بسم الله الرحمن الرحيم
تبدا قصتنا بأبطالنا وهم (راكان ونجد)
راكان/يحب وحده اسمها لميا وماكان بينه وبين نجد اي علاقه لا يحبها ولا يكرها يعتبرها زيها زي اي بنت من بنات عمامه وعماته وعصبي وحنون ويكره العناد والكذب
........................................
نجد/نفس راكان ماتحبه ولا تكرهه لكن تعتبره زي اخوها جميلة وحنونة جدا وحساسة واهلها يكرهونها ومايعطونها وجه
يلا نبدأ بارت1
راكان قاعده ببيته مع اهله زي اي شخص يتقهوى ويسولف فجأة بنص السوالف جا ابوه قله تعال ياركان ابيك بموضوع مهم استغرب راكان وراح معه وقال سم يبه وش بغيت
ابو راكان/والله ياركان انت كبرت وعمرك ٢٤ ورجال شرايك نزوجك بنت الحلال
راكان/كان على وجهه علامة تعجب ماكان ابد يتوقع ابوه يفاتحه بهالموضوع قال بقلبه والله مااتزوج غير لميا
ابو راكان/ولد صحصح اكلمك
راكان/هاا اي يبه والله صراحه مافكر بالزواج حالياً
ابو راكان/ماعليك ياوليدي بنزوجك بنت عمك نجد محترمة وبنت ناس ونعرفها زين الله يحفظها
راكان/نعم؟؟ نجد والله مااتزوج اي وحده من بنات عماني او عماتي
ابو راكان/بتتزوجها غصب عنك فاهم؟
راكان/لا مانيب فاهم ونجد ماني متزوجها
ابو ركان/انا ماطلبت رأيك انا اعلمك لا اكثر واذ ماتزوجتها ماي براضي عنك هاذا انا علمتك
راكان/سكت لما سمع ابوه يقول ماني براضي عنك وقال"يصير خير يبه
ابو راكان/قال إن شاءالله وراح
راكان تنهد وقال/يارب كيف اصارح لميا طيب انا احبها ومابي اتزوج غيرها وبنت عمي ماابيها وبنفس الوقت ابوي مب راضي عني اذ تزوجت غيرها وشسوي شالحاله ذي....بعد تفكير طول راح غرفته ونام من التعب والتفكير
.................................
عند نجد:
كل يوم على نفس الروتين ماتغير شي تصحى على صراخ امها وضربها
ام نجد/قومي قامت عليك القيامة يابنت اللذين وش ذا النوم كله قومي ساعديني لا شغله ولا مشغله ياقليلة الحيا
نجد/يمه وش الي لا شغله ولا مشغله امس كله كنت انظف واطبخ ونمت ٤ الفجر مانمت زين كلها ساعتين
ام نجد/وترد بعد قليلة الادب لسانك يباله قص صدق ماعرفت اربي جعل ربي ياخذ عمرك وافتك
نجد/استغفرالله يايمه والله مارديت بس اقلك انه مان.....
ام نجد عطتها كف وقالت/اص ولا كلمه ياحيوانه صدق انه ياخسارة تربيتي
نجد قامت وهي ماسكه الغصه/طيب
قامت تنظف وتغسل المواعين
ام نجد/وش هالتنظيف ياوسخه الله يقرفك
نجد/والله نظفت زين ناظري مافيه شي
ام نجد/فوق ماانه لسانك طويل وتردين مااشوفين بعد قومي غسليهم مره ثانيه
نجد تنهدت ودمعت عيونها ليه امها مو زي باقي الامهات
ام نجد/دموع التماسيح ذي مابيها تفهمين؟
ابو نجد/وش صاير ياجماعه وش هالصراخ
ام نجد/شوف بنتك ياخسارة تربيتنا تراددني ولسانها يباله قص
نجد/والله ما را...
ابو نجد/ضربها على ضهرها بكل قوته لدرجة انكتمت
وقال:صدق انك قليلة حيا وكل هذا كان امام انظار اخوانها الي مايقدرون يدافعون عنها
قامت نجد وطلعت غرفتها تبكي وتشاهق/ وش سويت انا ياليتني مت ياليتها ماولدتني مدامهم مايبغوني ليه يجيبوني وهم مب قد المسؤلية
أنت تقرأ
صوبتني سهامك ياراكان وينك عني من زمان
Random"الكاتبة:نور العتيبي" رواية خيالية رومانسية تتكلم عن بنت تكره ولد عمها بالديرة وهو يكرها وبعدها يفصبوه اهله يتزوجها بسبب عاداتهم وتقاليدهم وهو يحب غيرها وبعدها تكتشف خيانته وهذا الي يصير.......
