبيت ليكون بي لزواج وهوسه لامه محتركه من كثر ناس بعد 3 عرسان وعدكم لحساب
#الكاتبه_ياسو
